السلام عليكم, انا معايا لانسر بومة 2009 خليجي ماشيه 40000 و كلمت دايموند موتورز و سألتهم العربية عندهم في الضمان و لا لأ و اكودلي انهم بيضمنوا الخليجي فحجزت عندهم معاد لصيانة ال 40000 و رحت سيبتلهم العربية و بعدين لاقتهم بيكلموني بيقولوا العربية عايزة تغيير مقصات علشان الكويتش بتاع البيض مقطوع و مالوش رقم قطعة غيار فلازم المقص كله يتغير انا طبعا قلتلهم انا عايزهم يتغيروا في الضمان لان اكيد المقص في الضمان قالولي لأ ده سوء استخدام و عملت شكوى على الخط الساخن لدايموند موتورز و مستني الرد.
سؤالي هو ايه كاوتش البيض يتاع المقص ده و يا ترى ده سوء استخدام فعلا و لا ايه الي ممكن يقطعه ؟
كمان قالولي تمن المقص الواحد حوالي 975 جنيه غير المصنعيه و هما عايزين يغيروا المقصين فهل الموضوع يستاهل التغيير و لو ما غيرتهمش حيأثر على ايه؟
و لو ممكن اجيب الكاوتش لواحده و اغيره برة ممكن يبقى فين و في حدود كام ؟

و شكرا ليكم جدا