http://img28.imageshack.us/img28/4917/imag0263j.jpg
http://img833.imageshack.us/img833/7302/imag0264ed.jpg
http://img4.imageshack.us/img4/3338/imag0265i.jpg
لان منتظر اجراء عملية في خلال اسبوعين ان شاء الله..
وعايز اسأل سؤال: هو تحليل CBC الاولاني مش مذكور فيه فصيلة الدم ؟؟؟
سؤال كمان: ايه اضمن مكان للحصول على دم يكون تم عليه كل الفحوصات اللازمة
وجزاكم الله خيرا..
فصيلة الدم محتاج تحليل لوحده
أفضل مكان المركز القومي لنقل الدم (المصل واللقاح) في العجوزة
حضرتك فيه انيميا بسيطة...وشوية املاح ياريت لو تاخد فوار ipimage
ال CBC دي صورة دم ملهاش علاقة بالفصيلة نهائي
حاجة كمان....مفيش مكان فيه بنك دم الا وبيتعمل الفحوصات المطلوبة بس موضوع العدوي اكبر من كدا بكتير لان ببساطة بيختلف التكنيك اللي بيتعمل بيه الفحوصات من مكان لآخر
ممكن حضرتك تسأل ف الشبراوييشي او او فاكسيرا... وهتلاقي في القصر العيني أرخص كتير
بس حضرتك اتاكد قبل العملية لان علي حسب نوعها ممكن يكونوا محتاجين دم فريش من متبرعين وقت العملية نفسها
انيميا .. نسبة الهيموجلوبين 10,3 ..
الف سلامة ليك وان شاء الله تكون عملية بسيطة
بالنسبة لنتائج التحليلات فهم مرضية ولا تشكل اى خطورة
للرد على اسئلتك لازم نعرف الاول السن والنوع ذكر او انثى مدخن ولا لأ وهل عملت عمليات قبل كدا ولا دى اول مرة ولو عملت عمليات ايه هى وهل عندك امراض مزمنة ولا لأ؟ مثلا زى لاقدر الله ازمات ربو او ضغط دم مرتفع وماشابه وهل انت ماشى على اى ادوية ثابتة ولا لأ خاصة ادوية سيولة الدم. والاهم من ده كله نوع العملية .عن طريق الاجابة على كل الاسئلة السابقة يمكن تحديد هل نسبة الهيموجلوبين اللى فى التحليل مناسبة للموافقة على العملية ولا لابد من تحضير دم ولو هانحضر دم هاتحتاج كام وحدة ونوعية الوحدات اللى هاتحتاجها يعنى دم كامل ولا كرات دم بس ولا مشتقات دم أخرى ولا ممكن ماتحتاجش دم خالص ونعتمد على ان جسمك هايعوض كمية الدم اللى ممكن تفقدها أثناء العملية.
جزاكم الله خيرا لاهتمامكم..
التحاليل خاصة بأنثى 30 سنة مفيش تدخين ولا امراض مزمنة الحمدلله
ودي رابع عملية قيصرية ان شاء الله..
مع وجود تشخيص للاشعة ان المشيمة منغرسة في الرحم..
فى هذه الحالة لابد من تحضير عدد كافى من وحدات الدم وتكون جاهزة قبل بداية القيصرية ومعمول توافق لكل الوحدات وفى رأييى الشخصى لازم تحضير 4 وحدات على الاقل والوضع فى الاعتبار انه اذا كانت المشيمة بعد الفتح لايمكن ولادتها مع التحكم بنسبة النزيف هاتكون عارف انه من الممكن عمل استئصال للرحم لوقف النزيف.لابد من استشارى نساء وتوليد وأستشارى تخدير كويسين جدا للحالة دى. وان شاء الله تقوم بالسلامة .اقتباس:
المشاركة الأصلية كتبت بواسطة timtim