نظم المعلومات في تكنولجيا السيارات - ايموبلايزر immobiliser

Immobilizer

جهاز الكتروني يعمل علي تامين السيارة ضد السرقة عن طريق استشعار بصمة خاصة موجودة في المفتاح الاصلي لا يمكن ان تكون موجودة في المفتاح المقلد

البصمة الخاصة ديه بتبقي عبارة عن كود موجود في شريحة RFID (بطاقة هوية عن طريق موجات الراديو ) - زي الباركود اللي في فيرجن ستورز - وديه بتبقي موجودة في المفتاح

الجزء التاني وهو المسئول عن قرائة البصمة Decoder unit وده الايموبلايزر نفسة وده عبارة عن جهاز صغير بيبقي موجود تحت الداش بورد في اغلب التصميمات ( في التصميمات الاحدث (زي الميجان والسينيك) سيراعي دمجة مع اي حاجة تانية لجعل مهمة ايجاة صعبة )

طريقة عملة
عند ادراج مفتاح السيارة يستشعر الديكودر بصمة ال RFID ان وجدها يرسل اشارة ( تمام ) لدائرة ال ECU ( دائرة التحكم في المحرك ) التي تعمل بدورها علي تشغيل دائرة الاشعال
طبعا في حالة عدم توافق بصمة ال RFID مع ماهو مسجل بوحدة الديكودر لن يتم الاشعال حتي لو قام السارق بفك مفتاح التشغيل بغرض تلميس الاسلاك

في الاجهزة الحديثة يشترط ان يقوم الايموبلايز بالتحكم بدائرتان علي الاقل ( بواسطة ال ECU ) مثل دائرة الاشعال وطلمبة البنزين ايضا .

بهذة الصورة يمكن منع اشهر محاولتين لسرقة السيارات وهما 1- تشغيل السيارة بعمل شورت في دائرة الكونتكت ( وديه بيقوم بيها حرامية كانو صبيان كهربائي سيارات ) 2- عمل نسخة للمفتاح ( وديه بيقوم بيها في الغالب ابنك :lol: ) بس ده ما يمنعش ان ابنك يسرق اللمفتاح الاحتياطي وده بيكون عليه نفس بصمة ال :twisted: RFID

يمكن تركيب ايموبلايزر لسيارة مفيهاش ايموبلايزر لاكن لابد من وجود وحدة التحكم في المحرك المفروفة ب ECU

يعمل المطورين علي تعقيد عمل الايموبلايزر وتشعيب وصلاتة وذيادة عدد الدوائر المتحكم فيها كما يعملون علي دمج معلومات اخري للتعريف مثل بصمة الاصابع ووزن السائق !!

يعمل الحراميه الان علي دراسة طريقة عمل وتوصيلات الايموبلايز الخاص بكل سيارة ومن ثم ابتكار طريقة لابطال مفعولة لذا اذا كنت شاكك ان فيه حارمي عربيات شاطر مستقصد عربيتك شيل الايموبلايز الاصلي ( بتاع الفابريكا ) لانه هيبقي ( مفقوس ) وركب واحد من التوفيقية ( ده ان لاقيتة ولا قيت اللي يركبة ) بس اوعي يبوظلك وحدة الكنترول ECU
لو لقيت ان ده كله غير متاح ممكن تكهرب العربية او ( تدلوء ) عليها مية نار او تأجر اسد صغنون من السيرك القومي وتربطة في العربية :twisted:

( ملحوظة )
اوعي تاجر اسد كبير عشان مش هتلاحق عليه اكل :)

ممكن اجي انا اقعدلك في العربية احرسهالك ومش هاكل اكل الاسد الصغنون بتاعك ده

تسلم ايدك يا جميل علي المجهود الجميل ده ومستنين بقيت سلسلة التكنلوجيا
بس في معلومة صغيرة
ان في صنايعية دلوقتي بيعملو التشفير ده عن طريق نسخ التشفير الي المفتاح اللي بيعملوة وفي منهم ناس مشهورين قوي
انا طبعا بتكلم عن تشفير المفتاح بس
مش الوزن وبصمة الصباع والحاجات دي
الا صحيح ممكن اركب موضوع التشفير ده في عربيه كنزي الكهربائية
احسن عبد الرحمن اخوها عايز يسرقها منها :lol:
ولا تسلفني الاسد بتاعك بقي : :lol:

:P :P :P :P :P :P :P :P :P
اه طبعا ممكن يركب بس هنطر نحط ال RFID في البزازه

شكرررااااااااا

الله ينور عليك

على ما تخيلت كده يبقى ليه 4 اطراف:

• كهرباء
• ارضى
• فردتين يتوصلو فى سكة دائره الاشعال فى Ecu

صح كده و الا الموضوع اكثر تعقيدا؟

معلش شويه رزاله......... هوه كان سعره كام؟ صناعته ايه؟ حجمه؟ ممكن يركب على بعد قد ايه من الكونتاكت؟

اقتباس:

---

المشاركة الأصلية كتبت بواسطة ahmedezzat78

الله ينور عليك

على ما تخيلت كده يبقى ليه 4 اطراف:

• كهرباء
• ارضى
• فردتين يتوصلو فى سكة دائره الاشعال فى Ecu

صح كده و الا الموضوع اكثر تعقيدا؟

معلش شويه رزاله......... هوه كان سعره كام؟ صناعته ايه؟ حجمه؟ ممكن يركب على بعد قد ايه من الكونتاكت؟

---

هو ال-immobilizer بيبقى ECU لوحده (يعني كمبيوتر مخصوص بيعمل موضوع التأكد من الشفرة إلي على ال-RFID إلي في المفتاح أو الكارت و كمان بيشغل و يقفل البنزين و يقفل الكمبيوتر بتاع الموتور و حاجات تانية حسب موديل العربية ذي ما تفضل أخونا سبعاوي و قال )
و طالما هو ECU يبئة طبيعي بيحتاج سلكة كهربة و واحدة أرضي و شوية أسلاك كتير من الإريال بتاع ال-RFID و الحاجات إلي هو بيتحكم فيها د غير سلكة أو اتنين data للشبكة بتاعة العربية عشان يكلم ال-ECUs التنية ذي الموتور و غيره ٫
عشان كدة غالبا لزم ينزل ضمن ضفيرة العربية من الفابريكا لأنه لازم يبقى عارف eldata بتاعة العربية ، و غالبا بيتحط مع علبة الفيوزات أو مكان في التابلوه

الموضوع دة بقى مفقوس قووى الأيام دية وفى كذا واحد ممكن يعملك مفتاح مشفر لعربيتك والأسعار من 80 جنية لحد 500 جنية حسب نوع العربية ودة بيتم عالطول وأنت واقف

اقتباس:

---

المشاركة الأصلية كتبت بواسطة eng_mkhalaf

الموضوع دة بقى مفقوس قووى الأيام دية وفى كذا واحد ممكن يعملك مفتاح مشفر لعربيتك والأسعار من 80 جنية لحد 500 جنية حسب نوع العربية ودة بيتم عالطول وأنت واقف

---

بس يا هندسة كل إلي بيعمله إنو بينقل الشفرة من مفتاح للتاني (مجرد copy ) لكن مايعرفش يقرا الشفرة بتاعة ال-immobiliser و ساعات كمان مايعرفش ينقل الشفرة دي (بعض المفاتيح بتعمل تغيير شفرة مع كل دوسة على المفتاح ) ،
بس على الاقل أهم حلولنا جزء من المشكلة بدل ما كانت كل المفاتيح لزم تيجي من التوكيل بالشيء الفولاني :)

انا خالى معاة كورولا 07 فول أوبشن اتوماتيك والمفتاح ضاع منة - راح التوكيل قلولة 1300 جنية - حاجة مسخرة - علشان الأيمبوليزر المهم الراجل الطيب دة جاللى قلت أجمد قلبة واحاول أعمل واحد كدة وخلاص - رحت لبتاع المفاتيح قالى مش هينفع الموتور هيدور وبعد كدة هيفصل والمفتاح دة كبيرة يفتح الباب قلتة أعمل وتوكل على الله - عملنا المفتاح وهوب كل حاجة أشتغلت ولا طلع أيمبولايزر ولا ديولة والموضوع كلة أشتغالة :-) - وبقيت بقى سبعاوى العيلة

اقتباس:

---

ساعات كمان مايعرفش ينقل الشفرة

---

أنا معاك وبالذات المازدا 3 صعبة قوى بس العربيات المنتشرة زى الكورولا واللانسر الموضوع سهل وتمنة أرخص حاجة 80 جنية بس المازدا بيوصل 800 جنية

i find it in my renault clio 2005