الموضوع: ايه الاستهلاك الطبيعى للصنى فى البنزين جوة البلد ؟؟؟

المشاهدات فى الموضوع محدش رد على حضرتك يمكن مشاهدات من اعضاء من بره القسم .. واكيد الاعضاء حيتفاعلوا معاك باذن الله

بالنسبة لموضوع استهلاك البنزين بصراحة مبقاش فى حاجة طبيعة وتقدر تحكم عليها بسبب الزحمة لان اوقات فى طرق زحمة ممكن تعمل فيها 200 فى الصفيحة .. وممكن بردوا اوقات تعمل 190 وممكن اوقات تعمل 180 واوقات اخرى تعمل مثلا 170 .. وحسب بردوا سواقتك .. والاهم الزحمة زى ما قولتلك

انت عارف البلد بقت مميتة جداااا والزحمة بقت توصل كمان للدائرى

واى عربية مش الصنى بس صعب تاخد منهم معدل ثابت وكلنا نحكم عليه ونقول هو ده بالاخص فى الزحمة
وحتى على الطرق السريعة بردوا كلنا بنكون بنسب قريبة من بعض

يعنى على الطوالى مثلا ممكن ناس تعمل فى الصيحة 240 وناس تعمل 260 وفى ناس عملت 280 وبردوا بيررجع حسب حاجات كتير منها السواقة بردوا اولسرعة اللى حضرتك ماشى عليها
وبيرجع لظبط هواء وضغط الكاوتش المظبوط وسفرك فى اتجاه الريح ولا عكسه وهكذا عشان كدا بردوا فى الطوالى مش بنقدر ناخد نسب فى الطوالى حتى ثابتة غير تقريبية فقط

وخالى بالك كمان .. ممكن واخد يقولك انا الفترة الاخيرة بعمل مثلا 160 او 140 جوة البلد او على الطوالى 200 مثلا ويكون العضو قرب على صيانة ال20 الف مثلا ومحتاج يغير فلتر هواء وبوجيهات ممكن تكون دى هى اللى بتخلى البنزين كدا عالى ..

دى بس كانت معلومات للتوضيح عشان الناس تكون عارفة بس الحكاية وهى بتحكم

تحياتى ياجميل