عرض للطباعة
حصلت معايا قبل كدا
الناس نزلت على المحور شالوا عربية جيتا بتاعت واحد صاحبى كانت عاملة حادثة .. شالوها شيل مش مجرد رفع كدا من شمال المحور لأقصى اليمين ..
المصريين ما شاء الله مش قليلين باردوا :)
عربيتى اتشالت شيل و اتعدلت واركنت على جنب كمان
حاجه حلوه بس مبعدوش عن العربيه لانها ممكن تنفجر
الاحلي انهم رجعو العربيه مقلبوهاش ولاكسروها زي ماكان ممكن يحصل مع ان كده كده العربيه هتولع
الناس بعدت علي طول عن المصاب مكبستش علي نفسه وكل واحد عمل نفسه دكتور
ما طلعتش جثة ده عايش وبس اتكسر
The Early Show - Rescuers on saving motorcyclist from crash - YouTube
واخد بالك انهم عملوهم ابطال لان الحاجة دي من النوادر عندهم ......... احنا عندنا آلاف من نفس الحدث ده ولا حد قال ابطال ولاحاجة مرة فولكس بيتلز عطلت على شريط قطر السويس في مزلقان العشرين بعين شمس والقطار كان قادم كانت سيقه العربية واحدة ست ومعاها اطفال في الكنبة الخلفيه والعربية كانت محجرة مش عايزة تتزق الناس والله امام عيني شالو العربية شيل قبل القطر بلحظات ومرات كتيرة على الدائري ياما شوفت حاجات اكتر من كدة واحنا في بلد البيتزا بتوصل فيها قبل الاسعاف فتلاقي الناس على طول بتتصرف وربنا يحفظنا من فواجع الطريق
مره حصلت قدامى فى نفق التجمع الخامس اللى على الدائرى عربيه ياريس اتقلبت و كان فيها واحده حامل
و الحمد لله طلعت سليمه و الناس قلبوا العربيه و حطوها على جنب
بس الست من الخضه تقريبا كانت هتولد
يلا الحمد لله انها خرجت منها سليمه
بلدنا ياجماعة بلد الشهامة والجدعنة ويكفي إننا مسلمين ومسيحين عندنا أخلاق الدين والرحمة وما بنسيبش بعض في الزنقات
ربنا يسترها علينا