بخصوص التيدا 2011...سيكا واتجنن!!

سلام عليكم...
بخصوص التيدا السيدان (بيس لاين-الفئه الاقل) 2011...عندي كام سؤال يا ريت حد يجاوب مالرجالة.

1-انا مش لاقي زرار يفتح الشنطه..مفيش غير البنزين والكبوت-ده العادي ولا ايه؟!!!

2-دائما ابدا لما العربية بتقف-بس لسة مبطلتش الموتور-الابواب مبتفتحش غير لما اعمل انلوك للابواب...هل ده عادي ولا عندي مشكلة؟

3-ظاهرة غريبه برضو معفش عندي مشكلة ولا ده العادي...لما بدوس علي زرار الانلوك فالريموت مفيش غير باب السواق هو اللي بيفتح ولما بتك علي الزرار كذا مره كمان باقي الابواب بتفتح..هل كده يبقي عندي مشكلة؟!

4-جينا للمهم....هو نور العدادات بيفضل شغال معايا حتي اما بقفل كل الانوار تماما ..يعني صبح ليل لازما يكونوا شغالين...كده عادي؟

5-الفوج لايتس عندي عاوز اشغلها لوحدها مش عارف!...مبتشتغلش غير مع النور الواطي بتاع العربيه رغم اني بشوفها فالصني والسيراتو و باقي العربيات بيبقوا ماشييين مشغليين الفوجات بس...هل التيدا كده ولا انا عندي مشكلة؟؟!!

6-العالم دي غريبه اوي...يدوك 3 مفاتيح منهم مفتاح مبيفتحش الشنطه ودرج التابلوه تقريبا واساسا انت ممكن تنيم ظهر الكنبة وتلعب فاللي جوه الشنطه زي منتا عايز..طاب ايه لازمتو يا عم كارلوس يا غصن؟!!!

اسف للاطاله وانتظر اجاباتكوا الجميلة :)

1- اه ده عادى
2- اه برده عادى
3- تدوس تكه واحدة تفتح باب السواق بس وتدوس تكتين يفتحولك باقى الابواب
4- اه طول ما العربية دايرة منور عادى
5- هى كده انا عندى كده برده

اقتباس:

---

المشاركة الأصلية كتبت بواسطة nero_007

سلام عليكم...
بخصوص التيدا السيدان (بيس لاين-الفئه الاقل) 2011...عندي كام سؤال يا ريت حد يجاوب مالرجالة.

1-انا مش لاقي زرار يفتح الشنطه..مفيش غير البنزين والكبوت-ده العادي ولا ايه؟!!!

ده لان فيها زرار تتش في الشنطة نفسها و ما بيفتحش الا لما تكون عامل أنلوك للأبواب كلها

2-دائما ابدا لما العربية بتقف-بس لسة مبطلتش الموتور-الابواب مبتفتحش غير لما اعمل انلوك للابواب...هل ده عادي ولا عندي مشكلة؟

ده حقيقي فعلا ما بيعملش أنلوك الا لما تبطل الماتور

3-ظاهرة غريبه برضو معفش عندي مشكلة ولا ده العادي...لما بدوس علي زرار الانلوك فالريموت مفيش غير باب السواق هو اللي بيفتح ولما بتك علي الزرار كذا مره كمان باقي الابواب بتفتح..هل كده يبقي عندي مشكلة؟!

أول دوسه علي الريموت بتفتح باب السواق بس ولو عاوز تفتح الابواب كلها (أنلوك) دوس مرتين ورا بعض
-جينا للمهم....هو نور العدادات بيفضل شغال معايا حتي اما بقفل كل الانوار تماما ..يعني صبح ليل لازما يكونوا شغالين...كده عادي؟

نور العدادت شغال علي طول ولما بتشغل نور العربية بيشغل انوار الفتيس و الكاسيت

5-الفوج لايتس عندي عاوز اشغلها لوحدها مش عارف!...مبتشتغلش غير مع النور الواطي بتاع العربيه رغم اني بشوفها فالصني والسيراتو و باقي العربيات بيبقوا ماشييين مشغليين الفوجات بس...هل التيدا كده ولا انا عندي مشكلة؟؟!!

ده حقيقي و انا دورت عالموضوع ده لاقيت ان التيدا المكسيكي بتنزل كده مش عيب ولا حاجة

6-العالم دي غريبه اوي...يدوك 3 مفاتيح منهم مفتاح مبيفتحش الشنطه ودرج التابلوه تقريبا واساسا انت ممكن تنيم ظهر الكنبة وتلعب فاللي جوه الشنطه زي منتا عايز..طاب ايه لازمتو يا عم كارلوس يا غصن؟!!!

مش عارف الموضوع ده لاني شغال بالمفتاح الماستر ما جرتش الباقيين غير في تدوير الماتور بس

اسف للاطاله وانتظر اجاباتكوا الجميلة :)

---

1- الشنطة بتتفتح تاتش .. ولو قافل السنتر مش بتتفتح كل التيدا كدا .. والمكسيكى فيها ميزة عن التيدا اليابانى ان فى زرار on /off فى الشنطة بيلغى فتح الشنطة تاتش وبتفتحها بالمفتاح

2- الموضوع ده عادى ياريته عندنا عجبنى جدا .. لما بتتحرك بيقفل اتوماتيك ولما بتقف وبتبطل العربية بيفتح

3- بردوا دى حاجة كويسة .. ان بضغطة واحدة على الريموت بتفتح باب السائق ولما بتدوس ضغطتين بتفتح الابواب كلها

4- نور العداد اللى بتلاقيه منور حتى وانت طافى نور العربية وطول ما انت مشغل العربية او الكونتكت ده عشان فى سنسور قدام الزجاج الامامى عشان لو فى جراج او نفق ينور اتوماتيك لغاية ما تخرج من الظلمة وده بيفيدك بالنهار عشان بتكون اصلا طافى النور .. وطبعا لما بتفصل الكونتكت وبتشيل المفتاح مش بيفضل اى نور شغال خالص .. فاطمن ده اوبشن كويس وممتاز

5- الفوج لايت ودى ابوخ حاجة بجد .. ان فى تصميم التيدا المكسيكى عمالين ان الفوجات مش بتشتغل الا على النور المتوسط مينفعش على الواطى .. فى التيدا ايابانى كدا .. ومعلش استحمل مش حتاخد كل الميزات

كفاية ان بقا التيدا استندر دلوقتى فى كل الفئات فيها فوجات اساسى

6- فى مفتاح من التلاتة بيفتح الدرج بس مش عارف بيدور العربية ولالا .. بس هو كويس حتى لو مش بيشغل العربية ان فى مفتاح يقفل الدرج عشان المتعلقات .. وده مكنش موجود بردوا عندنا
عندنا مفتاحين فقط و2 ريموت .. والدرج بيتفتح عادى

والف مليون مبروك يا حبى

100% يا احمد ..

الف شكر ليكو يا جماعة ولردودكوا الاصلي جدا وبخص بالشكر ا.احمد علي معلوماته المفصله واللي مخلياني حاسس انوا شئز مع كارلوس غصن زذات نفسيته !!.....والله يباركلك يا باشا والف شكر علي مساعدتك ليا الفتره اللي فاتت.

ya gama3a wenabee....howa fee alram 3and 120km walla la2a....we tane 7aga howa fe lamba lenoor el ....waset lama 2anawaro,we talaet 7aga ma3alesh,elkalaks te2eel men na7yet el yemeen el shemal 3ade?!!!!