السلام عليكمعندى لمبات الاشارات بتعلق شوية تشتغل وشوية لأ ، لكن فى نفس الوقت الانتظار شغال عادى فهل كدة العيب فى ذراع الاشارات ولا ممكن يكون حاجة تانية ، وهل فى اى حاجة بسيطة ممكن اعملها بنفسى لاصلاح تلك المشكلة ؟
عرض للطباعة
السلام عليكمعندى لمبات الاشارات بتعلق شوية تشتغل وشوية لأ ، لكن فى نفس الوقت الانتظار شغال عادى فهل كدة العيب فى ذراع الاشارات ولا ممكن يكون حاجة تانية ، وهل فى اى حاجة بسيطة ممكن اعملها بنفسى لاصلاح تلك المشكلة ؟
ممكن الدواية نفسها عايزة صنفرة او حاجة
هل لما تحرك الدراع بتسمع صوت فلاشر الاشارات واللمبات بس هي اللي مش بتشتغل ولا مش بتسمع صوت الفلاشر خالص؟
عيب في مفتاح الفلاشر عايز يتغيير
اه كده تفرق
كده ممكن يكون عندك العيب في السوكيت اللي ورا علبة الفيوزات
كان عندي نفس العيب وجربت دراع تاني مشتغلش والكهربائي قالي لازم نفك وش التابلوه عشان نشوف المشكلة فين عشان يقدر يشوف ورا زرار الانتظار
المهم رحت لواحد تاني وبص علي السوكيت ده لاقاه مش ملمس الاسلاك كويس..يعني مشعر كده وقالي ده عيب صناعة وعمل لأسلاك الاشارات كوبري فوق السوكيت وبقت تمام
وفعلا كانت ساعات بتشتغل وساعات لا ... لما يحصل تلامس بتشتغل
هتفك الفبرة اللي جنب رجلك الشمال وانت سايق وهتبص علي ورا علبة الفيوزات يمينها هتلاقي شوية وصلات وسوكتات بيضاء...هو واحد منها...شغل الاشارات وجرب تحركهم وتزقهم جوا بعض وشوف ايه اللي هيحصل
كهربائي شاطر يظبطلك الموضوع ده
ومش شرط يكون العيب في زرار الفلاشر
حصل معايا نفس المشكله بالظبط
وطلع المشكله في حاجه زي المحول كده مكعب وصغير كده موجود في سدر العربه ورا الدركسيون
إنت مش هتعرف تجيبه أو تغيره
أنا أفتكر إني وقتها غيرت الزرار وفضلت المشكله قائمه
بعدين فك السدر ولقا المكعب ده بيعمل شراره كل مايحرك دراع الإشاره