صباح الخير على الجميع ........... الحمد لله اشتريت الالنترا 2012 وان شاء الله التقرير خلال اسبوع .... لكن باحس ان فى سخونة طالعة من عصاية الدريكسيون من تحت وانا سايق .... حد عنده تفسير ولا ده عادى ولا دى مشكلة ولا ايه ؟
عرض للطباعة
صباح الخير على الجميع ........... الحمد لله اشتريت الالنترا 2012 وان شاء الله التقرير خلال اسبوع .... لكن باحس ان فى سخونة طالعة من عصاية الدريكسيون من تحت وانا سايق .... حد عنده تفسير ولا ده عادى ولا دى مشكلة ولا ايه ؟
فعلا في المنطقة اللي فيها العصاية كلها بتسخن لدرجة أني كنت لما بأحط الموبايل في المنطقة دي بجانب الولاعة و اجي أمسكه ألاقيه سخن
لكن برضه لاحظت أن بعد مرور فترة التليين الحرارة دي أختفت
أعتقد ان ده شئ عادي و مايقلقش نظرا للاحتكاك العالي للتروس و الجلب و الاجزاء المتحركة في مجموعة نقل الحركة في الفترة الاولي
مع خالص تحياتي
م/ سمير الشهاوي
السخونة دى موجودة عندى انا كمان وعامل بيها دلوقتى حوالى 7000 كيلو بس هيا مش سخونة عالية اوى للدرجة اللى خلتنى ااقلق
السخونية دى كانت موجودة فى السيراتو بردو لما كانت زيرو و اختفت مع الوقت و بقت بتيجى من تحت الطارة كدا و التابلوو بالليل
حضرتك اتاكد ان دورة هواء التكييف معمولة على الوضع بتاع سحب الهواء من جوه العربية عشان ممكن يكون المكيف بيسحب هواء سخن من بره
فعلا انا كمان بحس بالموضوع ده صهد من عند الفتيس لدرجة فعلا لما بحط الموبايل فى الحتة دى بيسخن انا عامل لحد الوقتى 2500 كيلو خليجى
انا من ساعة ما جبت العربية وانا بشغل المكيف على الداخل الا نادرا والسخونة فضلت موجودة هيا مش من الهوايات وده شئ اكييد هيا تحت الفتيس وكمان بحس بيها فى اعمق جزء فى الخزنة بتاع مسند اليد انا متهيألى دى حاجه ليها علاقة بالفتيس نفسه
ممكن تكون حرارة الفتيس عاليه فبتسخن المنطقه المحيطه
متابع باهتمام النتائج
العربية عاملة معايا 12000 كم دلوقتى والسخونة دى اختفت بعد 10000 كم تقريبا . متقلقش .. فتيس النيو النترا من اقوى الفتيسات اللى فى العربيات الزيرو قاطبة .. تحياتى
الاخوة الكرام ...
النهاردة كنت علي طريق القطامية / العين السخنة ذهابا و أيابا و وضعت العربية تحت الاختبار الفعلي في الشد و السرعات و الفرامل و بالتالي النقلات كانت كتير و متتالية و مفاجئة
النتيجة ..
تقريبا مافيش حرارة عالية لكن لاحظت حاجة مهمة جدا ممكن تكون غايبة عن بالنا كلنا
المنطقة دي بالنهار معرضة لأشعة الشمس المباشرة نظرا لكبر مساحة الزجاج علشان كده ممكن تكون بتسخن
لكن .... أكيد هايتم فحصها بالليل بعد مشوار طويل مماثل
مع خالص تحياتي
م/ سمير الشهاوي
السخونة من جزء تحت الدركسيون
لو مديت أيدك ها تلقى جزء مربع
حوالى 10سم فى 10 سم وتخانته 3 سم
أسخن جزء
مش بيلسع بس سخن
بس لو حكيت أيدك عليه دقيقة ها تبقى عايز تشيلها
يعنى متهيألى حوالى 50 درجة مئوية
وكمان إمبير الحرارة دائماً قايس 5 شرطات
المياه مظبوطة
والسخونة بتتحس بعد التشغيل بشوية
20 دقيقة مثلا
وخصوصا لما العربية تجرى
تلاقى هواء سخن بايخ جاى عليك
أنا كان عندى اكسنت وعمرا ما حسيت بالموضوع ده
أنا كلمت غبور وقال الحرارة طبيعية
والهواء السخن ده حله أنى اقفل الهوايات!!!!!
لما جيت النهاردة من عندهم دورت على الانترنت ولقيت الموضوع ده
فارتحت شوية ان المشكلة عامة
وان شاء الله يكون لها حل او تفسير او علاج
اتمنى مشاراكتكم
خصوصا قياس إمبير الحرارة
وسخونة الجزء المستطيل اللى تحت الدركسيون
وشكرا
الموضوع عندى فى الميجان وعادى مافيش حاجة
دى حاجة تقريبا طبيعية
مش لحظتهاااااا ولاونى لسه بتعمل السواقه :::::d
بس ماحدش لحظها من اللى سقها
متابع باهتمام
علي فكرة السخونة أختفت تماما و كمان فيه واحد زميلي في الشغل معاه نفس العربية قالي نفس الكلام
تقريبا زي ما قولت لكم دي بتكون في فترة التليين فقط و بعد 2000 أو 3000 كم بتختفي