غلط ايه بس؟!!!!!!
عرض للطباعة
غلط ايه بس؟!!!!!!
انا عايز اقول حاجة يا جماعة بالنسبة لموضوع العمرة دى جايز حتى لو كانت موديل 2008 ودة ميقللش من مكانت النيسان او غيرو العربية كتير بيشكرو فيها بس هو يمكن سوء استخدام وسوء الاستدخام ممكن يدمر اى عربية ولو كانت مرسيدس , المهم متزعلش يا بشمهندس ومش عايزك تكرة العربية لانها فعلا محترمة وعايزك تعرف ان دة من عند ربنا ملناش دخل فيها
لؤي باشا
مع احترامي لك كأخ في المنتدي
و اسفي تجاه صديقك و مشكلته
بس انا لسه مقتنع ان الغلطه غلطه صاحبك
لما الرادياتير بتاعه منقلش الميه من القربه, ييجي يمشي علي العربيه(حوالي ساعتين؟)
و بعدين يشتكي من رداءه الرادياتير و انه السبب في اللي حصل؟؟؟
ما طبيعي الرادياتير كان في مشكله بس صاحبك استقوي علي العربيه و مشي بيها كده, و فيه اخ هنا بعتلك رده و كاتب فيه بيسئلك هو صاحبك مكنش بيبص علي مؤشر الحراره؟؟؟؟؟
و بعد اذنك ده الباشمهندس خالد او سبعاوي (عميد قسم النيسان و المنتدي كله اراؤه تحترم و تقدر) عامل موضوع خاص للرد علي ما تم نشره
ادي اللينك
http://nilemotors.net/Nile/showthread.php?t=31983
انا اعتقد ان كلام الاستاذ امير صح لان يا جماعة دى مكنة واكيد مش هتستحمل مش هتفرق بقا صنى مش صنى ان شالله حتى دبابة
معالي الباشا انا ماشي بلانسر ميت مره من غير نقطة ميا
و كانت بتفصل ماتدورش..
و الحمدلله ولا حتى جابت جوان ...
مش تسخن تكلبش الماتور!
يا سيدي انا بتكام في مراحل...
هيا نطت كل دول ازاي!!
ولا جوان ولا وش ... لا مره واحدة ماتور!!
هوا دا ايلي بتكلم فيه... العربية فيها زيت يعني ماتكلبش ماتور ..ولا ايه
مواضح ان الاستاذ لؤى متعصب جدا يا سيدى احنا بنتناقش ربنا سترها فى الانسر ومسترهاش فى النيسان عندك الفكترا 2000كانت مع خالى حصل فيها نفس الموقف بتاع النيسان لا قولنا الفكترا وحشة ولا حاجة دة نصيب يا جماعة مش سوء صناعة صدقونى
لؤي بك
انت حاطط صوره صني و كاتب انها معاك
طيب
حركه المشي من غير ميه في اللانسر دي اساسا ليه؟؟؟؟؟؟؟؟؟؟؟؟؟؟
انت بتجرب تقصف عمر العربيات و لا بتشوف ايه اللي هيبوظ و ايه اللي لاء؟
احنا مش في رالي الفراعنه علشان امشي بعربيه من غير ميه و انا عارف و ده مش مره واحده غصب عنك ده انت كاتب ميت مره....
انت كان معاك ايه قبل الصني دبابه ولا مدرعه, يا راجل اتقي الله في العربيه دي نعمه و اللي انت بتعملو معاها كده تبطر علي النعمه و في ناس كتير واقفين علي محطات الوتوبيس و الميكروباصات دلوقتي حالا يتمنو ربع العربيه اللي معاك او اللانسر اللي انت مبهدلها او الصني التانيه اللي صاحبك نسفها
********
ترجو الإدارة من الأعضاء عدم شحصنة الحوارات
حاطط صورة صني و كاتب انها معايا :)
اه بالفعل كاتب انها معايا..
و ماكنتش في رالي يا باشا ولا حاجه
ايلي حصل ان العربية لانسر 99 و لسه عندنا .. كانت بتسخن على طول و رحت جبتها من مصر الجديدة عشان اوديها واحد بتاع رادياتير في فيصل
و ماكنش معايا غير زجاجة مياه واحده
و الرادياتير كان مخروم 3 خروم :)
وطريق العروبة كان زحمة ساعتها
و وقفت 5 - 8 مرات بسبب السخونة :)
عرفت ليه بأه يا باشا
و الحمدلله لو حضرتك متابع المواضيع هنا ممكن تقرأ مشاركاتي و رأيي الشخصي في العربية ايلي حاطط صورتها و بقول انها معايا :)
و
********
ترجو الإدارة من الأعضاء عدم شخصنة الحوارات
اية يا جماعة انتو هتتخانقو ولا اية بس
وطريق العروبة كان زحمة ساعتها
و وقفت 5 - 8 مرات بسبب السخونة
لية يا استاذ لؤى وقفت ياترا لية؟ اكيد عشان العربية متقفش طيب تفتكر اية اللى يحصل لو موقفتش هيحصل زى محصل فى النيسان ..دة مبدا يا استاذ لؤى مش عملية مين يستحمل اكتر من مين دى الفكرة اللى عايز اوصلها يا جماعة
مبدأ ان العربية لو فيها زيت و مافيهاش مياه تكلبش الماتور؟
مش في بارضو جوان و وش سلندر ولا خلاص .. هيا سخنت مافيهاش مياه يعني الماتور باظ يرميه كده
و العربية الاوتو يا باشا مابتدورش الا لما تبرد
فا تبرد خالص و بمشي ..!!!!!!!!!
وصلت
السلام عليكم الأخوة و الزملاء الكرام
أنا قرأت الموضوع كله
أنا شايف إن المشكلة اللي حصلت
عيب إستخدام واضح و صريح و ظاهر جدا
مفيش عربية في العالم ينفع تمشي بيها و هي سخنة
طيب المؤشر محطوط في العربية ليه ؟؟؟
و مكتوب عليه علامة حمراء لا يجب الصعود عليها ؟؟؟ تفتكروا ليه ؟؟؟
أستاذ لؤي
أنا أعتقد إن فعلا ربنا سترها في اللانسر و ممكن يكون فيها سنسور بيخليها تقف قبل ما توصل للدرجة الحرارية الضارة بالمحرك
إنما اللي حصل للنيسان
ممكن يحصل في أي عربية تانية لو مرسيدس حتى أو رولز رويس
المية و الزيت من أهم العناصر الخاصة ببعمل المحرك
و من غيرهم
المحرك كالإنسان .... بدون دم و هواء
و معلومة تانية
اللي يمشي بالعربية و هي سخنة
يبقى غلطان جدا جدا ......... و أي شئ يحصل في المحرك بعد كدا ........ يجب أن يتحمل نتائجه
لأن مؤشر الحرارة وظيفته التفاعل مع السائق و إخباره أن هناك شئ غلط
يا جماعة واللع العظيم انا ماقولتش انها مش عيب استخدام
لا طبعا فيها جزي عيب استخدام صريح
بس العربية في الضمااااااااااااااااااااا ااااااااااااااااااااااااا اااااااااااااااان
يعني حرام انه يدفع فيها كا دا
الاخ ايلي كان بيقول عليا مفتري و صاحبي ايلي نسف العربيه
والله العظيم انا مش لاقي فلوس العربية دي و لا جايب فلوسها من حرام
وصاحبي بارضو دفع دم قلبه عشان يجيب عربية يعني مش تقول يتنسفها كإنه ولا دافع فيها مليم!!!!
الخطأ فيه استخدام و في عيب صناعة
ايلي عايز اقوله في كل الكلام دا
انه حرام يتحمل التكاليف او حتى كزء منها
دي لسه في الضمااااااااااااااااااان
أستاذ لؤي يا عسل
أنا حاسس بيك
بس تسمحلي أوضح نقطة
عيب الإستخدام ملوش دعوة إن العربية في الضمان أو لاءة
الضمان لعيوب الصناعة فقط لا غير
إنما عيوب الإستخدام يتحملها صاحب السيارة لأنه أساء الإستخدام
و الشركة ليس لها ذنب نهائي
و معلش ممكن أقول حاجة و ياريت حضرتك الكريمة متزعلش مني
لو صاحب حضرتك شاف المؤشر سخن و حس بالعربية سخنة و برضه صمم يمشي عليها
يبقى يستحمل نتائج غلطه
لأنه كدا بيظلم الشركة معاه .............. صح و لا أيه يا باشا
و أختلاف الرأي لا يفسد للود قضية يا أخي الكريم
لؤي بك
1-انت اهو بتقول انك مقتنع ان ده عيب استخدام و مش بتنفي ده, امال كنت انا و انت بنتكلم و نرد علي بعض الصفحات السابقه علي ايه؟
2- العربيه في الضمان,طب الاخ توت رد عليك و من قبله رديت عليك و قلتلك دي لو عربيه 2009 و خدتها لفه من غير ميه لازم تبوظ ولا ايه؟!
3-و من غير زعل زي ما الاخ توت قالك برضو, واضح ان قلبك علي صحبك و مستحرم انه يدفع الفلوس دي كلها, و ده شيء طبيعي من واحد قلبه علي صحبه, بس من وجهه نظر اخري فألي عمله صاحبك في الجرنان ده مش شويه(الا لو كان ليه وجهه نظر تانيه تبرر مطالبته بالتصليح الكامل علي حسابهم,و ده احتمال بعيد الا لو كان شايف ان العربيه كانت المفروض تبطل لو سخنت قوي قبل ما الموتور ينهار و دي نقطه معرفهاش بس مسمعتش عنها)
4-انا مقولتش عليك مفتري نهائي, انت قلت دفاعا عن وجهه نظر صاحبك انك كنت مشيت باللانسر ميت مره من غير ميه و محصلش حاجه,و و اضح انك كنت بتعيب علي الصني انها مش زي اللانسر في النقطه دي, و ده اللي رديت عليه بالرد اللي انت مشتكيني للاداره عليه, و مع انه كان قبل ما انت تكتب بعدها ان العربيه كان رادياترها مخروم و مكنش معاك غير زجاجه مياه واحده فقط و قولت كمان انك وقفت كتير, فعلشان كده شكيت انك بتتبطر علي النعمه و طلبت منك اتقاء ربنا فيها, و بالنسبه لصاحبك و موضوع اني قلت انه نسف العربيه فده مش رأئي لوحدي و شوف الناس برضو بتقولك ايه
5- يا اخي اعوذ بالله العظيم اني اكون قاصد ان فلوس اي من العربيتين من حرام, ربنا يباركلكو فيما اعطاكو و يكفيكم شرها
6-الخطأ فيه استخدام و عيب صناعه: خطأ الاستخدام واضح زي الشمس, خطأ الصناعه مش فاهم قصدك ايه الا لو كان ان العربيه تفصل قبل ما درجه حراره الموتور توصل للانهيار, لأن الرادياتير زيه زي حاجات كتير ممكن يبوظ
7- شاكيني للاداره اني بستخدم الفاظ معاك و ان يجب لفت نظري لأداب الحوار: يا اخ لؤي خلتني اشك في نفسي و راجعت المشاركه كذا مره علشان اشوف انت غلطت فيا في ايه علشان اتهجم عليك ولا انا اهنتك ولا حاجه, و مكنش فيه غير نقطه اتق الله و بلاش تبطر علي النعمه, و دي ردا علي انك مستغرب ازاي الصني تبوظ منه و انت اللانسر مشيت بيها ميت مره-وده كلامك من المشاركه اللي قبلها- و عادي, فأيه الرد المحترم المؤدب لواحد بيقول كده غير دعوته لأتقاء الله في النعمه اللي معاه؟؟؟؟؟؟؟؟؟؟
8-انا رديت عليك بس علشان انت جبت سيره موضوع شكواك مني غير كده كنت مستني الاداره هيا اللي تحكم لو انا كنت ظلمتك
اما بالنسبه للاداره ****************
العضو افاضل: المكان الوحيد للتعليق على قرارات وتنبيهات الادارة هو ساحة الشكاوى، نرجو الالتزام، كما نرجو الاحاطة بان الادارة لم توجه لك اى انذار كما تفضلت وذكرت، فقط تم التعليق على شخصنة الحوارات بدون اتخاذ ايه اجاراءات
دكتور أمير ... انا اعتذرلك على اي حاجه زعلتك مني
حقك على راسي يا دكتور
!!!!!!!!!!!!!!!!!!!!!!!!!!!!!!!!!!!!!
رفض اسفي :)
ولا يهمك
انا مش بك ولا حاجه
لؤي بس :)
[quote=loai-omar;347531
لؤي بس :)[/quote]
يا هلا يا هلا