الموضوع: رسالة هامة الى كل مالكى شيفروليه وبالذات أفيو

ملخص كلام الأخ هاني-إنج

أولا: صاحب الموضوع مخطيء علشان بيشتكي من مشكلة خاصة في السيارة بتاعته منغصة عليه
ثانيا: صاحب الموضوع تمادى في الخطأ و انتقد ما صادفه من إجراءات في التوكيل و جهاز حماية المستهلك
ثالثا: صاحب الموضوع و هو شخص مفتري بطبعه قرر عدم السكوت على حقه و استكمال الإجراءات الصحيحة القانونية للإفتراء على منصور
رابعا: لا يصح أننا نناقش مشاكلنا في المنتدى و لا ندعوا لحلها و لنخصص المنتدى للشكر و التهاني و طلب الرحمة
خامسا: أعضاء المنتدى المفتريين سيئي الأخلاق ينافقون بعضهم فهم يشكرون مع من يشكر و يؤيدون من يشكو

طبعا كلام الأخ هاني أونج كلام طريف و مشاركاته هي نوع من البهارات اللي بتخلي فيه مذاق لتصفح المنتدى بس طبعا مابناخدهوش على محمل الجدية و المفروض ماننفعلش بيه
و الواضح إن أسلوبه في الكتابة عصبي جدا و ده بيبان من السياق المتقطع و الأخطاء المتعددة في الأحروف كما أنني تعودت على عدم الثقة في آراء المهندسين اللي بيكتبو كلمة "إنج" في النيك-نيم بتاعهم و ده اللي المفروض يخلينا مانتجاوبش مع النوع ده من الأعضاء الأنتي-أعضاء

يعم يارتني كنت نجار مسلح او سمركي احسن 1000مره من لهندسه

ياجماعة أنا عايز أعرف انتو ليه زعلانين من أى حد يقول رأيه كل واحد حر أنا فعلا الأخ هانى معجبنيش أسلوبه فى الكلام وكأنى كنت أهاجمه هو شخصيا مع أنى والله لاأقصد إلا النصيحة لوجه الله اذا كنت تقبلها يأخى فاقبلها واذا لم تعجبك فتخلى عنها لا أن نهاجم بعضنا البعض وهذا المنتدى موجود للاستفادة ونشر الآراء لكى نستفيد من تجارب كل واحد منا وخبراته سواء فى مشاكل أو فى شىء كويس حصل معاه وبعدين هو أنا عشان بقول محدش يسيب حقه ايا كان وفى اى مشكلة تبقى حصلت مصيبة احنا فعلا فينا مشكلة ومؤسسات الدولة اللى انت بتدافع عنها لاهى بتدور ورا مستهلك ولا بتحميه وبعدين هو احنا اللى دافعينه فى العربية دى فلوس ولا ميه دا الواحد محروق دمه فى كل قرش فيها وكل ماكنت اتمناه انها تبقى تمام مش سوبر وطلعت عينى وكنت هاموت بسببها وكل ده يقابل بلامبالاة سواءفى مراكز الخدمة أو فى المصلحة اللى انت بتشتكيلها الكل بيقابلك ببرود وابتسامة اتفضل يافندم وهنحللك المشكلة وتطلع بعدها ترجع نفس المشكلة وتفضل تلف وتدور وعندك احساس انك اتنصب عليك ولعلمكم والله انا مش معترض ان فيه عيب يظهر فى العربية وارد فى عربية حتى لو كانت عالية بس المهم ان العيب يتصلح لكن لما يفضل نفس العيب معناه ان ده استهبال وهارجع واقولكم كلكم ان العيب فينا ليه تسكت انشر دايما انك حتى حاولت تاخد حقك يمكن ده يغير حتى ولو قدر يسير من طريقة تعامل الشركات مع المستهلكين لانك انت الاهم انت اللى بتعملهم السمعة وانت اللى بتدفعلهم الفلوس احنا مش بنشحت العربيات دى منهم وشكرا لكل الرجالة اللى بيساندونى بجد شكرا ليكم كلكم

يعني العربيه اتباعت دي 52 الف بعد 9اشهر ياريت حد خبير في البيع والشراء يقوله رائيه
يعني انا شاري عربيه 80000 الف ابيعها بعد 9 اشهر 52 الف لو زيور حد يرد عليه
ممكن تتباع 52 بس المصنع لو رخص تمنها خلها ب 60 الف
حد يرد عليه
ممكن تتباع بـ 30000 بس لازم تقول ماشيه كام
رشه ولا مشرشه
بيوة الفبريكه فيها خربيش
حجات كتير
والنبي ابقا هتلي عربيه 2011 زيها نفس الحاله بـ52 وهدي لمعاليك الف جنيه تمن تعبك ولو انا اشتريها وانا مغمض