بالنسبه لمساحات الفيرنا

**ezzeldin1234** · 18-10-2011 02:02 PM

اخوانى الاعزاء بالنسبه لمساحات الفيرنا عندى بتعمل صوت حكه فى الازاز يا ترى ده بسبب الكوتش باظ ولا ايه العربيه لسه شاريها من تمن شهور بس يا ترى الكوتش بتاع المساحات سىء للدرجه دى ولا فى ايه كل ما اشغل المساحات وازودلها ميه عاديه من الرشاشات تعمل صوت فى الازاز تررررررررررررررريت وترجع عادى هل اغير الرياش بتاعت المساحات ولا ده من ايه شكرا
ارجوا الرد سريعا للاهميه

**AutoTycoon** · 18-10-2011 07:22 PM

حط سائل منظف زجاج مع المية .. هتلاقي الوضع احسن بمراحل

**Ayman-Ahmed** · 18-10-2011 08:01 PM

لو لا قدر الله شايف احتكاكات فى الازاز او جروح صغيرة واحيانا مش هتشوفها غير بلليل.يبقى متستعملش المساحات ديه تانى وانزل اشترى اتنين من التوفيقية فى حدود 30-40 جنيه ودول صنع اتحاد اوروبى.او لو ساكن قريب من مدينة نصر يبقى اطلع على المارت اللى فى بنزينة كالتكس واشتريها من عنده.

انا لفيت لفة حلوة لما مساحاتى جلدها باظ وكنت فاكر المارت غالى ولكن لما لقيتهم بنفس النضافة والسعر فى التوفيقية جبتهم من هناك.

اهم حاجة تحاول تفك المساحتين القدام وانت بتشترى من التوفيقة وتجيب نفس مقاسهم.ده لو مش عارف المقاس.

**AutoTycoon** · 20-10-2011 02:35 AM

المشاركة الأصلية كتبت بواسطة ayman-ahmed

لو لا قدر الله شايف احتكاكات فى الازاز او جروح صغيرة واحيانا مش هتشوفها غير بلليل.يبقى متستعملش المساحات ديه تانى وانزل اشترى اتنين من التوفيقية فى حدود 30-40 جنيه ودول صنع اتحاد اوروبى.او لو ساكن قريب من مدينة نصر يبقى اطلع على المارت اللى فى بنزينة كالتكس واشتريها من عنده.

انا لفيت لفة حلوة لما مساحاتى جلدها باظ وكنت فاكر المارت غالى ولكن لما لقيتهم بنفس النضافة والسعر فى التوفيقية جبتهم من هناك.

اهم حاجة تحاول تفك المساحتين القدام وانت بتشترى من التوفيقة وتجيب نفس مقاسهم.ده لو مش عارف المقاس.

لو كدا يبقى الحل بتاعي مش صح ... لأن فعلاً الأزاز عندي بالليل متجرح!!

**Ayman-Ahmed** · 20-10-2011 09:03 AM

يبقى اتوكل على الله وانزل لف لفة فى التوفيقية او المارت اللى قولتلك عليه.

**dolly13** · 20-10-2011 09:57 AM

بامانة من اسوا الحاجات فى الفيرنا حكاية المساحات دى وانا برده بعد ماجبتها بفترة صغيرة لقيت المساحات بتعمل الصوت ده وغيرتها من مصر الجديدة على طول . اعتقد لازم تغيرهم عشان البربريز مايتجرحش

**ezzeldin1234** · 20-10-2011 10:42 AM

المشاركة الأصلية كتبت بواسطة dolly13

بامانة من اسوا الحاجات فى الفيرنا حكاية المساحات دى وانا برده بعد ماجبتها بفترة صغيرة لقيت المساحات بتعمل الصوت ده وغيرتها من مصر الجديدة على طول . اعتقد لازم تغيرهم عشان البربريز مايتجرحش

بالفعل اشتريت امبارح مساحتين رابر هايلين من الهرم جنب البيت عندى واشتغلوا زى الفل وب 24 جنيه الاتنين وانا جاى انهارده اصبح عديت ع البنزينه وجبت سائل منظف الزجاج وجربته لاقيت الدنيا احسن بكتيييييييييييييييييييييي ييييير عن مساحات غبور المعفنه الزباله .
بس يبقى غبور غلطان ومستخسر فى الفييرنا مساحتين نظاف مش هيقفوا عليه بعشرين جنيه واللى انا مستغربله طب ليه واحد يشترى عربيه باتنين وسبعين الف جنيه ومتركيب فيها مساحات ب 3 جنيه الجوز لا وفى اول المووع ما اكتشفته رحت اسال عليها فى محل بيبيع قطه غيار هيونداى اصلى فى شارع الترسا عندنا قالى المساحتين ب 90 جنيه تخيلوا
هقول ايه حسبى الله ونعم الوكيل

**Ayman-Ahmed** · 20-10-2011 10:45 AM

ممكن الافادة بتوع السائل المنظف؟

**ezzeldin1234** · 20-10-2011 11:11 AM

المشاركة الأصلية كتبت بواسطة ayman-ahmed

ممكن الافادة بتوع السائل المنظف؟

طبعا يا باشا ممكن
بص انا جبته من بنزينه موبيل اللى جنب كايرو مول ده لو انت ساكن فى الهرم واعتقد انك هتلاقيه فى اى بنزينه موبيل وهو زجاجه لتر لون السائل اللى فيها ازرق فاتح ومكتوب عليه سائل منظف الزجاج صناعه مصريه بتصريح من شركة امريكيه وسعرها عشرة جنيه بتحط منها ربع لتر كل ما تملى قربه الميه
ارجوا ان اكون افادتك

**Ayman-Ahmed** · 20-10-2011 11:14 AM

المشاركة الأصلية كتبت بواسطة ezzeldin1234

طبعا يا باشا ممكن
بص انا جبته من بنزينه موبيل اللى جنب كايرو مول ده لو انت ساكن فى الهرم واعتقد انك هتلاقيه فى اى بنزينه موبيل وهو زجاجه لتر لون السائل اللى فيها ازرق فاتح ومكتوب عليه سائل منظف الزجاج صناعه مصريه بتصريح من شركة امريكيه وسعرها عشرة جنيه بتحط منها ربع لتر كل ما تملى قربه الميه
ارجوا ان اكون افادتك

افادة كاملة يا باشا ومشكور والف مبروك على المساحات.وكنت بستعمل المنظف بتاع رابدو وكان ممتاز ولكن طالما فيه منتجات تانية متجربة يبقى نجيبها وخصوصا اننا داخلين على الشتا.