لمبة الموتور نورت كام مرة فى الام 11

**khaled_Saga** · 17-10-2011 10:42 PM

اخوانى .. حاجة حصلتلى مرتين تلاتة فى الكام اسبوع اللى فاتوا حبيت اعرضها عليكم

اجى ادور العربية الصبح وانا رايح الشغل الاقى العربية صوتها عالى وبتترعش رعشة ملحوظة كأنها باردة اوى ولكن رعشة بزيادة ده غير ان لمبة الموتور بتنور ولكن ببطل العربية وادور تانى الرعشة تروح واللمبة تطفى .. الموضوع حصل 3 مرات بس فى الفترة الاخيرة على فترات متباعدة يعنى مش مقلق اوى بس كنت حابب اعرف ايه ممكن يكون السبب

تحياتى

**teha** · 18-10-2011 02:07 AM

المشكلة ديه كانت عندي من سلك البوجيه و طلع عيني فيها وعملوها في التوكيل بس بعد ما المكيانيكيه افتكسولي افتكاسات كتيرة.

**samehsalem** · 18-10-2011 02:22 AM

ده بسبب البنزين يا باشا متقلقش مون من محطة كويسة والموضوع ده مش هيحصل تاني انشاء الله

**remonedwar** · 18-10-2011 08:23 AM

بنسبة 99.99%
حساس الكرنك او حساس الكامة !!!!!
اعمله على حسابهم فى التوكيل ؟

**smsm2020** · 18-10-2011 03:35 PM

مساء الفل يا خالد
الموضوع ده حصلى مرة قبل كده
وفى صيانة الـ 10000 قولتلهم عليه وعملوه وكله تمام الحمدلله وطلع أن أكواد الموتور مش مظبوطه ونزلولى الأكواد الجديدة والموضوع الحمدلله ماحصلش تانى .
تحياتى

**khaled_Saga** · 19-10-2011 12:03 AM

متشكر يا جماعة على الردود .. طبعا واضح ان وجهات النظر مختلفة من قبل الاعضاء فأنا بدأت بأسهل محاولة وهى البنزين فاشتريت منظف دورة البنزين وحطيته وفولت النهاردة وهشوف ايه النتيجة وان محصلش تغير هقولهم عليها لما اروح التوكيل المرة الجاية ان شاء الله ,وان كنت حاسس انها ممكن فعلا تكون بسبب سلك بوجيه لان لما السلك بيكون بايظ بيخلى العربية تتنفض وتترعش فعلا

الموضوع مش متكرر كتير وده اللى مخلينى مش قلقان اوى واللى مش قالقنى اكتر انه لما بيحصل بطفى وادور تانى العربية بتتظبط

تحياتى لكم جميعا

**khaled_Saga** · 22-10-2011 11:55 PM

النهاردة ياجماعة كنت فى التوكيل واشتكيت من الموضوع ده واللى تم كالاتى:

1. تظبيط سلك بوجيه كان بيفصل وده الاحتمال اللى كنت انا ميال له
2. تحديث اكواد الموتور

لسه طبعا مشوفتش النتيجة لان الموضوع كان قليل اوى لما بيحصل وان شاء الله ميحصلش تانى .. متشكر ليكم يا جماعة على مشاركاتكم وارائكم فى الموضوع