ماجستير ادارة الأعمال المصغر أو Mini MBA هو كورس متقدم في مجال ادارة الأعمال والتسويق
بالتأكيد ان ماجستير ادارة الأعمال MBA هو الأفضل وشهادة محترمة تثقل أي سيرة ذاتية وتميز صاحبها لكن الدراسة فترة طويلة (من سنة ونص الى سنتين) وتكلفة حسب ما سمعت تترواح من 7000 دولار الى 11000 دولار حسب المكان اللي بتقدم فيه
ولذلك Mini MBA هتناسبك اذا كنت بتدور على دراسة في مجال ادارة الأعمال والتسويق لفترة قصيرة (10 أسابيع) وتكلفة مش بسيطة صحيح لكن اقل من MBA وهي في حدود 5000 جنيه وبالتقسيط
علما بأن فيه بعض الأماكن بتدي الكورس بشكل مكثف 10 أيام متتالية انما انا لا انصح بها لأن اكيد مفيش فرصة للمذاكرة نهائي بالمنظر ده وبالتالي هتحس انك ما استفدتش حاجه
بالنسبة للدراسة العادية (10 أسابيع) بتكون الدراسة يوم واحد مكثف اسبوعيا (الجمعة أو السبت) من 10 ص الى 6 م ، ودي اكثر مناسبة للموظفين او الطلاب أو اي حد مش متفرغ وكمان بتديك فرصة تذاكر طول الاسبوع اللي اخدته في المحاضرة الاسبوعية
وشهادة Mini MBA شهادة معترف بها وتصدر من جامعة ميسوري الامريكية أو جامعة اخرى بريطانية حسب المكان اللي بتاخد فيه
انا من كام شهر بدأت ادور في الموضوع ده كويس لأن كان يهمني ادرس ادارة اعمال وتسويق الى جانب دراستي وخبرتي الهندسية ولقيت ان فيه في مصر عدة شركات تدريب متخصصة بتقدمه ويتبع كل منها جامعة امريكية او بريطانية وهي الشركات التالية :
انا اخترت منهم شركة Think ومقرها في مدينة نصر – خلف مسجد رابعة العدوية وبدأت الدراسة اول مايو اللي فات وخلصت آخر يوليو واستلمت الشهادة
التدريس بيقوم به محاضرين معاهم دكتوراه ومعظمهم من اعضاء هيئة التدريس في الجامعة الأمريكية
لو أي حد حب أبعت له تفاصيل اكتر وشكل الشهادة وعناوين الموضوعات الدراسية يبعت لي ايميل وانا هابعت له التفاصيل علما بأني مش بادخل كتير المنتدى الاجتماعي فمش هاتابع الردود كويس
جزاك الله كل خير , أنا فعلا وصلت لمركز Think عشان موضوع Mini MBA و كنت محتار بينها و بين الشهادة الجديدة IBDL و لقيت الاتنين معتمدين من جامعة Missouri و لسه محتار بين الاتنين لحد دلوقتى
المفضلات