الموضوع: اريد طريقة تحويل مرايات الجيتا الى مرايات ضم كهربائية

هو ماينفعش ياجماعة ولا اية

بما اننى كنت بلف اليومين اللى فاتوا على مرايا ليا فسمعت الاتى :

-لو عاوز اعدل المرايا اللى عندى كهربا ممكن تتعمل عند كهربائي محترف واشتريله موتور وبتاع فبر يعدل فى جسم المرايا اللى عندى (80% من المحلات قالولى بلاش لعب فى مرايات الفابريقة)

- انزل الحرفيين وهاتهم استيراد واتاكد ان العربية المخلوعة منهم كانت سواقة شمال مش يمين عشان بتختلف فى شكل المرايا والقواعد.(مفهمتش منهم النقطة ديه اوى بصراحة) وسعرهم ما بين 350-450 للجوز.

-اتاكد وانت بتشترى المرايا ان الفيشة بتاعتها فيها 5 اسلاك.

-وهتضطر طبعا تغير فرش الباب عندك او باكتة زراير المراية بواحدة استيراد او لو فيه موديل من الجيتا مرايات كهربا يبقى هاتهم من موزع معتمد ولو حتى غاليين(ده لو مفيش استيراد).

-واحد برضه قاللى ممكن تجيبلهم وحدة رفع ويقفلوا مع الانذار.

بس كدة ده اللى عرفته عن المرايات الكهربا.

طيب ياشباب انا دلوقتى عندى وحدة رفع فى 4 ابواب بالكامل

انا عايز افهم دلوقتى يعنى لو جبتهم استيراد من الحرفين مرايات ضم كهرباء او جداد يتركبوا عادى ولا لازم تعديل فى كهربة العربية واية موضوع
للعلم ان فى طبعا موديلات فالجيتا مرايات ضم كهربائية
فهل لوجبت المرايات الكهربائية هعدل فالكهرباء ولا هيتركبوا بدون تعديل برجاء التوضيح

المشاركة الأصلية كتبت بواسطة body

طيب ياشباب انا دلوقتى عندى وحدة رفع فى 4 ابواب بالكامل

انا عايز افهم دلوقتى يعنى لو جبتهم استيراد من الحرفين مرايات ضم كهرباء او جداد يتركبوا عادى ولا لازم تعديل فى كهربة العربية واية موضوع
للعلم ان فى طبعا موديلات فالجيتا مرايات ضم كهربائية
فهل لوجبت المرايات الكهربائية هعدل فالكهرباء ولا هيتركبوا بدون تعديل برجاء التوضيح

عندك فى العربية مكان زرار او فيشة المرايا الكهربا موجودة ولا لا؟ لو عندك يبقى تجيب المرايات وتركب علطول ولو مفيش يبقى هتجيب الزرار واحتمال هتغير المكان اللى فى فرش الباب بتاعك اللى فيه زراير الازاز وده برضه استيراد.وتجيب فيشة للمرايا احتمال ياخدوا كهربا مع الازاز او الكهربائى هيقولك يعملهم ازاى.

وديه القطعة اللى اقصدها:



ومعلش اعذرنى اننى معنديش تفاصيل ولكن ده كلام سمعته واتناقشت فيه مع محلات وصنايعية فى التوفيقية.

المشاركة الأصلية كتبت بواسطة body

السلام عليكم ورحمة الله وبركاتة

اريد طريقة تحويل مرايات الجيتا الى مرايات ضم كهربائية تفتح عند فتح اللوك وتغلق عندما يتم اغلاق اللوك
هل ينفع تتحول ولا لا واحولها فين لو ينفع وازاى وبتتكلف كام

معلش لي سؤال ، هو حضرتك بتتكلم على jetta موديل كام وأي فئة ، أو بمعنى أصح إيه الكماليات إلي فيها بالضبط ، عشان الضفيرة بتفرق حسب الكماليات إلي في العربية