هل حد لاحظ فرق جودة فى قطع الغيار الاصلية ما بين ابو الحسن و توكيل منصور شيفروليه ؟؟
لان فيه تفاووت فى الاسعار ملهوش مبرر
يعنى البطاحة الاصلية فى التوكيل ب 131 و فى ابو الحسن 120
لكن الرادياتير الاصلى فى التوكيل ب 460 و فى ابو الحسن ب 550
و ده اللى فكره
المفروض ان التوكيل اغلى فى الكل و ابو الحسن ارخص فى الكل
لكن التفاوت ده مش لقيله تفسير
و فى انتظار ارئكم و مناقشتكم
ممكن حاجة تكون استيراد ابو الحسن نفسة ؟
التوكيل اضمن
ابوالحسن مبيستوردش كل حاجته من منصور واسعاره ابتدت تستعبط فعلاً
فرق ضريبة المبيعات الي ممكن يكون ابو الحسن بيزوغ منها في بعض مبيعاته لكن التوكيل ميقدرش يزوغ منها
+1اقتباس:
المشاركة الأصلية كتبت بواسطة zaza_lanos
و الفرق بينه و بين التوكيل قريب جدا مقابل ان التوكيل مضمون عنه لانه مجرد محل
طاب تفسر بايه يا طارق باشا ان الردياتير فى التوكيل ارخص و الفرق يقارب الـ 100 جنيهاقتباس:
المشاركة الأصلية كتبت بواسطة tarek_2005
التوكيل الي تبع منصور بداء يلجاء للاستيراد من الصين ودا واضح في موديلات 2011 و 2012 يعني العربية بتنزل ببوينة صيني وطقم دبرياج صيني واعتقد طرمبة بنزين صيني لضغط التكلفة لكن ابو الحسن ممكن بيستورد الكوري ودا عامل فرق ثمن الردياتير الي اناتا اشرت اليه
اللى هيحكم الموضوع دة هو حد يكون بيتعامل مع التوكيل وأشترى حاجة من عندة ويتأكد ويشوف بلد الصنع وما تكونش أصلية ويروح عند أبو الحسن ويشوف نفس القطعة دية هى هى ويشوف بلد الصنع ويشوف هى أصلية ولا مش أصلية ويقارن الآسعار كمان هيعرف مين الآفضل والآحسن و الآوفر .
يا ريت لو فى حد عمل الحكاية دية يقولنا تجربتة علشان الجميع يعرف ويستفيد . وجزاكم الله خيرا
والله الموفق والمستعان
يا باشا ابو الحسن مش بيستورد , ثانيا هو حاطط يافطة كبيرة عليه علامة شيفروليه و كاتب تقريبا موزع معتمد , ثالثا كنت مرة عاوز حاجة فقالى بكرة هروح اجيبها و بالدردشة مع اللى واقفين فى المحل قالى هروح اجيب البضاعة من موزع اسمه تقريبا ياسر , رابعا لاحظت ان بعض القطع بيبقى على التاكيت علامة مائية و البعض لااقتباس:
المشاركة الأصلية كتبت بواسطة tarek_2005
انا مش بعيب فيه لكن ساعات الواحد بيلاحظ حاجات بتثير علامات استفهام
و اخيرا المفروض المورد الرسمى لقطع الغيار الـ gm يبقى منصور لانى متوقعش ان جنرال موتورز تورد لحد تانى بخلاف وكيلها
تحياتى طارق باشا
مش شرط كل حاجة تيجى من منصور... لو كدة يبقى كل الطلمبات و البوبينات اللى فى السوق تبقى صينى
MMamdouh
مش عارف , بس استحالة شركة ام تورد بضاعة لحد غير وكيلها
انا مره اشتريت طقم دبرياج من عنده وكان وحش وللاسف اقعد يماطل ويقلى استنى لحد مايطبع
هو المنير اللى فى فيصل وبس
كان نفسي يا باشا أفضل محافظلك على الفكرة الحلوة ديه علشان ديه برضه كانت فكرتي عنه لحد أول أمبارح.اقتباس:
المشاركة الأصلية كتبت بواسطة elpasha1
البلية الجي أم الي مفترض أنها الاصلية الي كنت جايبها من عنده للعربية (نوبيرا) فرطت ولك أن تتخيل حجم المأساة :((((
البلية ديه أنا مشيت بيها 15000 كيلو بس!!!
هتقولي جايز غلطة صنايعي حماااار هقلك وارد بس أنا رحت لصنايعي المفترض أنه بيفهم والمنتدى كله عارفه (محمد عبده) وكان سافحني في المصناعية (200 جنيه) تغيير طقم كاتينة وسير مجموعة فقط. بس أحققا للحق وحسب أعتقادي أنها مش غلطته, ديه غلطت المنير الي بيبيع حاجات مضروبة وحسبي الله ونعم الوكيل فيه وأنا مش مسامحه ليوم الدين في غشه ده.
أنا كنت ناوي لسه أمل موضوع منفصل علشان أنبه الناس من المنير بعد الي حصلي ده. الحمد الله وقدر الله وما شاء فعل.
المنير للاسف ليا معه سابقة بتخلينى افكر 1000 مرة قبل ما اروح له ....... كان عاوز يبعلى ردياتير كورى على انه الاصلى
دا ممكن يكون سيد او العيال الصغيرة اللى شغالين معاة لكن احمد المنير او سامح لايمكن يعملوا كدة
لذلك انا بتعامل مع احمد على طول العيا الصغيرة لا لا لا
ولو ملقتش الحاجة اللى انا عاوزها بطلع على الخواجة فى شارع البحر الاعظم (قبل شارع المدبح يمين )
ملحوظه : منصور مش دايما عنده انضف حاجه ..مش هقول بيبيع مضروب عشان محدش يزعل :) بس فى اوقات بتكون بضاعه المحلات انضف من بضاعه منصور
مش سامح اللى هو شبه احمد و طويل و لابس نظارة ؟؟؟اقتباس:
المشاركة الأصلية كتبت بواسطة elpasha1
هتوصفلى الخواجة يا باشا ههههههه ده عند البيت بس بقاله فترة معندوش اصلى , هو الميزة فيه بيقولك البضاعة دى اصلى و لا بلدها ايه
شكرا لمشاركتكاقتباس:
المشاركة الأصلية كتبت بواسطة khaled ayman
الخواجه عنده الأصلى فى بعض القطع و الكورى و الصينى فى بعض القطع
بس الصراحة الراجل أمين و بيقول الحقيقه
أبو الحسن عنده الاثنين بس الغريب ان الأصلى بيبقى عنده و مش بيرضى يطلعه و عايز يبيع من الأصناف التانيه .... مش عارف ليه؟
معلش سؤال... هى قطعة الغيار هتعمر اكتر فى العربية لو احمد او سامح مسكها بايدة مش حد من العيال الصغيرة؟اقتباس:
المشاركة الأصلية كتبت بواسطة elpasha1
MMamdouh
فعلا كنت مرة بجيب قاعدة موتور بيطلعلى الاصلى كانه بيطلع كيس بودرةاقتباس:
المشاركة الأصلية كتبت بواسطة ahmedezzat78
+11111111111111111111اقتباس:
المشاركة الأصلية كتبت بواسطة mmamdouh
السلام عليكم ورحمة الله وبركاته
المسألة فى النهاية ازمة ضمير من الطبيعى أن اى محل يكون عنده قطع غيار متنوعة بأسعار متفاوتة ليرضى جميع الفئات سواء من اراد الأصلى بسعرها المرتفع او التقليد بسعرها المنخفض ولكن المانة تحتم عليه انه يقول والعميل يختار ما يشاء
فعلا هى المشكلة كلها تنحصر فى ازمة الضمير + مستوى الثقة
أتفق معك يا استاذ عماد أنها مسألة ضمير في المقام الأول لأني لما جيت أجيب طقم الكاتينة من عند المنير جبته على أنه أصلي وكان ب 370 جنيه لكن لما البلية تفرط عند 15000 ألف كيلو فده معناه أن المنير معندهمش أي ريحة من الضمير ولا مسحة منه لأن أكيد هو عارف أن البلية بتاعته ديه مضروبة وأكيد عارف كويس أضرارها أيه في حالة لو قفشت أو فرطت مع حد زي ما حصل معايا. أنا العربية عندي عاملة 60000 ألف كيلو بس فحرااااااااااااام أن الموتور يتفتح دلوقتي ويتعمل في شغل لاكن هنقول ايه في قلة الضمير.اقتباس:
المشاركة الأصلية كتبت بواسطة emaddamin
ايوه هو ده اللى انا بتكلم فيه , طالما الحاجة مش اصلى بتبيعها ليه انها اصلى بيعها بمعلومية بلدها و كله بيتباع الغالى و الرخيصاقتباس:
المشاركة الأصلية كتبت بواسطة road_devil
القرش الحرام مفيهوش بركة لكن الناس لا تتعظ