أخيرا قربت أنتهي من الموضوع الجنوني ده
وحسب التوقيت المحلي لمنتدى نيسان الجبار حان الآن موعد كشف الأستار عن أكبر الأسرار
لأني لما شوفت الجنوط الهدية بتاعة العمدة أحمد مصطفى سخنت وقلت ليه ماغيرش الجنوط أنا كمان
طق في دماغي إني أعمل شوية تعديلات في العربية .. وانتوا عارفين لما هوبا بتطق في دماغه حاجة
يعني لما طق في دماغي إني أشتري عربية .. نزلت السوق من غير ما آخد حد بيفهم في العربيات معايا واشتريت التيدا .. مع إني أول مره في حياتي أنزل السوق .. ومليش خبرة في العربيات نهائي .. والحمد لله طلعت 100 - 100
ولما طق في دماغي إني أشتري لاب توب نزلت سوق العصر .. بردو لأول مره في حياتي ومن غير مايكون معايا حد بيفهم في الموضوع ده واشتريت واحد .. والحمد لله طلع 100 - 100
ولما طق في دماغي بعد العشا إني أروح مطروح .. بعد الفجر كنت على الطريق اللي أول مره أمشي عليه في حياتي .. وبردو الحمد لله طلعت رحلة 100 - 100
هنا بردو لما طق في دماغي إني أعدل التيدا بتاعتي .. مسألتش حد ولا حتى عرّفت حد .. ولا حتى أحمد مصطفى اللي كان السبب الرئيسي في الفكرة دي بسبب التعديلات اللي عاملها في عربيته اللي هي نسخة طبق الأصل من عربيتي
المهم التعديلات كانت عبارة عن:
تغيير الجنوط
تركيب إشارات على المرايات
تفييم الزجاج بالكامل
ودي صورتها قبل التعديل وهي واقفة جنب الشغل " المجزر"
http://img716.imageshack.us/img716/485/60253898.jpg
ودي صورتها بعد التعديلات الأولولانية
http://img15.imageshack.us/img15/3784/junt4copy.jpg
ولما شوفت الفوانيس بتاعة محمد الشناوي سخنتني هي كمان
قام طاقق في دماغي إني أغيرها هيا كمان
وأعجب حاجة طقت في دماغي واللي كانت مجنونة فعلا
إني أعمل فتحة سقف
والعجيب إن المسألة طلعت بسيطة جدا .. وماحتاجتش غلبة زي ماكنت متخيل
http://img820.imageshack.us/img820/1663/new44copy.jpg
أسيبكم بقى عشان لازم أروح العيادة دلوقتي
ولسه التعديلات ماخلصتش
ولسه في مفاجآت
وفي فايدة مهمة من الموضوع ده هبقى أقولكم عليها لما أرجع بإذن الله
سلام مؤقتا ...
.
.
.
.
.