الموضوع: واحد خبط عربيتي علي كوبري اكتوبر ومش عارف اعمل ايه

السلام عليكم

اثناء سيري علي كوبري اكتوبر , العربية اللي قدامي هدت وانا كمان هديت فاذا بواحد متخلف ابن تيت كان بيجري بسرعة راح لابس فيا من ورا وبعدين جري

جريت وراه ووقفته بس قعد يعتذر وانه رايح المطار وهيتأخر ومن غبائي سبتة يمشي بعد ما اخدت رقم موبايله وحلفلي انه هيصلح العربيه , وبعد كده روحت عملت محضر في القسم

طبعا حضرته قفل موبايله وكل سنة وانت طيب

سوالي : هل المحضر اللي عملته في القسم ممكن يوثر عليه ولا ملوش لازمة ؟ علما اني صورت رقم عربيته بالموبايل؟

لاقدر الله لو حصل حاجة زي كده تاني : المفروض اتصرف ازاي؟

ما هو رقم الشرطة اللي المفروض تتصل بيه ؟

ولا ليه لازمه
ولو حصل معاك الموقف ده ما تسيبوش غير ما يديلك تمن تصليحها او على الاقل تمضيه وصل امانه بقيمة التصليح
انا اتخبط نفس خبطتك واخدت من الواد رخصته الخاصة
وفي الاخر قالي مش دافع واخبط دماغك في الحيطه
ورحت عملت محضر في الولد ودبست فيه الرخصه ولا شيء