مقارنة بين البيرسونا والنيسان صنى 2011

**persona2011** · 18-10-2011 12:00 AM

يا جماعة برجاء المساعدة دماغى هتضرب خلاص انا دلوقتى بقارن بين بروتون بيرسونا اليجانس 2011 وبين نيسان صنى 2011 مع العلم ان دى اول عربية اشتريها ارجوا المساعدة يا جماعة لانى خلاص مش عارف اختار البيرسونا عجبانى فى الكماليات والثبات اللى مش موجودين غير فى عربيات معدية حاجز 120000 وبين النيسان فى انها عربية يابانى وقطع غيارها متوفرة بس مشكلة التجميع اللى فى مصر دى قلقانى ارجوا من خبراء بروتون ونيسان الرد بلييييييييييييييييييييييي يييييييز

**abo_anas** · 18-10-2011 12:54 AM

بعيدا عن ايهما افضل انا شايف انك ميال اكتر للبيرسونا حتى اسمك المستعار بيرسونا ، انا اسمع انها عربيه محترمه بس توكيلها عز العرب سىء، بخصوص الصنى عربيه كويسه لكن يعيبها ضيق الكنبه و كراسيها مش مريحه فى السفر وبتاكل بنزين وده عن تجربه
شوف باقى الاعضاء ولاتنسى الاستخاره

**Sehsss** · 18-10-2011 01:30 AM

المشاركة الأصلية كتبت بواسطة abo_anas

بعيدا عن ايهما افضل انا شايف انك ميال اكتر للبيرسونا حتى اسمك المستعار بيرسونا ، انا اسمع انها عربيه محترمه بس توكيلها عز العرب سىء، بخصوص الصنى عربيه كويسه لكن يعيبها ضيق الكنبه و كراسيها مش مريحه فى السفر وبتاكل بنزين وده عن تجربه
شوف باقى الاعضاء ولاتنسى الاستخاره

أنا معاك في نقطة واحدة فقط وهي ضيق كنبة الصني، لكن استهلاك البنزين مش للدرجة اللي حضرتك قولتها (بتاكل بنزين) وبعدين حضرتك بتقول عن تجربة يبقى تنقل تجرتك صح وتقول مميزات الصني الكثيرة، وتقبل مروري

**elpasha1** · 18-10-2011 02:24 AM

نيسان صنى خصوصا لان دى اول عربية تركبها وعلشان متغلبش فى قطع الغيار
لكن الاثنين توكلهم زى الزفت

**eng.m7md.ali** · 18-10-2011 03:21 AM

انا من رايي تستنى النيسان صني الشكل الجديد اينعم شكلها زفت بس ممكن تعجبك وفي الاخر دي اذواق
وتوكيل عز العرب زفت الزفت ومنصحكش ببروتون اصلا وخليك في عربية تانية زي الصني او اوبترا بالكماليات الجديدة

**SonaSteel** · 18-10-2011 10:51 AM

المشاركة الأصلية كتبت بواسطة abo_anas

عيوب الصني بما اني احد ملاكها
الاستهلاك عالي جدا جدا جدا
توكيل متباطئ في كل المشاكل ومهواش احسن توكيل يعني وهتشوف مشاكل معاه اه معظم التوكيلات كده بس توكيل صني مهواش التوكيل المحترم يعني
العزل بتاعها مش حلو
عربيه ضيقه من الكنبه لان شنطتها واسعه مش قوي اه بس لو كانوا وسعوا الكنبه كانت الشطنه هتبقي شطنه شاهين :p
اما بالنسبه للرينو لوجان الي عجبني فيها استهلاك البنزين تحفه الحقيقه ووسعها
http://www.nilemotors.net/nile/24976...post3873851605
على فكره الرد الاعلى من احد ملاك الصنى مشاركه رقم 6
وعلى فكره انا كنت خلاص هجيب الصنى زيرو سوبر صالون ولكن بصراحه بعد ما اخدت عربيه صديق فى كذا سفريه صرفت نظر، كلامى بصدق وياريت ماحدش يزعل

يعني يابو أنس .... مع احترامي للدكتور موافي اللي كاتب المشاركة ديه والحمد لله باع الصني واستريح منها
انا اعرف حاجات مينفعش تتكتب في الموضوع ومرضيتش اكتبها في موضوعه علشان ميزعلش
انا عامل بالعربية جوه البلد ومحمل وساعات تكييف 210-220 في الصفيحة (جــــــــــــــــوة البلد) وسواقة كلها حرق وعرز ... ماشاء الله
وتوكيل نيسان افضــــــــــــل توكيل في مصر ماشاء الله لا قوة الا بالله
وفي مركز خدمة جديد تبع وتو ايجيبت هايفتح في ابو رةاش كمان شهرين ان شاء الله
الكنية تاخد 3 مستريحين زي اي عربية لو ظبط الكرسي اللي قدام بس مش زي الاوبترا مثلا
انا مقلتش ان هي 100 100 .... بس مش هتاخد كل حاجة ب100000 اللي انت دافعهم
البيرسونا والجين تو جميلة وفيها كماليات محترمة وخاصة الجين تو
واي تعديل فيها بيبان بسرعه بس عيبها قطع غيارها وتوكيلها ...... ومحدش يقول انها منتشرة مش هاتبقي زي الكوري ولا الياباني (انا بتكلم عن نفسي لما نزلت دورت )..... وفي مركز الصفا لبروتون بيقولوا عليه محترم جدا
لصاحب الموضوع اقعد في الاتنين وشوف انت مستريح لاني واحد فيهم ومتنساش الاستخارة وربنا ييسرلك الخير
بس نصيحة شوف انت محتاج ايه ...... مفيش عربية كاملة ولو لقيت يبقي سعرها فلكي
انت شوف محتاج ايه وممكن تتضحي بايه
والصني الجديدة اعتقد هاتبقي في فئة البلوبيرد .... اعلي بكتير من الصني اللي موجوده

**Sehsss** · 19-10-2011 01:04 AM

المشاركة الأصلية كتبت بواسطة eng f3lix

انا من رايي تستنى النيسان صني الشكل الجديد اينعم شكلها زفت بس ممكن تعجبك وفي الاخر دي اذواق
وتوكيل عز العرب زفت الزفت ومنصحكش ببروتون اصلا وخليك في عربية تانية زي الصني او اوبترا بالكماليات الجديدة

إيه يا عم كمية الزفت دي، شكل العربية مش عاجبك قول مش عاجبك، بس تقول (زفت) وبعدين دي أزواق ولولا اختلاف الأزواق لبارت السلع

-

الموضوع: مقارنة بين البيرسونا والنيسان صنى 2011

LinkBack

أدوات الموضوع

عرض

-

-

-

المواضيع المتشابهه

مقارنة بين الكيا سبورتنج 1.6 والنيسان قشقاى 1.6

بخصوص مقارنة الالنترا و البيرسونا

بخصوص مقارنة الالنترا و البيرسونا

يا ريت مقارنة بين الهوندا سيتى 1500 اوتوماتيك والنيسان صنى 1600 اوتومايتك واللانسر

الكلمات الدلالية لهذا الموضوع

المفضلات

المفضلات

ضوابط المشاركة