ايه رأيكوا في الحوار ده ؟؟؟ حقيقة و لا افتكاسة ؟؟

http://3.bp.blogspot.com/_df39PvD_YO...A16951_008.jpg


الي من يهمة الامر عن معرفة نانو ايجيبت

طبعا كلنا سمعنا ان فيه عربية اسمها نانو وسعرها رخيص لكن كل ماكتب عن العربية كان خاطئ وانا واحد من الناس روحت شفت العربية قدام عيني وعرفت كل حاجة عنها اللي تقريبا معظمنا مهتم انو يعرفها

اولا العربية بتصميم وافكار مصرية لكن مصنعة في الصين لعدم تعاون المصانع المصرية للانتاج المصري

ثانيا سعر العربية 25 الف جنية مصري وممكن تقسيطها عن طريق بنك ناصر بمقدم 5000 وقسط شهري 350 جنية وكل ده بصورة البطاقة ووصل النور فقط

ثالثا العربية مصممة بطريقة فعلا انها تلائم الطرق المصرية والمستهلك المصري ومن اهم المميزات اللي في العربية

1 – العربية بتقدر تستحمل اعلي درجات الحرارة بدون ما الماتور يسخن لان ماتور العربية من ورا وليها ردياتير بمروحة من قدام يعني دورة المياة اللي داخلة للماتور باردة لذلك العربية مبتسخنش

2 – العربية كلها مصنعة من الحديد وللتوضيح ان مثيلتها الهندية مصنوعة من البلاستيك والفيبر لكن نانو ايجبت مصنوعة كلها من الصاج حتي الاكصدامات من الصاج وعلي فكرة صاج تقيل مش زي اللي موجود دلوقتي في العربيات الحديثة

3 –العربية عالية عن الارض علشان متتأثرش بالمطبات

4 _فيها كاوتش بيلحم نفسو بنفسو

5 –العربية منظرها جميل وصغيرة وواسعة من جوا

6-الماتور 650 سي سي واحد سلندر والسرعة القصوي 80 او 90 كم/ س بعكس مثيلتها نانو الهندية 625 سي سي اتنين سلندر وسرعتها القصوي 70 كم/ س وكمان اللي جربو العربية قالو انها في السفر بتوصل ل 100 كم/ س

7-العربية بدون اسبراتير لانها واحد سلندر يعني مفيهاش اعطال الكهربا وكمان بدون سيور يعني مفيهاش اعطال قطع سيور الماتور

8 –العربية بتستهلك 1 لتر بنزين لكل 30 كلم

ودي يعتبر اهم مميزات العربية لكن فيه مميزات تاني انا بعتبرها كماليات مثلا

1- فتحة سقف

2- باور

3- تكيف سخن

4- فوانيس شبورة

5- سبويلر خلفي مضئ

6- كاسيت حديث

وده تقريبا كل حاجة محتاجين نعرفها عن نانو ايجيبت وياريت بجد اننا نشجع افكار بلدنا ونحاول كمان ان يكون التصنيع في مصر علشان ده بجد هيفرق معانا كتير ويكفي اننا وضعنا اقدامنا علي اول الطريق متمنين لفريق عمل نانو ايجبت النجاح



http://4.bp.blogspot.com/_df39PvD_YO...A16951_012.jpg

http://1.bp.blogspot.com/_df39PvD_YO...A16951_025.jpg

http://4.bp.blogspot.com/_df39PvD_YO...0/s400/123.png

المصرية للاستيراد الوكيل الوحيد للسيارة نانو ايجيبت
العنوان : 54 ش عرفات - حدائق القبة - القاهرة




منقــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــول




عايز اعرف ايه رأيكوا في الموضوع ده ؟؟؟؟ فيه عربية بالسعر ده ؟؟ و بالامكانيات دي ؟؟؟ هي دي هتبوظ بعد اول 1000 كيلو ؟؟؟ محتاجين خبرتكوا للحكم على العربية دي

ب 25 الف جنيه دة انا اجيب 128 وااقلبها فيرارى برقبتها هى و 12 واحدة من اخواتها كمان

الا سؤال صحيح محتاجين خبيير كائنات غريبه يقلنا ايه اللى مدلدل تحت الاكصدام الامامى دة فى اول صورة و اللى ورا العجله دة بلك برضه

اكييد افتكاسة, أصلا مينفعش نقارن عربيه معمولة تحت السلم بـالتاتا نانو اللي بجد, وبعدين أنا شفت مرة العربيه دي عالحقيقة, بس من بره مدخلتش أو جربت أي حاجة, العربيه كنزة قوي وعالية قوي عن الارض, يعني في الملفات ربنا يستر, يبقى إزاي بتجيب في السفر 100 km/hr؟!

وإيه حوار الكاوتش اللي بيلحم نفسه ده؟ عمري ماسمعت عنه, واكييييييد مافيهاش run flat tyres يعني عشان الأربعة هيبقوا بـنص ثمنها D:

دي توكتوك متنكر, وآه أنا ممكن اشجع صناعة بلدي بس لما تبقى مصنوعة في بلدي بجد, مش مخلفات صيني...

يا باشا انت بتتكلم في مشروع فاشل في عوامل الامان وعربيه ايه 630 سي سي ومصنعه من الصاج الثقيل وكمان يركب فيها 4 اوزان 70 كيلو مثلا وغير وزن الماتور
ثانيا فين عوامل الامان لما عربيه زي دي تمشي 100 وفي شوية هوي ولي عربيه نقل كبيره عدت من جمبك باذن الله هتلاقي نفسك ماشي في الحاره الي جمبك ولو ماشيه بسرعه هتعدي الطريق وتروح الطريق المعاكس
ثالثا دي نصيحه من سمكري كنت معاه شاف واحد راكب عربيه قديمه جدي تقريبا سيت وبيدوس بنزين جامد قاله خد جرد معاك علقه في الشكمان عشان لو حاجه طارت

يا اخوانا العربية ديه مش للمنظرة والفشخرة
ومش للسفر ومش للجرى على الطرق السريعه
اقصى سرعه مناسبة ليها فى حدود 60 الى 70 كم
عربية مناسبة جداااااااا لداخل المدن
واقتصادية جدا فى البنزين
وسعرها مش وحش ومش حلو
ولو قارنها بتمن التوكتوك يبقى سعرها ممتاز
هيه فعلا توكتوك متنكر
واعتقد انها تناسب فئة كبيرة من المجتمع المصرى
حرام لما نقارنها بالعربيات العادية
ونقول الثبات والأمان والغرز والكلام ده

شايف ناس كتير بتنتقد العربيه وبيطلعو فيها القطط الفطسانه ليه موش عارف؟؟؟؟؟؟؟؟؟؟؟؟؟؟؟؟
العربيه كويسه صغيره واقتصاديه فى البنزين وعلى قد الحال بالنسبه لناس نفسها تجيب عربيه :rfds:
وعاوز اعرف الناس بتقارنها بالنانو ليه اصلا اذا كانت النانو ماتنفعش تمشى فى شوارع مصر اصلا عشان واطيه
يعنى مع اول مطب عالى حاتبقى مورجيحه :8954[1]:
شوفو العربيه ولو فى امكانيه سقوها وبعد كدا نقدر نقيمها بجد
لكن معفنه وزباله لمجرد انها مصرى مصنعه فى الصين :dontudear:

فكرتها لزيزه

انا نفسى اشوفها فعلا على الحقيقة واجربها لان زمان اول ما طلعت فى ناس جربتها وقالوا ان صوت الموتور عالى زى الموتسيكل بس انا شايف انها عملية جوا البلد مش السفر والاستهلاك الدائم وبصراحة بردة مش مصدق حتة ان الكاوتش بيلحم نفسة والاستاذ اللى حاطط الموضوع بيقول الموتور ورا طيب لو شوفت الصور كويس هتلاقى ان مفيش مساحة ورا حتى لللعجلة الاستبن اللى متشعلقة ورا الكنبة الخلفية يبقى ازاى هتساع موتور الا لو كان صغير خالص زى موتور التوكتوك ولو الريداتير قدام يبقى كده مفيش فى العربية مساحة تخزين ( شنطة )

جامدة جوة البلد

واحد صاحبى حاجزها بقاله فتره

مستنى لما يستلمها عشان أعملكوا تقرير عنها

بس ربنا يسهل لأنهم أجلوا التسليم 3 مرات لغاية دلوقتى

وهو لو حد خبطك على سرعه 70 او 60 دة هيدخل يقعد مع السواق فى الصالون العربيه شكلها من بعيد مش ماسك نفسه اساسا

شكلها شبة المكوة

العربية دي حلوة لواحد معاه فلوس يجيبها لأولاده الصغيرين يلعبوا بيها في جنينة الفيلا
أو واد سيس معاه سي كلاس يجيب النانو دي يتروشن بيها على صحابه
بس كاستخدام للعربية أكيد متنفعش ببصلة