استفسار لمالكي النترا 2012 خليجي
سلام الله عليكم
....................
ربنا اكرمني واشتريت النترا خليجي 2012 وبسم الله ما شاء الله العربيه فوق الممتازه معايا ...كان معايا قبلها بروتون جين.2 وكنت بحبها جدا ومازلت بعد ما بعتها بحترمها جدا وعشره خمس سنين...بس بصراحه فرق شاسع بينها وبين النترا 2012 العربيه واسعه وجميله وشكل ثوري مميز جدا من الخارج والداخل وعفشه حنينه وصالون فخم راضيني جدا كان تخوفي من الثبات خصوصا اني كنت راكب جين..2 يعني ثبات حدث ولا حرج ثبات فوق الممتاز بس الحمد لله رب العالمين ثبات الالنترا رائع جدا ولاني لسه في الالف كيلو مرضتش اقرص عليها لاني المفروض لسه بلين ماتورها بس فعلا العربيه ما شاء الله جميله جدا ومريحه جدا جدا في سواقتها
................
انا عايز اعرف اعمل صيانه العربيه فين ويكون مكان محترم وليكوا جميعا الشكر اذا تفيدوني
وياريت يكون في عنوان ورقم تليفون عشان اتابع بيه
مستني افادتكم وربنا يجازيكم خير
خالص تحياتي للجميع