عرض للطباعة
تم تغيير السباكة بالكامل في الشقة ولكن في ملاحظات
1-تم تركيب ماتور كالبيدا حصان بالبمبة والاوتوماتيك وانا في الخامس والمياه مش طالعة قوية (اللي فوقي واللي تحتي المياه عندهم اقوي ومركبين مواتير نصف حصان)
2-المياه في الحمام (البارد في البانيو ووصلة الغسالة الاتنين ضعاف قوي مقارنة بالمطبخ) غالبا في سدد في الماسورة اية الحل؟
تم تركيب السيراميك!
حد يقولي اعمل اية؟
هل لو كسرنا عشان نشوف حنكسر سيراميك الحمام كله؟ ولا بلاطة اللي تحتها المواسير؟؟؟
خلى السباك يفك العداد الاول ويشوف فيه كتمه ولا لأ
لان العداد بيكون فيه من ناحيه مدخل الماء حاجه زي شبكه كده وسعات بتتسد من بعض الحصى
وبخصوص التكسير بتكسر البلاطين الى فوق الماسورة بس
انت عايز سباك محترم يكشفلك عليها بس ممكن يكون العيب من الموتور انه عايز يتظبط قوه المايه علشان يوصلك لفوق بقوه ال انت عايزها واشك ان المشكله مشكله ان الماسوره مسدوده دا احتمال نادر جدااااااااااااااااااااااا ااااااااااااااااااااااااا اااااااااااااا
غالبا انت عايز ظبط للموتور عباره عن سوسته عايزه تتظبط بس
شوف يا سيدى :
أنا كان عندى نفس المشكلة اللى حضرتك بتشتكى منها .
ركبت موتور جديد والمشكلة زى ما هى
الحل كان حاجة بسيطة قوى
لقيت محبس الشقة (نوعه بليه) كان مفوت وعلى طول مخلى منسوب المياه قليل عن الجيران حتى اللى أعلى منى فى الأدوار
ربنا هدانا وغيرنا المحبس والمية بقت كويسة بعد طبعا ما فكينا المواسير بتاعت الخارجى كلها ونضفناها .
وعاوز أقول لحضرتك حاجة كمان :
عند أى كوع أو لاكور إفتح وإطمئن على نظافة التقفيل فمن الجايز تكون فيه حاجة سداه (وبرضه حصلت معايا قبل كده الاستوبه اللى هى الشعر ده اللى بيحطوه عند الكوع أو الوصلات لقيته سادد جزء من الماسورة والمياه ضعيفة بسبب كده).
الحاجة الاخيرة برضه شوف حضرتك بالمرة السيكس بلف ده لو حتة طوبة أو زلطة صغيرة جت فيه ممكن يبوظ الدنيا .
شوف وابقى قول لنا عملت إيه
وبالتوفيق إن شاء الله
ربنا يستر المشكلة يا جماعة ان المياه ضعيفة في الحمام ومعقولة في المطبخاقتباس:
المشاركة الأصلية كتبت بواسطة sha2e
انا خايف ان التكسير يؤدي الي تكسير الحمام كله لاني لسة عامل السيراميك وربنا يستر انا متضايق جدا من الموضوع دةاقتباس:
المشاركة الأصلية كتبت بواسطة sha2e
فيه ماده كده عباره عن حبيبات بتتحط فى الحوض لما يتسد مش عارف دى ممكن تتعمل فى المواسير ولا لا
هى بتتباع عند بتاع المنظفات
هى بتدوب اى حاجه فى طريقها
احنا بنستخدمها بس مش عارف تنفع فى تسليك المواسير ولا لا
أنصحك بعدم إستخدام تلك المادة مع المياه الصالحة للشرب حيث أنها تحتوى على كيماويات تضر الجسم و الجلد و تؤذى العيوناقتباس:
المشاركة الأصلية كتبت بواسطة besso
يمكن إستخدامها فقط فى مواسير الصرف و ليس فى المياه التى تستخدم للشرب و الغسيل و الإستحمام
فعلا كلام سليماقتباس:
المشاركة الأصلية كتبت بواسطة homme49
طيب فك الاول عند عداد المياه و شوف يمكن في سدد هناك المياه دايما بيكون فيها رواثب شديدة و كمان نضف البلونة بتاع الموتور و خاليه يشوف الامبير ولا في حاجة كده في الاتوماتيك بتاع الموتور بيتحكم في السرعة بتاعت المياه المهم شوف سباك ثقة و بلاش تكسر اي حاجة غير لما تتاكد ان العيب داخلي
شوف ياخى العزيز الموضوع موش سهل ان حد يقولك العيب فين لازم سباك فاهم يكشف على الخط كله من قبل الموتور الى الحنفيات
1- بعد الموتور بيتركب (نو رتيرن فالف) وده عشان الميه اللى بيطلعها الموتور ماترجعش تانى الى الموتور
2- الاكواع كلها لو الناس اللى اشتغلت فيها موش صنايعيه وبيعكو حايكون الاستوبات او الشعر اللى بيلفوه على الموسير عند عمل الوصلات سادد الموسير وكمان ممكن تكون البلستكات الصغيره اللى بتكون فى اول واخر المواسير وهى جديده واحده دخلت جوه الماسوره والصنايعيه ماشافوهاش
بس اللى اعرفه ان الناس كلها بتركب مواسير بلاستيك فى الوصلات الداخليه للبيت تحت السيراميك لانها بتكون انضف واسهل فى التركيب
ربنا يسهلك وتعرف ايه المشكله ان شاء الله وتتحل
محتاج مزيد من الردود