بيل جيتس لما سالوه ايه الفرق بين مايكروسوفت وابل قال احنا مهندسين كمبيوتر اما ابل فمندوبين مبيعات
يعني احنا بنفيد الناس وابل بتفرح الناس
خمات فاخرة الوان واستخدام سهل ، بس في الاخر المستهلك بيستحرم يدفع في الكلام ده فلوس ، المستهلك عاوز جهاز نفعي ويدفع سعر موازي المنفعة منه
يعني ابل عاملة اجهزة الكمبيوتر الشخصي من التايتينيوم ! وطبعا غالي جدا
طب وماله الحديد يعني ؟ هو انا جايب ترابيزة سفرة والا كمبيوتر حرمية السنة الجاية ؟
ابل ما بتتعلمش
زمان عملوا كمبيوتر البنات بتاعة الشيب سيت دهب ، وادفع يا معلم ، طيب لما اعمل ابجريد ؟ الدهب حيترمي ؟
الاي باد عملينه حديد ، حلو علشان يستحمل ، بس انهي رسغ حيستحمل يمسك كيلو ونص لمدة ساعة ؟ طبعا ايديك حتخدل
قامت سامسونج عاملة التاب وزنه 400 جرام لانه بلاستيك ، مش ناقصة فزلكة ، تقدر تمسك التاب طول اليوم من غير ما تتعب ايدك
تحس ان ابل بتدور على الحاجة اللي تخلي المنتج غالي وخلاص
اما جوجل بقه ، فكما تعودنا من الشركة اللي عاملة اسرع محرك بحث في العالم وعاملة جوجل ايرث احلى برنامج في الدنيا وصاحبة يوتيوب اكبر موقع فيديو في العالم ، فطبعا لما جوجل تحط في دماغها حاجة فالمنافسون يدوروا على حتة يستخبوا فيها