ازاى اغير مياة الردايتير
عرض للطباعة
ازاى اغير مياة الردايتير
مفيش ولا رد شكرا يا رجالة
بص يستحسن تشتري ميه خضرا موبيل وحط تحت موبيل دي مليون خط
واشتري كمان عدد إتنين زجاجة ميه معدنيه
ممكن تشتري ربعين ميه خضرا يعني ربع وربع الربع محطوط في علبه بلاستك كده وبـ 13 جنيه
وتروح لبتاع رادياتيرات كويس
وتقوله إعملي دورة ميا وإديله الميه الخضرا والميه المعدنيه
وبعد متخلص الدوره وتحط الميه الخضرا كلها
تخلي معاك في العربيه ميه معدنيه ولما الميا تنقص تزود منها
وسيبك من مية الحنفيه علشان فيها أملاح كتير وبتبوظ المواسير والأجزاء الداخليه
بس قولي أخبار الميه معاك إيه ؟
بتنقص كتير ؟
يعني لو عملت مثلا مشوار 100 كيلو رايح جاي
بتنقص كتير ولا لأه ؟
المياه المعدنيه غلط
دا من اسمها ! معدنيه
طب آيه الفرق بينها وبين المقطرة؟؟؟؟!!!
ياباشا من غير زعل
انا بتكلم عادى كلنا اخوات هنا
لةو حضرتك قريت اللى على المياه المعدنيه من الزجاجه هتلاقيهم كاتبين نسب الاملاح اللى موجوده فيها اد ايه
ودا غلط لانها لما تتحط فى العربيه وتسخن هتتفاعل الاملاح دى مع الجدار الداخلى للمواسير والمحرك وتترسب عليهم
ودا طبعا على حد فهمى
مفيش فرق دي صاله للشرب ودي صالحه للشرب
بس المياه المعدنيه فيها معادن ضروريه لصحة جسم الإنسان
وإحنا بنقول نشيل معانا ميه معدنيه بدل الميه الخضرا لأنها غاليه
بس لو زودت ميياه معدنيه بدل الخضرا مفيش مشكله
إنما لو قادر تشتري مياه خضرا وتبقى معاك في العربيه تزود منها يكون كويس وأحسن
مش لازم الواحد يجرب عملى و يشوف الناتج كويس ولا وحش... الواحد ممكن يفكر بالعقل و يستنتج ايه اللى هيحصل من التجربة
طيب بعد اذنك لما تكون حاجة متعرفهاش و مجربتهاش متنصحش حد بيهااقتباس:
أنا لسه مجربتش بصراحه ومعرفش
معلش المرة الجاية لما تشترى زجاجة مية معدنية ابقى استقطع من وقتك 5 ثوانى و اقراء مكونات المية اللى فى الزجاجةاقتباس:
بس أنا أعرف إن الأملاح بتبوظ العربيه
والمعدنيه مش فيها أملاح نهائي
دي ميه نقيه
MMamdouh
المية المقطرة غير صالحة للشرب... صحيح لما هتشربها مش هيجيلك تسمم مثلا او كدة لكن الاستمرار فى شرب مياه مقطرة هيسبب نقص شديد فى الاملاح و المعادن الضرورية للجسم
حلو قوى... و المعادن دى موجودة فى الميه فى صورة ايه؟؟؟... يعنى انت لما بتشترى زجاجة مية معدنية بتلاقى المعادن راقدة فى قعر الزجاجة؟؟... ولا موجودة فى صورة املاح ذائبة فى المية؟اقتباس:
بس المياه المعدنيه فيها معادن ضروريه لصحة جسم الإنسان
لو على كدة يبقى المية المقطرة من التكييف ارخص من المعدنيةاقتباس:
وإحنا بنقول نشيل معانا ميه معدنيه بدل الميه الخضرا لأنها غاليه
تانى لو سمحت متقولش معلومة لحد و انت مش عارف هى صح ولا غلطاقتباس:
بس لو زودت ميياه معدنيه بدل الخضرا مفيش مشكله
+1اقتباس:
إنما لو قادر تشتري مياه خضرا وتبقى معاك في العربيه تزود منها يكون كويس وأحسن
MMamdouh
المية المقطرة هى مياه فقط لاغير... مفيهاش اى املاح... و لو اتحافظ على نظافتها اثناء التكثيف يبقى مفيهاش شوائب كمان
غالبا دى بتستخدم فى معامل الكمياءلان بعض التفاعلات بتحتاج وجود مياه بدون اى نوع من انواع الاملاح ولال الاملاح دى هتدخل فى التفاعل و تبوظ التجربة
و برضة بتستخدم فى البطاريات لان البطارية فيها احماض و تفاعلات و مش المفروض يبقى فيه اى املاح فى تكوين الحامض اللى فى داخل البطارية
المية المعدنية دى مية طالعة من بير فى جوف الارض و تم فلترتها لازالة الشوائب... المية بيبقى فيها انواع كتير من الاملاح و بتختلف نسب الاملاح دى حسب مصدر المية
MMamdouh
مياه المعدنية تسمى أيضًا المياه الغازية، وهي مياه ينابيع تحتوي على نسبة كبيرة من المواد المعدنية أو الغازات. وتشمل المواد المعدنية الملح، وكبريتات المغنسيوم، والجير، والمغنيسيا، والحديد، والسليكا، والبورون، والفلور، والكثير من المواد الأخرى، بما فيها المواد المشعة. أما أكثر الغازات شيوعًا فيها فهي ثاني أكسيد الكربون وكبريتيد الهيدروجين. وفي معظم الأحيان تكون هذه المياه مياه أمطار تسربت تحت الأرض خلال الصخور وأذابت المواد المعدنية في طريقها. وقد تحتوي بعض الينابيع على مياه صهارية تتصاعد من أعماق الأرض بعد تكونها خلال عملية كيميائية داخل الصخور. وبعض الينابيع حارة، وبعضها الآخر عادي الحرارة.
ظ…ظٹط§ظ‡ ظ…ط¹ط¯ظ†ظٹط© - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط.ط±ط©
الله ينور عليكم...
حبيب قلبي الأستاذ والإستشاري ورئيس قسم الدايو العظيم ممدوح بيه
أنا مش بافتي وعمري مفتيت في المنتدى ده وحريص جدا إني أقول أي معلومه وأكون متأكد منها
عن تجربه أو واخدها من بق خبير ومجرب
وصدقني الموضوع بسيط وسهل خالص
أنا قلت الميه الخضرا أحسن بس علشان غاليه
مفيش مشكله نحط ميه معدنيه
صحيح أنا مجربتش
بس أخر مره رحت عملت دورة مياه عند واحد بتاع رادياتيرات
قالي الكلام ده
أعتقد ده خبره أكتر مني ومنك
إسمحلي أسلوبك في النقاش مش كويس
وأنا أعتبر عضو جديد ومش بهاجم ولا بافتي على حد
وحضرتك أستشاري ورئيس قسم على عيني وعلى راسي
بس ياريت نرتقي بالنقاش لفوق شويه
تقبل كامل إحترامي وتقديري
اذا اتفقنا اى اى حاجة مش عن تجربة او مش من بق خبير هى فتى....
معلش جبت "مفيش مشكلة" دى منين؟؟... اذا كان انت اصلا فى مداخلاتك قبل كدة قولت ان المية المقطرة زى المية المعدينة... يعنى انت مش عارف ايه الفرق بينهم اصلا فى التركيب يبقى على اى اساس حكمت ان المية المعدنية بديل امن للمية الخضراء؟؟... طيب انت عارف اصلا المية الخضراء مكونة من ايه؟؟؟؟اقتباس:
أنا قلت الميه الخضرا أحسن بس علشان غاليه
مفيش مشكله نحط ميه معدنيه
ادى واحد من شروط الفتى اللى انت بنفسك قولتها اتحققاقتباس:
صحيح أنا مجربتش
معلش مع احترامى... انت بتقارن صنايعى معاه اعدادية (على احسن تقدير)بيا؟؟؟... انا مش بتفاخر بعملوماتى و لا بتنطط بخبرتى بس معلش لكل مقام مقال... لما تحطنى فى كفة ميزان مع بتاع رادياتيرات و كمان تقول ان كفتة الارجح يبقى دة اى كلاماقتباس:
بس أخر مره رحت عملت دورة مياه عند واحد بتاع رادياتيرات
قالي الكلام ده
أعتقد ده خبره أكتر مني ومنك
و بعدين ايه دخل "الخبرة" بالموضوع؟؟؟ احنا بنتكلم فى الوصف الكميائى لمية التبريد و مية الحنفية و المية المقطرة و المية المعدنية..... ايه دور الخبرة هنا؟؟... ولا قصدك ان بتاع الرادياتيرات اصلا عبارة عن معمل تحليل و لما بيحط ايدة اليمين فى جركن المية بتطلعلة نتيجة تحليل المية على كف ايدة الشمال؟؟؟؟؟؟؟
يعنى عايز تقنعنى ان الراجل "الخبير" بتاعك دة يعرف المية الخضراء دى عبارة عن ايه؟... و المية المعدنية و المية المقطرة يفرقوا ايه عن بعض؟؟؟... اكيد طبعا ولا عندة فكرة لانة لو كان يعرف كان قالك... بس واضح ان المعلومة دى لا عندك ولا عندة
كدة يبقى الشرط التانى للفتى اتحقق برضة
اعمل تقرير مشاركة او اكتب فيا شكوىاقتباس:
إسمحلي أسلوبك في النقاش مش كويس
اعتقد ان ما يندرج تحت بند "الفتى" تم اثباتة بالفعل اما بالنسبة للهجوم فا موجود فى الجملة السابقة و التالية ليكاقتباس:
وأنا أعتبر عضو جديد ومش بهاجم ولا بافتي على حد
اعتقد انى مقولتش اى كلام خارج او بذىء مثلا.... و للعلم انا مستعملتش مصطلح "بتفتى" فى تعليقى السابق لكن انت اللى استخدمتة فى المداخلة الاخيرة ليك... و رغم من انها مش كلمة عيب الا انك انت اللى استخدمتها مش انااقتباس:
بس ياريت نرتقي بالنقاش لفوق شويه
و على فكرة مش شطارة ان لما حد يقولك انت بتقول غلط تقولة "نرتقى بالنقاش" لان فى الاساس النقاش لازم يتناول كلم صح مش فتى
هو بعد "نرتقى" و "بتاع الرادياتيرات" خليت فيها "احترام" او "تقدير"؟؟اقتباس:
تقبل كامل إحترامي وتقديري
MMamdouh
- ربنا خلق المياه علي ما هي عليه من المكونات وبالتالي اي تدخل فيها اعتقد يكون تدخل سلبي مش ايجابي
- الانسان زمان كان بيشرب من الانهار مباشرة او العيون والابار..يعني دي الفطرة الصح
- ممكن نعملها تنقية بس نزع الاملاح منها يخل بمكوناتها الاساسية
- كمان المياه المقطرة مش بس بتنزل الجسم وهي بدون املاح وبس...دي بتذيب الاملاح الموجودة اصلا في الجسم وبتخرج من الجسم ومعاها الاملاح دي فبالتالي بتقلل نسبتها جدا
- اكيد بنقدر ناخد الاملاح من الخضروات والفاكهة بس بصراحة مش عارف هل هتعوض املاح المياه ؟ كمان كنتيجة للنقطة السابقة...الاملاح الممتصة من الخضروات والفاكهة هينزل جزء كبير منها مع المياه المقطرة لان المياه المقطرة وسط ممتاز لاذابة الاملاح لانها غير مشبعة تماما
- اللي ياكد كلامي انه تم اختراع اجهزة تقطير للمياه وفي اخر مرحلة بيحطوا كبسولة املاح عشان تعوض النقص اللي حصل من عملية التقطير
- برده في الاخر عشان منفتيش بدون علم لازم نسال المتخصص وهو الطبيب او البيولوجي
- فيه بعض الاماكن في مصر اكيد المياه لونها او طعمها او ريحتها ممكن تكون وحشة
ممكن نعمل توازن اننا نشرب من المياه المقطر ولو عايزين حاجة نضيفة نجيب مثلا مياه معدنية معاها وبالتالي يمكن نعمل توازن شوية بس مش عارف النسب تكون ايه
- انا شخصيا فضلت اشتري فلتر مياه ثلاثي أفضل من فلاتر نزع الاملاح وبالتالي المياه بتطلع لونها أحسن وطعمها احسن وانقي ومكوناتها زي ما هي
وفي الاخر الله أعلي وأعلم
ياأستاذ ممدوح إنت بتتكلم كتير قوي على حاجه مش مستاهله كل المجهود إللي بذلته ده
قلبي معاك والله على الكلام الكتير والسعرات الحراريه إللي ضاعت عالكيبورد دي
إنت بتمسك في كلمات صغيره قولتها وبتكبرها مع إنك لو صبرت شويه هتلاقي بعدها تفضيل عنها
يعني أنا لما بقول ميه معدنيه برجع بعديها وأقول الميه الخضرا أحسن وأفضل
وده علشان يجي واحد عمل تحليل معملي ومخبري للميه المعدنيه زي حضرتك وطلع النتيجه على كف إيده الشمال وينصح بعدم وضع مياه معدنيه
وعلى فكره مش عيب لما تكون مش عارف ويجي حد ويقولك الصح
بس يقول الصح من غير تجريح في كلامك وتقليل منه
مش عيب إنك تقول أختلف معاك زي الأستاذ طارق المحترم
وتقول الصح وتبقى تزعل مني لو إتعرضت وكابرت
إنما إسمحلي طريقتك في النقاش دي ممكن تزعل الناس منك
وعلى فكره أنا مصمم إن بتاع الرادياتيرات إللي معاه الإبتدائيه ده خبره أكتر من أي حد
لأنه مسؤول عن كل كلمه بيقولها وإيده في العربيات وعارف كل حاجه عن الميه الخضرا والميه أم ترتر والميه إللي بتزغزغ
ولو حصل عندي أي عطل بسبب نصيحته هايبقى مسؤول وهاحاسبه ومش هاسيبه
وأنا مش بقارنك بحد العفو إنت مقامك عالي وعلى عيني
وكمان بتاع الرادياتير إنسان ومقامه عالي
رب أشعث أغبر لو أقسم على الله لأبره
ومش كويس إنك تقلل من قدر حد وانت متعرفوش كويس
ده يعتبر تحقيق لشرط من شروط الفتي إللي قولتها
ربنا يهديني ويهديك
اللون الاحمر مخصص للادارة فقط
مشرف عام 2
انت معتبر انك لما تقول لواحد حاجة غلط يبقى دة عادى... احنا مبنعتبرش دى حاجة عادية... بنعتبرها حاجة غلط
و لما اقول ان مينفعش تقارنى ببتاع الرادياتيرات دة مش تقليل شان... دة وضع لكل واحد فى مكانة الصحيح
انت شايف ان المية المعدنية عادى و بتاع الرادياتيرات علامة... براحتك... بس متنصحش حد بحاجة غلط لمجرد انك مقتنع انها "عادى"
و اعتقد برضة ان لما الناس قالتلك ان الميه المعدنية غلط انت كابرت... منين بتنصحنى بحاجة انت اصلا بتعملها بقى؟؟؟؟؟
عموما انا وضحت للناس الصح ايه و الغلط اية و كل واحد مسؤل عن قراراتة بعد كدة
MMamdouh