مساعدة في مصيبة 307

**toot70** · 16-10-2011 07:44 PM

شباب مساء الفل

انا معايا 307 هتش باك مانيوال من غير فتحة سقف
قريب جدا مغير الزيت والبوجيهات
اول امبارح ركنت وانا خارج كتبتلي انه مفيش زيت وانا متعود علي الحركة دي لانها بتهيس كتير
المه الصبح جيت ادورها زي ما يكون فيها عفاريت , النور يطفي وينور وتسمع صوت زي الكتاوت في كل العربية بيتكتك وتسمع صوت في البوابة زي الصفارة كدا

الكاسيت بيشتغل من غير الكونتاكت ونور الطابلوه ينور مع نفسن ويطفي وفي كل ده عارف لو دخلت المفتاح في لكونتاكت يركبها العصبي

مش عارف ايه ده حد يساعدني ؟؟؟؟؟؟؟؟؟؟؟؟؟؟؟؟؟؟؟؟؟؟

انا فصلت الكهربا كل الارضي والكهربا وسبتها فترة طويلة ومفيش فايدة ؟؟؟

هي في الجراج ومش عارف اعمل ايه تفتكروا اية ممكن مساعده يا شبااااااب

**ahmedb1** · 16-10-2011 08:40 PM

تقريبا دي علبة الفيوزات انا سألت مرة احمد ندا وقالي كدا مع العلم انا عندي كتاوت النور العالي والفلاشر مش شغالين في العلبة , يعني مثلا جيت تشغلها تلاقيها نور الطبلوه والنور الخارجي ينور لوحده عشان الموضوع ده بيحصل معايا وساعات وانا ماشي بيها

**toot70** · 17-10-2011 03:10 AM

المشاركة الأصلية كتبت بواسطة ahmedb1

تقريبا دي علبة الفيوزات انا سألت مرة احمد ندا وقالي كدا مع العلم انا عندي كتاوت النور العالي والفلاشر مش شغالين في العلبة , يعني مثلا جيت تشغلها تلاقيها نور الطبلوه والنور الخارجي ينور لوحده عشان الموضوع ده بيحصل معايا وساعات وانا ماشي بيها

طيب ودي ايه نظامها ؟؟؟؟؟ وممكن تتصلح واللا بتتغير؟؟؟؟ طيب واتأكد ازاي والتكاليف كام

ربنا يستر

**ahmedb1** · 17-10-2011 11:43 AM

هي مش بتنور وتقفل بحركة متكررة ومش عالطول , تبقى العلبة وعامة لو فيها حاجة في الكتاوت مش بتتصلح بتتغير بس اعتقد دا عيب بسيط مش عشان حاجة زي دي تغير العلبة كلها مفهوش ضرر و حضرتك لازم تتأكد في مركز بيجو برضه لتكون حاجة تانية وسعر العلبة استيراد ب 600 700 و جديدة ب 2000 او اقل حاجة بسيطة

**MuhamedNabil** · 18-10-2011 01:37 AM

انصحك تروح مكز خدمة محترم عشان يكشف عليها , الحجات دى مش يتاعت الورش الصغيرة دى , ممكن يطلع سوفتوير فى الاخر و كدة كدة عشان موضوع انك فصلت البطارية يبقى فترة طاويلة يبقى حتحاج تدخلها على الكمبيوتر.
روح امودرن سيرفيس لو انت فى مصر الجديدة

**toot70** · 18-10-2011 01:43 AM

المشاركة الأصلية كتبت بواسطة MuhamedNabil

انصحك تروح مكز خدمة محترم عشان يكشف عليها , الحجات دى مش يتاعت الورش الصغيرة دى , ممكن يطلع سوفتوير فى الاخر و كدة كدة عشان موضوع انك فصلت البطارية يبقى فترة طاويلة يبقى حتحاج تدخلها على الكمبيوتر.
روح امودرن سيرفيس لو انت فى مصر الجديدة

الموضوع طلع بطارية يا شباب نشكر الله علي كل حاجة

البطارية فضيت معرفش ليه مع ان بقالها 14 شهر بالظبط
يلا كله مضروب يظهر مع انها اسيديلكوا 66