-
استهلاك البنزين
ممكن اعرف متوسط استهلاك البنزين للوجان داخل المدينة
انا قرأت انه 8 لتر يعمل 100 كيلو
انا عندي تقريبا 10 لتر يعمل 100 كيلو
يعني اللتر عشره كيلو
هل ده كويس ولا ايه
يمكن دي تالت تفويله للعربية هل ده ليه علاقة
علما باني مش بشغل التكييف كتير
حاجه تانية
الشرط اللي هي مؤشر البنزين اللي هما عددهم تسعه هل هم متساويين
يعني كل شرطة تمثل قدر متساوي من البنزين ولا بيختلفوا
بلاحظ ان الشرطة الاولي مثلا بتمثل كيلوهات اكثر من الشرطة الاخيرة
ولا دي تهيوئات
المهم استهلاك البنزين
وجزاكم الله خيرا
-
انا حسبتها لقيت بيعمل 80 كيلو في ال10 لتر وبدون تشغيل التكييف انا مش عارف في عيب في العربية عندي ولا اية ؟يا ريت لو حد عندو فكرة يقول
-
أنا المتوسط عندي داخل المدينة 13 لتر لكل 100 كيلو مش عارف برضه هل ده طبيعي و لا لأ
بس خلي بالك أنها متوسطات يعني جرب تبص ع المؤشر ده و أنت بتسخن العربية هتلاقيه بيزيد رغم أنك مش ماشي بالعربية
-
الحمد لله انا عندى متوسط الاستهلاك دايما من 7.5 لتر الو 8.5 لتر لكل 100 كيلو وعمرها مزادت عن كده
-
مبروك يا باشا على العربية الاول
بالنسبة للاستهلاك فهو بيعمل تقريبا بالتكييف في الزحمة 9 لتر/100 كيلو
من غير تكييف في الزحمة على ما اتذكر كان 8.5 لتر/100 ك
على السريع بالتكييف بيعمل 7 لتر/100 كيلو
استهلاك العربية اول 3000 كيلو هتلاقيه زي ما عندك كدة و هيتحسن تدريجي بداية من ال1000 كيلو لحد ال3000 و يوصل للمعدلات دي
اخذا في الاعتبار ان الكلام ده بدون حرق على الغيارات
بالنسبة للشرطة الاولى فهي بتقعد كثير معاك علشان عامل البنزينة بيفول لحد الزور انا بقله يفول لحد ثاني تكة بس و بتبقى زيها زي الباقيين لكن المرة اللي فاتت فول لحد الزور الشرطة الاولى قعدتني حوالي 200 كيلو لوحدها
-
يعني أيه أنا كده في عندي حاجه مش مظبوطة؟ طيب هي أيه ؟
مع العلم أني ساعات بحرق ع الغيارات
-
المعدل المتوسط أو الوسطى للوجان من 270 : 280 كيلو فى الصفيحة 20لتر ودة طبعا من غير التكييف
يعنى حوالى من 7 : 7.5 لتر لكل 100 كيلو ودة طبعا من غير التكييف
والله الموفق والمستعان
-
محتاجين توضيح يا جماعه
هل فيه فرق بين استهلاك البنزين في اول 3000 كيلو عن بعد كده
ولا ايه
طيب لو الاستهلاك فضل كتير بعد ال3000 كيلو يبقي المشكلة فين
اقصد بالاستهلاك الكتير انه اكتر من 8 لتر لل 100 كيلو
-
الموضوع على حسب الزحمة ياجماعة ... انتوا تقلقوا لو وصل ل 13 وفى العموم السفر هو الفيصل اللى قلقان يحاول يعمل مشوار طوالى بالعربية وحيطمن ان شاء الله لان وقتها بالكتير حتبقى 7 وبتوصل ل 5 او 5.5 كمان
-
يعني أنا المفروض أقلق
طيب ما تقولوي أعمل أيه ؟
Content Relevant URLs by
vBSEO 3.6.0 PL2