سؤالين عن الافيو ؟؟؟؟؟

**flymido** · 16-10-2011 09:57 PM

السلام عليكم يا افياويه
انا معاكم عضو جديد فى نادى الافيو من اسبوع جبت افيو 2009 عامله 19 الف كيلو
وعايز اسجل اعجابى بالسياره بعد اسبوع من امتلاكها ودة رد لاى حد بيتكلم عن الافيو كلام مش تمام والكلام كتر اوى اليومين دول
عايز اسالكم سؤاليين مهمين جدااا ايه رايكم وانطباعتكم عن اللون السماوى فى الافيو
وملاحظ انه غير منتشر كالنبيتى والفيرانى مثلا
ايه رايكم فى اللون السماوى
وعايز اعرف ايه الله هعمله فى صيانه ال20 الف بالظبط فى التوكيل ؟؟؟؟؟؟؟؟؟؟
والتكلفه هتبقى كام + انا بحس برعشه بسيطه فى الدواسه والكل بيقلى ترصيص + صوت الفرامل بيبقى بيصفر كل ده هشوفه مع صيانه ال 20 الف باذن الله

**drmagieed** · 17-10-2011 01:14 AM

ربنا يباركلك فيها ... ويكيفيك شرها ... أنا معي أفيو 2007 كوري فيراني اللون وعمري ما سمعت ولا شوفت المشاكل إللي بيحكوا عنها في المنتدي ... عربية ممتازة .

**memo823000** · 17-10-2011 05:18 PM

عايز اسالكم سؤاليين مهمين جدااا ايه رايكم وانطباعتكم عن اللون السماوى فى الافيو
فى راى احلى لون هو والابيض

وعايز اعرف ايه الله هعمله فى صيانه ال20 الف بالظبط فى التوكيل ؟؟؟؟؟؟؟؟؟؟
والتكلفه هتبقى كام + انا بحس برعشه بسيطه فى الدواسه والكل بيقلى ترصيص + صوت الفرامل بيبقى بيصفر كل ده هشوفه مع صيانه ال 20 الف باذن الله[/quote]
انت محتاج ترصيص الفعل وده مهم جدا عشان القياده الامنه والتحكم وانت بتجرى
والصفراة تبقى محتاج تغير تيل ضرورى برده عشان الطنابير

وصيانة ال 20 الف على مافتكر بس لو انت هتعمل صيانه فى التوكيل اتاكد منهم
تنظيف فلتر الهواء والتكييف - فلتر البنزين اعتقد محتاج يتغير - تربيط عفشه - تغيير زيت وفلتر لو مكنتش غيرت - رجلاش للهاند بيرك - تغيير بوجيهات برده على ماظن - تراجع على زيت الفتيس وزيت الفرامل - بالاضافه لكلام المهندس ايمن وخليك مصحصح فى التوكيل وخلى اسلوبك فى المتوسط يعنى لا تتساهل معاهم لايلطعوك ويكروتوك ولا تشد جامد عشان العصبيه (خير الامور)
التكلفه معرفهاش لانى بصراحه مقاطع التوكيل لقلت الضمير والكروته بس ممكن تجيب رقم منصور ال5 ارقام وتتصل بخدمة العملا وتسالهم وهما هيجوبوك
والله المستعان