السلام عليكم يا صقور النيسان
معلش بقي هتتطفل عليكم بالموضوع ده بس كله للمصلحه العامه
لاني شايف ناس كتير مهتمه بالجوك
و كده كده عربيه والدتي مورانو فنقدر تقول اني عقاب معدي من جنبكم هههههههه

طبعا مواصفات العربيه غنيه عن التعريف بس نفكر الناس بيها
العربيه يتتوفر بمحركين الاتنين 1600 سي سي الاول بتنفس طبيعي بقوه 117 حصان و التاني مع تيربو بقوه 190
المحرك الاول بينزل معاه فتيس XTRONIC CVT بينما المحرك التيربو هينزل نفس الفتيس لكن مع امكانيه النقل يدوي
طبعا العربيه بتنزل 2WD لكن الدفع الرباعي متوفر و هو اضافه لكن للاسف مش موجوده في الكويت و لا اعتقد انها هتتوفر في مصر
من المواصفات الاخري الدخول و تشغيل العربيه من غير مفتاح, ملتي فنكشن وييل , مثبت سرعه, جنوط 16 انشو اخيرا فتحه سقف
طبعا مواصفات الامان تشمل ABS, EBD, ESP و 6 air bags

هسيبكم مع الصور دلوقتي و اقول لكم انطباعي عدها























نيجي بقي للانطبعات
اولا كنت متخيل العربيه اكبر من كده
العربيه صغيره بصراحه و في حجم العربيات الهاتش باك الصغيره و طبعا ده ماثر علي المساحات الداخليه و خصوصا الخلفيه اللي هتناسب الاطفال او ذوي الاجسام الممشوقه لكن الناس بتاعت الرز و المكرونه انسي و ده كمان ماثر الشنطه اللي زي ما انتم شايفين مش قد كده و لو حد فكر يحط فيه غطي العربيه يبقي شكرا كده
طبعا ده مبرر طبعا لتفريقها عن القاشقاي

التقفيل جيد جدا و المواد المستخدمه لا باس بيها ابدا و شائت الظروف اننا كنت لسه شايف و الميني كونترمان قبل الجوك و اقدر اجزم ان تقفيل الجوك يعادلها و يمكن يتفوق عليها كمان
محبتش الحته اللي حوالين الفتيس الملونه دي بصراحه بتديك احساس بالرخص كده مش عارف ليه و طبعا الحمرا منها كانت اسوء من السلفر

الشكل الخارجي بقي مممممم
طبعا دي ازواق و شخصيا شايف العربيه عيالي شويه و مش متخيل حد فوق ال 40 راكبها بصراحه لكن عموما هي مش موجهه للسن ده اطلاقا لكن للاسف مش هيقدر علي سعرها غيرهم

و بما اننا اتكلمنا عن الاسعار فدي بقي معجبتيش خااااالص
الفئه الاولي اللي هي شبه فاضيه عامله 5200 دينار كويتي يعني 104 الف مصري
الفئه التانيه و هي هاف اوبشنز ( بدون فتحه) 5700 دينار يعني 114 الف
والفل اوبشن بقي عامله 6400 دينار يعني 128 الف مصري

و بصراحه شايف الاسعار دي كتير علي عربيه في الحجم ده و مش دفع رباعي كمان
عموما شايف ان سعرها هو العامل الاكبر في نجاح العربيه او فشلها و ربنا يسهلها بقي