ينفع هرمى الفانوس الاصلى ؟؟؟؟؟؟؟؟؟

**AMRTOTI** · 16-10-2011 04:55 PM

صنى 2007 كان فى خبطة بسيطة كدة كسرت الفانوس الاصلى الشمال وغيرته بواحد تايوانى
وبعدها بفترة كدة ربنا رزقنا بقرشين فركبت زينون المهم ان الفانوس القديم لونة باين واضاءته مش زى الجديد .
فما قعدت افكر اازاى احل المشكلة دى لاقيت ان الفانوس الباغة بتاعته الى برا دى ينفع تتشال
فالسوال بيقول ؟

هل فى حد ممكن الاقى عنده الباغة بس بدال ما اغير الفانوس كله علشان الاضاءة تبقى مظبوطة مع العلم ان الفانوس الى هيتغير ده الاصلى وانا زعلان عليه جدا
كمان اضاءة الفانوس التايوانى مش فارشة على الارض زى الاصلى ؟.

كمان انا عندى فانوس خلفى اتشرخ كدة وعلشان يفضل ماسك نفسة اضطريت انى افيم عليه لون احمر بس عايز اغيرة بس خايف اجيب واحد يطلع لونه مختلف عن التانى والموضوع ده بشوفه فى عربيات كتير فهل لازم اغير الاتنين مع بعض ولا فى حل انى اجيب واحد جديد بس يبقى زى التانى مع العلم ان الشرخ فى الباغة الى برا بس يا سلام لو بتتباع لوحدها اغير الاتنين وتبقى زى الفل

**AMRTOTI** · 16-10-2011 04:58 PM

مهم جدا الموضوع ده واتمنى الناس تشارك لانى اعتقد ان فى ناس كتير يتعانى من نفس المسكلة اصله حرام ارمى فانوس كامل علشان باغة مشروخة ولا لونها انطفى ولا ايه ؟

**AMRTOTI** · 16-10-2011 06:20 PM

هل الباغة بتا ع الفانوس دى بتتباع ولا لا ؟

**Dewo** · 16-10-2011 07:14 PM

والله عن تجربه انا من سنتين حصل معايا نفس الموقف الفانوس الأصلى إتكسر وغيرته بواحد تايوانى

بع سنتين التايوانى كان زى الفل والفانوس التانى كان فيه شرخ فلم تراب كتير جواه

حاليا أنا هغير الأتنين مع بعض بالتيوانى لأن فعلا كفاءتة ممتازه ومغيرش لونه خالص

بس لاحظ ان فى بعض الأعضاء أشتكو ان التيوانى فى فرق بسيط فى المقاس بينه وبين الأصلى

**AMRTOTI** · 16-10-2011 07:53 PM

كلام جميل بس الفكرة انى مستحرم ارمى فانوس اصلى علشان فيه شرخ ربنا هيحاسبنى على الكلام ده اكيد اخواتنا هيشوفولنا حل خصوصا ان الباغة بتاعة الفانوس مصممة انها تتغير

**MOK3336** · 16-10-2011 08:12 PM

يا سيدي هات واحد تيواني و ركبة و بيع الأصلي لأى حد لو ممكن يتباع او خليه عندك و خلاص

**Dewo** · 16-10-2011 09:12 PM

المشاركة الأصلية كتبت بواسطة amrtoti

كلام جميل بس الفكرة انى مستحرم ارمى فانوس اصلى علشان فيه شرخ ربنا هيحاسبنى على الكلام ده اكيد اخواتنا هيشوفولنا حل خصوصا ان الباغة بتاعة الفانوس مصممة انها تتغير

والله أنا مقدر وجهة نظرك جدا لأنى أوقات بقول حرام الواحد يرمى الحاجه وممكن يكون فى حل وسط مقبول

على العموم فى ناس الحاجات دى عندها عادى وفى ناس متستحملش أى غلطة فى العربيه

أنا رأى لو هوه شرخ بس ومفيش كسر ممكن تروح لواحد بتاع فوانيس يفتحة وينضفه كويس ويلحمه أهو يمشى معاك شويه فى بلدنا دى مفيش فانوس يعيش فى عربيه شخصيا 3 مرات أكون راكن العربيه وأرجع ألاقى وش الفانوس على الأرض

**Amr2004IBM** · 16-10-2011 09:14 PM

انا شوفت الباغه بتتباع لوحدها عند واحد متخصص فى الحجات دى فى التوفيقيه المول الى هناك الدور الثانى تقريبا بس مش عارف جودتها ايه
ونصيه خد معاك الفانوس علشان يلزقو كويس و ميدخلش تراب ويرجع يغمق تانى

**Ahmed.TV** · 16-10-2011 09:23 PM

مبدئيا هو ناس كتير جدا بتشتغل فى عمل الباغات للفوانيس ومنتشرين فى مصر واغلبهم فى منهم فى الحرفين
بياخد الباغة الاصلى ويعملك وصبلك واحدة .. وبيكون سعر الجوز اعتقد فى حدود من 100 الى 150 على ما اعتقد وحسالك قريب لما انزل الحرفين الاسبوع الجى

تحياتى