المشاركة الأصلية كتبت بواسطة Amrrr
لي وجهة نظر شخصية ان العربيات الهيونداي لما نتكلم عنها نسيب الكلام عن المتانة والثبات والتجميع وكل الكلام دا لأن احنا بنتكلم عن عربيات غالبا ومعظمها تحت التمانين تسعين ألف جنيه !!مظبوط؟؟ انا لما آجي افكر في عوامل الأمان والسلامة والثبات التجميع والكلام الحلو دا مش هتبقى دي اسعار اللي نتكلم في الرنج بتاعها !!
انا راكب هيونداي عشان مناسبة ظروفي ولما آجي اصلحها مش هدفع كتير آه هي ضعيفة أوي وصاجها خفيف وعفشتها اي كلام بس برضة انا لازم اشوف دفعت كام
ظروف الجمارك والسوق في مصر هي اللي مخليةو الأسعار غالية كدة لكن الهيونداي من ارخص العربيات الموجودة واتحدي اي حد يجيب عربية اكفأ من الهيونداي وتكون بنفس السعر أو أرخص بمختلف الفئات بتاعتها !!!في طبعا عربيات أحسن منها بكتير بس بيبقى في فرق سعر وفرق في سعر قطع الغيار
وفي الآخر انت بتعرف امكانيات عربيتك وتتعامل معها من هذا الاساسيعني ماجريش بعربية فيرنا مثلا في صلاح سالم واقفل بيها مثلا 160 ( وهي على فكرة بتجيب ال160كم هوا في ثواني وآجي افرمل وتعوم والبس في عامود نور وارجع أقول ماهي عربية ضعيفة وبتحدف ومافيهاش فرامل
واللي عايز امكانيات أعلى لازم هيدفع أعلى