الموضوع: رماها من فوق كوبري 6 اكتوبر

الموضوع و انا بسمعه كنت في غاية الاندهاش و هو كالاتي

الصبح المدام اخدت طريقها من مدينة نصر للقرية الذكية و ققرت تاخد كوبري 6 اكتوبر بدلا من الدائري كل ده و زي الفل و هي ماشية عالكوبري كل شوية تسمع فرامل جامدة و شوية و نزل واحد من العربية اللي ورا اللي وراها و اعد يخبط على شباك العربية بتاعت الست اللي قدامه و فتحتله الزجاج و اتخانقوا شوية المهم ركب و مشي

المدام عندي اترعبت فا سابتهم يعدوا و مشيت هي براحة , برده تكرر الموقف كل شوية فرامل جامدة نزل تاني و قعد يزعق و يشتم برده مع نفس الست المهم الراجل ده كان جنب منه واحده محجبه متفهمش خافت منه ولا احرجت نزلت و كانت عايزه تاخد تاكسي فا رحلها و ركبها العربية تاني

طبعا الست اللي بيتخانق معاها قامت واخده بعضها و مشيت بعربيتها , يقوم التنح موقف موتسيكل بالعافية و يركب وراه و يقوله حصلها , و ساب عربيته على الكوبري في وسط الشارع , بعد ما مشيت مراتي لقت الشارع واقف و العربية بتاعت الست واقفة في الحته اللي قبل رمسيس اللي بيبقي فيها ناس طالعه من عاليمين و بعد كده الطريق بيوسع و صاحبنا ده ماسك الست عند سور الكوبر لحاد ما وقعها من فوق الكوبري , طبعا مراتي بتكلمني و هي منهارة والناس بتقول ان الست ماتت , و بعد ما رماها الناس كلها اتلمت عليه و جابو الظابط اللي بيبق واقف عالمطلع بتاع الكوبري

هو جرا ايه يا جماعة للدرجة دي محدش عايز يتدخل و ينقذ الشت من ايد واحد همجي زي ده و كانوا بيتفرجوا و خلاص و لما المصيبة حصلت رايحين يمسكوه!!!!!!

عليه العوض و منه العوض في الرجولة والشهامة