دعوة للنقاش : قطع الغيار الاصلية ما بين ابو الحسن و منصور شيفروليه

**maka** · 23-10-2011 10:59 PM

المشاركة الأصلية كتبت بواسطة ahmedezzat78

الخواجه عنده الأصلى فى بعض القطع و الكورى و الصينى فى بعض القطع

بس الصراحة الراجل أمين و بيقول الحقيقه

أبو الحسن عنده الاثنين بس الغريب ان الأصلى بيبقى عنده و مش بيرضى يطلعه و عايز يبيع من الأصناف التانيه .... مش عارف ليه؟

فعلا كنت مرة بجيب قاعدة موتور بيطلعلى الاصلى كانه بيطلع كيس بودرة

**road_devil** · 24-10-2011 12:24 AM

المشاركة الأصلية كتبت بواسطة mmamdouh

معلش سؤال... هى قطعة الغيار هتعمر اكتر فى العربية لو احمد او سامح مسكها بايدة مش حد من العيال الصغيرة؟

mmamdouh

+11111111111111111111

**emaddamin** · 24-10-2011 11:07 AM

السلام عليكم ورحمة الله وبركاته
المسألة فى النهاية ازمة ضمير من الطبيعى أن اى محل يكون عنده قطع غيار متنوعة بأسعار متفاوتة ليرضى جميع الفئات سواء من اراد الأصلى بسعرها المرتفع او التقليد بسعرها المنخفض ولكن المانة تحتم عليه انه يقول والعميل يختار ما يشاء

**maka** · 25-10-2011 11:55 AM

فعلا هى المشكلة كلها تنحصر فى ازمة الضمير + مستوى الثقة

**road_devil** · 25-10-2011 10:21 PM

المشاركة الأصلية كتبت بواسطة emaddamin

السلام عليكم ورحمة الله وبركاته
المسألة فى النهاية ازمة ضمير من الطبيعى أن اى محل يكون عنده قطع غيار متنوعة بأسعار متفاوتة ليرضى جميع الفئات سواء من اراد الأصلى بسعرها المرتفع او التقليد بسعرها المنخفض ولكن المانة تحتم عليه انه يقول والعميل يختار ما يشاء

أتفق معك يا استاذ عماد أنها مسألة ضمير في المقام الأول لأني لما جيت أجيب طقم الكاتينة من عند المنير جبته على أنه أصلي وكان ب 370 جنيه لكن لما البلية تفرط عند 15000 ألف كيلو فده معناه أن المنير معندهمش أي ريحة من الضمير ولا مسحة منه لأن أكيد هو عارف أن البلية بتاعته ديه مضروبة وأكيد عارف كويس أضرارها أيه في حالة لو قفشت أو فرطت مع حد زي ما حصل معايا. أنا العربية عندي عاملة 60000 ألف كيلو بس فحرااااااااااااام أن الموتور يتفتح دلوقتي ويتعمل في شغل لاكن هنقول ايه في قلة الضمير.

**maka** · 25-10-2011 10:47 PM

المشاركة الأصلية كتبت بواسطة road_devil

أتفق معك يا استاذ عماد أنها مسألة ضمير في المقام الأول لأني لما جيت أجيب طقم الكاتينة من عند المنير جبته على أنه أصلي وكان ب 370 جنيه لكن لما البلية تفرط عند 15000 ألف كيلو فده معناه أن المنير معندهمش أي ريحة من الضمير ولا مسحة منه لأن أكيد هو عارف أن البلية بتاعته ديه مضروبة وأكيد عارف كويس أضرارها أيه في حالة لو قفشت أو فرطت مع حد زي ما حصل معايا. أنا العربية عندي عاملة 60000 ألف كيلو بس فحرااااااااااااام أن الموتور يتفتح دلوقتي ويتعمل في شغل لاكن هنقول ايه في قلة الضمير.

ايوه هو ده اللى انا بتكلم فيه , طالما الحاجة مش اصلى بتبيعها ليه انها اصلى بيعها بمعلومية بلدها و كله بيتباع الغالى و الرخيص

القرش الحرام مفيهوش بركة لكن الناس لا تتعظ