الموضوع: تيل امامي للبيرسونا

السلام عليكم و رحمة الله و بركاته

في الحقيقه انا كنت دايخ و محتار في تيل فرامل كويس للبيرسونا امامي طبعا و في الحقيقه انا جربت الماليزي و كان سيء للغايه كان مش بس بيصفر لا كان بيحك جامد في الطنابير المهم سالت زميل لي معه جين تو قالي انا جربت المايلي و لكن كان سيء ايضا فاشتري التركي و قالي يعني شغال المهم انا عرفت ان تيل الفيات البترا الامامي ينفع للجين تو و البيرسونا دورت و لقيت نوع ب 125 و بصراحه مش فاكر اسمه انما شكله معجبنيش يشبه الماليزي فسالت الراجل مفيش حاجه احسن من كده قالي في تيل اصلي بعد ما شفته عجبني جدا نوعه بوش ايطالي و مكتوب علي العلبه منتج اصلي للفيات بيترا و السيينا الراجل قالي ب 250 المهم فاصلت معاه و اشتريته ب 200 جنيه و بعد تجربة شهر للان قلت افيدكم زي ما انا باستفيد منكم برده التيل ده جامد جدا و مش بيصفر غير اول كام يوم كده و بعد كده كانك مركب التيل الاصلي زي اللي كان راكب بالضبط و يا رب اكون قدمت معلومه صغيره ليكوم جميعا يا بروتوناويه