كتبت فى الورشة محدش رد عليا

**mbluethunder** · 01-06-2008 07:20 AM

المشاركة الأصلية كتبت بواسطة amr_elrashidy

اشكركم يا جماعه..الناس بتوع محمد زكى اتصلو بيا ..حلوا الفتيس..و حيتم تغيير اويلسيل داخلى الكرنك و كمان حيغيروا كارتيرة الزيت لان لقوها مش مستوية فكل ماتركب ترشح زيت واضح انها كانت مخبوطة واستعدلت(منه لله صاحب العربية الاول) و حستلم ان شاء الله العربية الاتنين صباحا و التكلفة
800 كارتيرة الزيت كاملة
100 اويلسيلات و سيليكون
300 حل فتيس و مصنعية
120 ض.م
المجموع 1320 جنيه

هو ده أخر المطاف بجد

لأن ببساطه .. العربيه مستعمله .. وأنت مش ضامن اللي كان بيستعملها كان بيعاملها إزاي ... علشان كده الطبيعي .. إنك تلاقي كل ده

بس إنت هاتدفع المبلغ ده ,, وهاتنساها بعد كده خالص ...

عارف لما عرفت إن نادر جاب العربيه .. اول حاجه قولتهاله .. إنه يطلع على التوكيل علشان يعملوا Check up كامل عليها ... ولما راح هناك وعمل كده بقى مبسوط من العربيه ومن أدائها

أه التوكيل غالي وفلوس كتير بتدفع .. بس أنا مقتنع تماما إن التوكيل أفضل بكتير في أي عربيه حديثه عن الميكانيكيه والبهدله اللي بيعملوها فيها

علشان كده ماتزعلشي من التكلفه ده ... لأنك ببساطه بعد ما تاخد العربيه هاتحس بالفرق

وبإذن الله تبقى ده أخر المطاف

**amr_elrashidy** · 01-06-2008 09:17 AM

الله يبارك فيكم يا جماعه .... انا مش زعلان ولا حاجه بالعكس انا كنت متوقع الاسعار..و الحمد لله انى مودتهاش لميكانيكى عادى كان زمانى رايح جاى ولا 10 مرات و اتمنى فعلا من الله انها تكون اخر حاجه لانى متمسك بالعربية و ملحقتش استمتع بيها

**mohamed1992** · 03-06-2008 02:44 PM

ها يا سيدي عملت ايه في العربية اتصلحت ولا ايه

**mohamed1992** · 06-06-2008 12:02 AM

يا معلم ايه مبتردش ليه لسه العربية بايظه انا دعتلك انها تتصلح
هو الي حصل عاوزين نطمين

**amr_elrashidy** · 08-06-2008 11:45 AM

انا حابب اقولكم على اللى حصلى...روحت الخميس خدت اجازة و روحت اترزعت ساعه كامله على ما المهندسين شرفوا الساعه 10.30...المهم..سلمونى الفاتورة و الصدمة فى نفس الوقت.. 1766 ج....بزيادة 440ج مصنعية و شوية قطع غيرا لا تتعدى ال 100 ج..طب ياجماعه لييييييييييييييييييييه..فض لوا يقولوا اى كلام و يسجدوا فيا اصل و فصل..المهم انا كنت مستعجل فقلت حسبى الله و نعم الوكيل المهم العربية تبقى تمام..يا جماعه جربتوا العربية و بقت تمام..اه جربناها و كله تمام...جربت العربية و توكلت على الله و مشيت..و اليكم الصدمة امبارح..لقيت بقعة زيت تانى
طيب حد يقولى الناس دى بتهرج و لا دول شوية مهندسين لمينهم من على القهاوى..مش ده برضو التوكيل المحترم اللى كل الناس بتقول عليه كده و لا انا روحت لحد يشبهله....طبعا انا بكره ان شاء الله حروح ارميلهم العربية و حعمل مشكلة و حوصلها ان شاء الله لجهاز حماية المستهلك لانى خلااااااااااااص استويت..انا دافع لحد دلوقتى 2000ج فى شوية تسريب زيت....حد يقولى لو عنده رأى تانى

**mohamed1992** · 09-06-2008 09:34 PM

انا لو بدالك اروح ليهم و اديهم شتمتين في العضل واطلب المدير واحكيلة علي الموضوع ومتفعش ولا مليم وطبعاجهاز حماية المتسهلك شغال

**amr_elrashidy** · 10-06-2008 10:49 AM

انا روحت النهارده للتوكيل المبجل و سلمتهم العربية و محدش قادر يبص فى وشى ولا حتى يرفع عينه..لانى دخلت قلتلهم انا دفعت 2000 ج فى تسريب زيت و العربية زى ماهى...ياريت محدش يتصل بيا يقولى حدفع مليم احمر..طبعا سكوت تام و محدش نطق و الحمد لله ان محدش نطق و الا كانت حتبقى عاركة بمعنى الكلمة..و اتمنى و بدعى و بصلى لله يحللى المشكلة عشان لو متحلتش مضطر ابيعها و انا كلى اسف لانى حبيت العربية جدا

**mohamed1992** · 10-06-2008 04:30 PM

ليه يا عم تبيعها كل ده عشان زيت طظ في الزيت ان شاء الله العربية تتصلح
انت هتروح تجيبها امتي

**amr_elrashidy** · 11-06-2008 09:31 AM

البهوات اتصلوا بيا و غيروا اويل سيل الكرنك الداخلى تانى و حطينها يجربوها اما نشوف اخرتها

**mohamed1992** · 11-06-2008 12:11 PM

ان شاء الله تتصلح يا سيدي

الموضوع: كتبت فى الورشة محدش رد عليا

LinkBack

أدوات الموضوع

عرض

-

-

-

-

-

المواضيع المتشابهه

لية محدش بيرد عليا

محدش يضحك عليا

حرااااااااااام محدش رد عليا لية

هو ليه محدش عايز يرد عليا !!!!!

هو محدش رد عليا ليه فى موضوعى !!!!

الكلمات الدلالية لهذا الموضوع

المفضلات

المفضلات

ضوابط المشاركة