رحت أعمل صيانة ال100،000 في التوكيل، طلبوا مني 29،000 ريال!!!

**zaher84** · 16-10-2011 08:32 PM

السلام عليكم

رحت توكيل النيسان عشان أعمل صيانة ال 100،000 لعربيتي الصني موديل 2004، فقالوا لي أنها ستتكلف 29 ألف ريال؟!!!!!!!

استغربت جداً لأنهم تقريباً عايزيني أغير كل حاجة فيها!!!

لكن الحاجات الأساسية اللي طلبوا مني أغيرها على وجه السرعة و اللي أنا مش فاهمها لأن أنا مابهمش حاجة في الميكانيكا هي كالتالي:

1- الرادياتير: قالوا إنه مصدي كله و لازم يتغير بالكامل ( مع إن العربية مابتسخانش مني! مش فاهم ليه لازم أغيره؟ مافيش طريقة تانية؟)

2- علبة دريكسيون، مع كل الليات: لي الضغط العالي و الواطي و لي الدريكسيون الداخل و الخارج، طلبوا مني أغير ده بالكامل لأنهم لقوا رشح زيت دريكسيون من تحت. طب لازم أغير كل ده؟ مافيش طريقة للإصلاح؟؟

3- مساعدات أمامية و خلفية بالإضافة للمقصات الأمامية. برده مش فاهم: هل لازم أغير كله و لا في حل بديل؟ علماً بإنه فعلاً أحد الشكاوى الرئيسية في العربية هو صوت التزييق و الصرير مع الملفات و عند المطبات.

أرجو الإفادة من الإخوة الأكارم أصحاب الخبرة

و جزاكم الله خيراً

**eng.m7md.ali** · 16-10-2011 08:43 PM

حضرتك متاكد من الرقم ده ؟؟
هو حضرتك في السعودية مثلا ؟؟ لو كدة يبقى ال 29 الف دول تجيبلك بيهم عربية تانية احسن من الصني بكتير

**Eslam.Elrefaey** · 16-10-2011 08:50 PM

المشاركة الأصلية كتبت بواسطة eng f3lix

حضرتك متاكد من الرقم ده ؟؟
هو حضرتك في السعودية مثلا ؟؟ لو كدة يبقى ال 29 الف دول تجيبلك بيهم عربية تانية احسن من الصني بكتير

انا بقول كده برضه

**zaher84** · 16-10-2011 10:22 PM

الرقم صحيح،،،، الفكرة إني هنفضلهم و أعمل الحاجات المهمة برة التوكيل، عشان كدة بأسأل قبل ما أروح لميكانيكي برة.

**eng.m7md.ali** · 16-10-2011 11:58 PM

يافندم الاوفر ليك انك تبيعها على كدة وتشتري حاجة تانية يااما تنزل مصر تجيب الحاجات دي كلها استيراد مش هتكلفك اكتر من 5000 جنيه
لكن 29 الف دي رقم خيالي

**zaher84** · 17-10-2011 01:14 AM

المشاركة الأصلية كتبت بواسطة eng f3lix

يافندم الاوفر ليك انك تبيعها على كدة وتشتري حاجة تانية يااما تنزل مصر تجيب الحاجات دي كلها استيراد مش هتكلفك اكتر من 5000 جنيه
لكن 29 الف دي رقم خيالي

الشغلانة اللي تكلفهم 29،000 لو عملتها برة مش هتكمل 5000، أنا بس عايز أسأل عن التلات حاجات دول، هل فعلاً لازم جديد و لا ممكن في وسائل للإصلاح.
أنا بس باستوضح قبل ما أروح لميكانيكي هنا لأن الفتي عند الجماعة دول أسهل من شرب المية

**wama1903** · 17-10-2011 01:17 AM

هو حضرتك في السعودية مثلا ؟؟ لو كدة يبقى ال 29 الف دول تجيبلك بيهم عربية تانية احسن من الصني بكتير

+!1111111111

**mahamedaraby** · 17-10-2011 01:32 AM

الراديتر ممكن يتنضف فيه سائل كده معين بيتباع عندنا اسمه منضف دوره تبريد بينزل كل الصدا واللى فى الرادتير وبعديها ابقى حط ميه خضراء ده اللى اقدر افيدك فيه

**SASA3** · 17-10-2011 08:15 PM

صلى بينا على النبى يا راجل 29 الف مين دا ميجيبش تمنم الصنى ذات نفسها هناك

هو الحجات ده فعلا ممكن تتعمل بره و الرادياتير بيتصلح و الذى منه بس كده طبعا اوووووووووووفر

و الحل الاكيد لو حضرتك عندك النية انك تبيع و تجيب عربية تانيه سواء زيرو او مستعكمل حسب امكانيات و ظروف حضرتك
و الى فيه الخير يقدمة ربنا :)