الحلول المتاحة لحادث الاكصدام الأمامي
أنا كتبت موضوع إني لسه عامل النهاردة حادثة بالتيدا، بس الحمد لله كانت بسيطة و أسفرت فقط عن فك الناحية اليمين في الاكصدام الأمامي، حاولت أركب الاكصدام بنفسي لكن اكتشفت ان الكليبسات اتكسرت زائد جزء صغير في الاكصدام نفسه (عبارة عن دايرة مفرغه في الاكصدام ، لا يري هذا الجزء الا عند فك الاكصدام لأنه موجود من الداخل) انا هانزل بالليل للسمكري عشان أحل المشكله و اركب الاكصدام، لكن محتاج أفهم ايه الحلول المتاحة و ايه افضلها لأني باشوف حلول كتيره للاكصدام المخلوع، و يا ريت كمان تفيدوني في النكلفة التقريبية لكل حل:
1- ربط الاكصدام بسلك: و ده أعتقد المقصود منه انه يبقي حل مؤقت لأن شكله بيكون وحش أوي.
2- مسامير بتخرم في الاكصدام نفسه عشان يتركب (و لسه شايف النهارده عربيه عامله كده لكن بردو شكلها وحش و مبوظه الاكصدام).
3- هل ممكن الاقي الكليبسات المكسوره دي عند السمكري ؟ بس هتبقي مشكلة الجزء الضئيل المكسور في الاكصدام نفسه.
4- اغير الاكصدام كله و اجيب واحد جديد: بس انا شايف انه حرام اغير الاكصدام علي حاجة صغيره كده و ادفع 850 جنيه لو في التوكيل و 370 لو جبت اكصدام تايواني (الأسعار طبقا لموضوعات بالمنتدي)
آسف علي الإطالة، و أرجو الإفادة سريعا، و شكرا.....
