الموضوع: استهلاك البنزين

المشاركة الأصلية كتبت بواسطة hamottos

المفترض ان كل ما معدل السرعة يزيد مع طول المسافات معدل الاستهلاك يقل
يعني المعدل بتاع الاستهلاك بمرور الوقت لو انت ما صفرتش العداد هتلاقيه بيقل واحده واحده لحد ما يثبت على رقم
يعني 13 دي هتلاقيها بتقل واحده واحده برور الوقت
الفكره كلها زي ما قلتلك بالبلدي كل ما سرعتك تزيد مع استخدام غيارات اسرع يعني بتستخدم قوة العربيه في الحصول على سرعه اعلى ودورات الموتور بتدي معاك سرعات اعلى الاستهلاك الطبيعي يقل
يعني التلات غيارات الاولانيه بتستهلك اعلى من الغيار الرابع والخامس لنفس المسافة المقطوعه
ولحد سرعة معينه لحد حوالي 100 او 120 مثلا وبكده كمية البنزين اللي كانت بتعمل معاك 10 كيلو على السرعات البسيطه هتعمل معاك اكثر من 10 كيلو على السرعة 120 ولو زودت السرعة عن ال120 هتلاقي استهلاك العربيه هيزيد معاك لان العربيه قوتها مش قادرة تقاوم الهواء وبالتالي تحرق بنزين اكثر عشان توصل للسرعة اعلى من 120 انا مش عارف اوضح اكثر من كده
الفكره انك تعرف تستفيد بأقل كمية بنزين في انك توصل لابعد مسافه وده بيتم بأنك تتستفيد بقوة العربيه في اخر غيار عشان تديك سرعة اعلى وبالتالي تديك مسافات ابعد بنفس الاستهلاك
لو فيه حاجه مش مضبوطه في العربيه واعتقد الموضوع ده صعب عشان جديده هتبقى ان العربيه بتاكل بنزين وده بيبقى ليه اسباب تتعلق بضبط الموتور الهواء والكهرباء والبنزين مع بعض وبيتم في التوكيل
هذا والله اعلم
والعربيه بيبقى فيها حساسات بيوصلوها على الكمبيوتر وبتبين كل العيوب دي

باشا أنا مش عارف أشكرك أزي ع تعبك و التوضيح ده، جزاك الله كل خير و جعله في ميزان حسناتك

أنا بالفعل عملت بنصيحتك في أسلوب السواقة و مونت و صفرت العداد و روحت مشوار و رجعت لقيت العداد 9.7 و ديه أول مره أشوف فيها الرقم ده عندي

بس سؤال أخير ، هو مش المفروض بعد سرعة الــ 120 بتبقى نسبة الإستهلاك ثابتة ؟ ولا زي ما حضرتك بتقول بتزيد بعد السرعه ديه !!! طيب أزاي أومال باقي العداد ده معمول ليه؟ و هل معني أني بعدي ال120 و أكيد بعدي rpm 3 يبقى كده معدل أستهلاك البنزين كأني بحرق ع الخامس؟؟