يا باشا شارع المحافظة ده دمر لي العربية من فابريكة برة لمعجون 7 طبقات و استيك
عرض للطباعة
يا باشا شارع المحافظة ده دمر لي العربية من فابريكة برة لمعجون 7 طبقات و استيك
دى الحته اللى حصل فيها الحادثه ضيقه اصلا وبتاخد عربيه علشان اللى راكن عند النقابه
هى طلعت امريكانى!
عموما ربنا يعوضك
ينهار ابيض ابن عمي عنده مدرسه في الزقازيق والحمد لله اصحابي كتير راحو عنده واتعلمو بجد
بس المشكله بتكون في الي ركبه العربيه هي مش عايزه تتعلم او اخدت عدد ساعات اقل من الي هي محتاجاه وده طبعا مشكله لانها بتكون كده مش متمكنه
وفي شئ تاني حضرتك بتقول العربيه بتنطط يعني دي لسه متعرفش غير تدور وتنقل الفتيس وبس وشالت دبرياش والعربيه تقريبا كانت لسه اول مره تشتغل الصبح فكان الماتور عالي عشان كده مش بطلت
هو اية الكدب دة
حتى كمان قدام الظابط
مع انه زحمه يعنى .. مش عارف الناس بتجرى فيه على ايه؟
لا هى طلعت عادى .. بس المشكلة انها موقفتش أصلا.
بالضبط كده .. و لسه شاريه العربية أصلا .. حتى ملاكى اسماعيلية .. لسه مرخصتهاش.
تصدقوا اني لسه لغاية دلوقتي حاسس بالأستفزاز من اللي اسمه محمود ده من امبارح !!!!!!!!!!
للآسف البلد دي أصبح أهلها فاسدين
و بدون قوانين و بدون شرطة فعلية من زمان مش من بعد الثورة بس .
أيه التخلف ده
ليه العربية تتحجز للفحص ؟
و الفحص هايتم ازاي بعد ما العربية أتشالت من مكان الحادثة
بره (عند الناس المحترمة ) الفحص و المعاينة بيتم في مكان الحادثة في خلال ساعة من وقوعها .
المهم
اللي أسمه محمود و الست الهانم صاحبة العربية للآسف ماليين البلد و محدش بيعترف بغلطه و لازم يشوف حد تاني يطلعه غلطان .
أنا مرة كسرت فانوس لسيارة راكنة ....... فضلت واقف جنب العربية مستني صاحبها
لغاية ما جدت واحدة ست
قلتلها أنا آسف أنا كسرت فانوسك بدون قصد و مستعد أجيبلك واحد غيره
قالتلي
هو أصلا كان مسكور و مدلدل بالسلك و أنت بس اجهزت عليه
و كفاية وقفتك و مش عايزة منك حاجة حتى لو أنت اللي كسرته في الأصل .
بص يا كريم
انت تعمل جروب على الفيس بوك اسمه
البحث عن محمود المستفز