العربية عجبتني و ناس كتير شكرولي فيها بس خايف من السعر في البيع رايكم ايه السعر ده كويس العربية فعلاَ زيرو مفيش فيها خدش باكياس المصنع و عاملة صيانة الالف كيلو و هاشتري علي 66 الف اتوكل علي الله و لا رايكم ايه
العربية عجبتني و ناس كتير شكرولي فيها بس خايف من السعر في البيع رايكم ايه السعر ده كويس العربية فعلاَ زيرو مفيش فيها خدش باكياس المصنع و عاملة صيانة الالف كيلو و هاشتري علي 66 الف اتوكل علي الله و لا رايكم ايه
بلاش فكك منها دى عربيه على قد فلوسها متتخدعش فى المنظر
طيب حضرتك مش ترشحلي عربية بديلة ولا هو بلاش دي و خلاص ,, اقضيها تاكسي يعني
لو العربية عجباك اتكل على الله........
حضرتك مسألتش على عربيه غيرها او حتى لمحت ان حد يرشحلك حاجة - واضح من طريقتك انك بتتريق و عاما يا باشا العربيه دى مع اخويا و انا نصحتك وعملت اللى عليا و حضرتك حر
يعني الراجل داخل يسال سؤال وعايز النصيحه
شركت له العربيه
وخليته بيتريق
لم يستفيد منك بمعلومه
----------------------------------ربنا يهدي
يمنع التهكم على الاعضاء ولذا تم حصولك على تحذير وايقاف لمدة يوم
يرجى مراجعة قواعد المنتدى
مشرف 3ب
21/10/2011
10.57pm
العربية عجبانى شكلا
العربية بيشكلروا فيها كاعلى مستوى امان فى العربيات الصيني
العربية موتورها هو نفسه موتور ال516 يعنى كموتور قطع الغيار هتكون متوفره
العربية بيتقال ثباتها عالى
السعر الله اعلم - بس عموما عربيات كتير بتنزل جدا عند البيع مش بس الصينى
كمثال الفولكس او الستروين العربيات دى بينزل سعرها جامد عند اعادة البيع
فهل ده معناه ان العربيات دى وحشة وفكك منها لو اتعرضت عليك
العربيات الصينى مستقبلا هتبقى منتشرة زيها زى الكورى حاليا
صلى استخارة وربنا يوفقك للاختيار الصح سواء هى او غيرها
الله ينور عليك كل كلمه قلتها صح الغريب فى الموضوع ان المفروض اللى بيقول رايه يكون عنده العربيه مش بالسمع وخلاص ....انا عندى 516 عربيه ممتازه ومتوافر فيها كل الامكتنيات والكماليات اللى موجوده فى عربيه بضعف تمنها ...انا اعتقد ان المشكله ان الناس مش عايزه تقتنع ان الصين بتعمل صواريخ للفضاء لكن العربيه حاجه صعبه اوى عليها ؟؟؟؟ انت عارف المشكله ان باقعد مع ناس معاها عربيات ب 120 الف و 130 الف وتلاقيه قاعد يقوللك اصل انا عندى فى العربيه epc فى العربيه اقول له وانا كمان يقولى عندى abs اقوله وانا كمان عندى سنسور فى الموتور اقوله وانا كمان ....وفى عندى كمان حاجات مش عندك فى العربيه تلاقيه يقوللك ياعم دى صينى ؟؟؟؟ اقعد اضحك العربيه زى اى عربيه فى السوق خافظ عليها وحافظ على الصيانه وهتعيش معاك العمر كله
[justify]
العربية فعلاً استيل وشيب أوربى متقلش فى التصميم والامكانيات عن السيراتو، الفرق ان الناس بتبصلها على انها عربية لامؤخذة ليها ماضى (عربية صينى)، انا معايا تيجو وكان معايا قبلها 516 وشايف (عن تجربتى وقناعتى الشخصية) ان الاسبيرنزا بشكل عام عربيات جيدة وليست ممتازة، ومشاكلها موش قاتلة وبعيدة غالباً عن عناصر الامان فى السيارة زى الفرامل والاتزان وسمك الصاج و ثبات العربية فى الملفات،،،الخ، ومشاكلها غالباً فى العفشة وعيوب التقفيل المحلى.
طبعاً بالنسبة للسيارة الحضرتك بتتكلم عنها هى جديدة حالياً ب73 الف جم يعنى بتفرق 7 الاف جم عن السعر الهتشترى بة ولما تخصم رسوم التسجيل( اعتقد حوالى 1500جم) يعنى بتلعب فى ال5000 جم فرق تقريباً عن سعر الزيرو ، طبعاً معقول وان كان القلق (هذا والله اعلم) عن سبب بيع صاحبها وهى لسة زيرو.
لاكن لو حضرتك متاكد منها، فهى عربية اعلى من السعر المدفوع فيها وال بسعرها واعلى منة كمان (فيرنا/لانوس/لوجن) اعتقد انها تكسب بالثلث.
انا شخصياً عجبانى جداً ، ولو ظروفى تسمح حالياًّ كنت اشتريتها.
((دى رأى الشخصى وعن تجربتى مع الاسبيرنزا، مع الاحترام لجميع الاراء الاخرى))
[/justify]