انا بدور على عربية في حدود 20,000 بالصدفة اكتشفت العربية جيلي شكلها حلو و امكانياتها تحفة و موديلها قريب بس نادرة . الي انا مستغرب له ان هي الوحيدة الصيني الي في الحدود دي طيب اية السبب:majd(4): ان موديل 2005 يكون سعره كده في حين ان اسبيرانزا او شيري الموديل ده بنفس الامكانيات تقريبا لكن في حدود 36,000 . ايه راي حضراتكوا ؟؟ خصوصا اني كنت بفكر في ديهاتسو شاريد موديل 90 او اونو بس طبعا من غير الكماليات بالنسبة للاونو . افيدوني افادكم الله .....
أنت مستغرب السعر بس عايزة أقولك حاجة
أولا سعر أعادة البيع دايما فى الماركات الغير معروفة بتبقى أقل كتير أوى أوى أوى
ثانيا على فكرة 2005 منها فى حدود فعلا عشرين أو أزيد حاجات بسيطة جدا
ثالثا الجديدة منها بحوالى 30 ألف جنيه أو أزيد فى حاجات بسيطة و بتكون موديل أجدد زى 2008 و شكلها مختلف عن القديمه
رابعا هيا فين قطع الغيار !!؟
خامسا مين هيعرف يشتغل فيها !!؟
سادسا هتعطل كل كام كيلو !!؟
لو حد جربها و قدر يجاوبنا على رابعا و خامسا و سادسا هتقدر توصل لحل لو قارنتها بالمستعمل القديم إلى فى نفس سعرها و تشوف هل الموديلات القديمه نفس المشاكل دى و أنت تقدر تستحمل أية فيهم
دة موديل 2005 إلى بقولك عليه
http://www.carsdir.com/carsphotos/60379%281%29.jpg
http://www.carsdir.com/carsphotos/60379%282%29.jpg
http://www.carsdir.com/carsphotos/60379%283%29.jpg
http://www.carsdir.com/carsphotos/60379%284%29.jpg
http://www.carsdir.com/carsphotos/60379%285%29.jpg
و دا الموديل الجديد منها
http://www.autocentre.ua/ac/09/07/im...ews-CK-2_2.jpg
http://upload.wikimedia.org/wikipedi...Geely_CKII.jpg
بس الموديل الجديد ده بـ 56000 جنيه مش 30 الف زى ما ذكر فوق
مش عارفة هقدر أوصلهالك ولا لأاقتباس:
المشاركة الأصلية كتبت بواسطة zadgo
أنا قصدى المستعمل من الموديل الجديد إلى هوا الكبير عن الأقدم
يعنى العربيه الخضره إلى فوق دى المستعمل منها حوالى 20 لحد 23 ألف
و العربيه أم فوانيس بتقلد فيها المرسيدس دى فى حوالى 30 أو أزيد بسيط جدا
لكن مكانش قصدى أنها بتيجى من المعرض بالسعر دة طبعا
فهمتنى ولا لأ ؟
المهم العربية حلوة ولا لأ وارجو الرد من الخبراء لان فعلا قدامي عربية زي دي ومحتار فيها
ال ck II عربيه تحفه و حمالة قسيه و هي معايا من سنتين الموديل الجديد و اللون الأسود اللي في الصوره فوق دي بتاعتي بالظبط...... و الله كفاءه و انت اولى بفرق الفلوس مع نفس الامكانيات و من ناس معاها فيرنا و لانوس
معايا جيلي 1400 سي سي وهي فوانيس زي المرسيدس بامانه وبكل بامانه مش هالاقي احسن منها
ماتورها تويوتا انجيكشن وموفره في البنزين بطريقه غريبه
مميزاتها
ارتفاعها عن الارض ومهما تركب اعداد في الكنبه الي ورا العربيه مش بتحك في اي مطب
توفير البنزين طبعا
كمالياتها وشكلها تحفه
سحبها عالي بجيب 170 بيها ولو حد هايقولي اخرها 140 هاقوله تعالي وشوف
طلعاتها مالهاش حل وامريكاني زي ماتحب ودوس واجري بيها وتقيله علي الارض مش زي الموديلات الكوري مع احترامي ليها
عيوبها
غلبت لغايه لما عرفت اماكن قطع الغيار والصيانه لكن الحمدلله عرفت دلوقتي اكتر من مكان وبسالهم في مكاني قبل ماتحرك وفيه منهم بيجيلي لو العربيه واقفه
بتعطل كل اد ايه ؟ انا عامله معايا 80 الف كيلو وماعطلتش مني غير مره واحده وكانت بسبب مشكله في الفتيس
غيرت لغايه دلوقتي مرتين اسطوانه وديسك ومرتين كبالن ومقصات ومره واحده طقم كهربا بالموبينه وكان بسبب الغسيل من الداخل مش اكتر
المشكله الحقيقيه فيها الكبالن يعني لو كلت مطب بسرعه جامده اعرف انك اتغير يعني هاتغير لو بعد شهر
الفوانيس والبيبان والصاج والاكصدام غاليين بالنسبه لغيرهم
يعني الفوانيس 350 الفانوس
الكبوت ب 1100
الاكصدام ب 300 جنيه
وفيها مشكله كمان وهي زراير الازاز وزراير التكيف بتبوظ بسرعه واكر الباب
لكن بصراحه قدام كل العيوب بلاقي انها مميزة عن غيرها في شكلها وفي سعرها
وكل واحد له حق الاختيار لكن انا قلت ابلغك بامانه لان ناس كتير ظالمينها وهما ماركبوهاش
يعني كان فيه واحد كاتب في مره انه جيه يعمل لها سمكره الباب اتكسر من السمكري وللاسف كنت محتاج اعمل سمكره في الباب لكن من كلامه كنت خايف جدا لكن روحت عملت الباب وعلي البارد ومافيش اي مشكله واتعمل علي السخن كمان بعدها ومافيش اي مشكله فياريت الي مالوش تجربه مع عربيه مايتكلمش فيها
الكلام ده حقيقي فعلا و الله عربيه ممتازه جدا و فعلا موتورها قوي و سحبها مالوش حل و شكلها شيك و المشاكل الموجوده فيها لا تزيد عن المشاكل للعربيات اللي في نفس فئتها زي اللانوس و الفيرنا و قد تقل ..... و كمان قطع غيارها موجوده و مش غاليهاقتباس:
المشاركة الأصلية كتبت بواسطة desperado11
لأ كفاءة اوى ....80 الف وغيرت كل دةاقتباس:
المشاركة الأصلية كتبت بواسطة desperado11
أنا حاسس ان كده كتير شوية على عربية عاملة 80 ألف من الزيرو.اقتباس:
نا عامله معايا 80 الف كيلو وماعطلتش مني غير مره واحده وكانت بسبب مشكله في الفتيس ، غيرت لغايه دلوقتي مرتين اسطوانه وديسك ومرتين كبالن ومقصات ومره واحده طقم كهربا بالموبينه وكان بسبب الغسيل من الداخل مش اكتر