شكر اولاً للاستاذ سامح وثانياً شوية استفسارات من العصابة
السلام عليكم
في البداية بعتذر للغياب شويتين عن المنتدي لظروف العمل
ثم بشكر الاستاذ سامح علي تعبه معايا في حوار كده في العربية والحمد لله خلص علي خير وربنا يجزيه خير علي مساعدته للاعضاء حتي من غير ما يعرفهم :ilikeit:
و عندي شوية استفسارات كده وللعلم العربية Honda Civic Si 93 وعليها مكنة Vtec ZC
1- عندي حساس الشكمان مش واصل ياتري ده ايه المشاكل اللي ممكن تحصل منه لو فضل كده ولو حبيت اشتريه سعره بيعمل كام.
2- عندي العفشة ناحية اليمين محتاجة تتظبط العجلة مش مظبوطة محتاجة تتقدم 1.5 سم فيا تري مين احسن واحد يشتغل فيها.
3- محتاج كهربائي كويس يبصلي علي الضفيرة عشان حاسس ان فيها حاجة مش مظبوطة ياريت برده تنصحوني بحد اروحلة.
4- امبارح كنت مسافر والعربية كانت ماشية زي الفل بس لاحظت ان عداد الحرارة عمال يطلع وينزل مع نفسة من غير مالعربية تكون سخنة فعليا فايه رأيكم في الموضوع ده ؟؟
واخيراً بشكر كل الناس في المنتدي هنا لمساعدتهم بعضهم البعض من غير انتظار مقابل حتي :B4_388:.