E39 إستفسارات كثيرة ...أرجو المساعدة إن أمكن

ياشباب السلام عليكم جميعاً ...نفسى أشترى العربية دى e39 مويدل من 2002 حتى 2004 ولكن
لى أكثر من إستفسار عن السيارة e39 موديل 2004 تحديداً::

*السؤال الأول (إجبارى) هاهاها :b4_388::

1- سعر السوق للحالة النظيفة جدا جداً كاملة بفتحة سقف ....(الشاذة)
2- سعر قطع الغيار والصيانة الدورية (التيل ،الفلاتر، السيور،كشافات ....)
3- أنا عارف انها 2200 سى سى بس هى كام حصان ؟؟ وهل هى فانوس واحد أم دوبل فانوس؟
4- هل هى 4 سلندر أم 6؟
5- سعر الضريبة السنوية كام ؟ لو هى 2200 سى سى وهل هتفرق كثير عن 2300 أو 2500؟؟
6- إستهلاك البنزين ؟؟
7- هل فى 520 مو 2004 إندفديول ؟؟ وماالفرق بين الإندفديول والعادى هل هو مجرد أوبشن زيادة ؟؟

السؤال الثانى (إختيارى) :b4_388:
واخيراً لو معاك 140,000 جنيه تركبها ولا تركب :

1-318 موديل 2004 أو 2005 هاى لاين؟؟
2- 316 موديل 2007 كيلوات قليلة ؟؟
3- جيتا موديل 2010 كيلوات قليلة؟؟
4-باسات 2008 الفتيس القديم ؟؟


إيه رأيكو فى الإمتحان الصعب ده بقى .....

اقتباس:

---

1- سعر السوق للحالة النظيفة جدا جداً كاملة بفتحة سقف ....(الشاذة)
130 - 150 ولو 520 اقل
لسة كان قدامي واحدة 2003 525 متباعة على 130 من اسبوعين بالضبط وطبعا اتخطفت
2- سعر قطع الغيار والصيانة الدورية (التيل ،الفلاتر، السيور،كشافات ....)
معرفش
3- أنا عارف انها 2200 سى سى بس هى كام حصان ؟؟ وهل هى فانوس واحد أم دوبل فانوس؟
520 هي اللي 2200
ال 523 و 525 بيبقوا 2500 بس متورين مختلفين
4- هل هى 4 سلندر أم 6؟
6
5- سعر الضريبة السنوية كام ؟ لو هى 2200 سى سى وهل هتفرق كثير عن 2300 أو 2500؟؟
متهيألي واحدة وكده كده ال 525 مش اعلي من 2500 دي 24xx فـمش واصلة لأعلى شريحة تقريبا 1000 وحاجة
6- إستهلاك البنزين ؟؟
متوسط 180 كم فالصفيحة
7- هل فى 520 مو 2004 إندفديول ؟؟
معرفش
وماالفرق بين الإندفديول والعادى هل هو مجرد أوبشن زيادة ؟؟
بيكون أوبشانز بس, بس بتبقى دلع شويتين

السؤال الثانى (إختيارى) :b4_388:
واخيراً لو معاك 140,000 جنيه تركبها ولا تركب :

1-318 موديل 2004 أو 2005 هاى لاين؟؟
ممكن تفكر فيها دي running cost اقل بس التانية اكبر وأريّح وأقوى
2- 316 موديل 2007 كيلوات قليلة ؟؟
لو مش فارق معاك الموتور يبقى تمام بس running cost اعلي
وخد بالك دي مانيوال من غير فتحة sr
3- جيتا موديل 2010 كيلوات قليلة؟؟
لأ
4-باسات 2008 الفتيس القديم ؟؟
لو مش فارق معاك الموتور معرفش

---

الله ينور يا ميلو ...

اقتباس:

---

المشاركة الأصلية كتبت بواسطة medo20000

ياشباب السلام عليكم جميعاً ...نفسى أشترى العربية دى e39 مويدل من 2002 حتى 2004 ولكن
لى أكثر من إستفسار عن السيارة e39 موديل 2004 تحديداً::

*السؤال الأول (إجبارى) هاهاها :b4_388::

1- سعر السوق للحالة النظيفة جدا جداً كاملة بفتحة سقف ....(الشاذة)
حسب الحالة يعني عربيتي موديل 2001 إنديفيدوال إتفصلت في المعارض 146 ألف ( ده للمعارض ) وده بيرجع لحالة العربية
2- سعر قطع الغيار والصيانة الدورية (التيل ،الفلاتر، السيور،كشافات ....)
صيانة الـ 110 ألف إتكلفت 1518 جنيه فقط لاغير.
3- أنا عارف انها 2200 سى سى بس هى كام حصان ؟؟ وهل هى فانوس واحد أم دوبل فانوس؟
الـ 520 بتبقي 22000 سي سي 170 حصان عزم 220 نيوتن لو دوبل فانوس و 150 حصان عزم 215 نيوتن لو فانوس واحد,,الـ 523 بتبقي 2500 سي سي 172 حصان عزم 248 نيوتن دوبل فانوس والـ 525 بتبقي 2500 سي سي 190 حصان عزم 248 نيوتن بردو دوبل فانوس...أداء الـ 523 والـ 525 يكاد يكون واحد.
4- هل هى 4 سلندر أم 6؟
التلات فئات 6 سلندر straight.
5- سعر الضريبة السنوية كام ؟ لو هى 2200 سى سى وهل هتفرق كثير عن 2300 أو 2500؟؟
عربيتي 523 دفعت 1178 جنيه بالظبط
6- إستهلاك البنزين ؟؟
حوالي 200 كم في الصفيحة وحسب أسلوب القيادة
7- هل فى 520 مو 2004 إندفديول ؟؟ وماالفرق بين الإندفديول والعادى هل هو مجرد أوبشن زيادة ؟؟
لا مفيش غير 21 عربية فقط لا غير ونزلوا في سنتين 2001 و 2002 وأي حد يقولك غير كده يبقي غير صحيح..لأن ده كلام الشركة.
الفرق بين الإنديفيدوال والعادية بيكون في الكماليات مثل فتحة السقف الكهربة والمرايات الفولدينج والبارك سنسور والزينون وكمبيوتر العربية المتكامل والتليفون و 8 إيرباج ومرايات التعتيم.

السؤال الثانى (إختيارى) :b4_388:
واخيراً لو معاك 140,000 جنيه تركبها ولا تركب :

1-318 موديل 2004 أو 2005 هاى لاين؟؟
حسب إنت عاوز تركب إيه...4 سلندر ولا 6 سلندر .. مع مراعاة إن دي فئة 3 ودي فئة 5 يعني مفيش مقارنة بينهم كـ overall.
2- 316 موديل 2007 كيلوات قليلة ؟؟
أعتقد المبلغ ده ميجبش حالة نظيفة ولو هيجيب بردو علي حسب رغبتك بعد ما تقارن ما بينهم في كل حاجة
3- جيتا موديل 2010 كيلوات قليلة؟؟
مبحبش الجيتا
4-باسات 2008 الفتيس القديم ؟؟
زي ما أخونا الكريم قالك...مش عارف...لأن بإستثناء الموتور طبعا..الباسات عربية حلوة وفخمة بردو

إيه رأيكو فى الإمتحان الصعب ده بقى .....

---

ها جاوبت كويس ؟؟؟؟!!

اقتباس:

---

المشاركة الأصلية كتبت بواسطة inspiron

ها جاوبت كويس ؟؟؟؟!!

---

استاااااااااذ ,, راعي ال e39 في المنتدى ,,,,, الله ينور :b4_388:

:B4_388:الله ينور يا inspiron http://www.nilemotors.net/Nile/AH/Ni...s/viewpost.gif

100/100 بإمتياز مع مرتبة الشرف كمان ...تحب تشتغل معيد فى المنتدى ؟؟؟:ilikeit:
بس أنت كده حيرتنى فى حاجة واحدة وهى ...هل الأوبشن بتاع الإندفديول ده مش موجود فى أى عربية 520 أو 523 مو 2004؟؟:_Alshmokh08[1]:
وهل هناك فرق كبير من حيث إستهلاك البنزين بين ال 2200 وال 2500 ؟؟
وهل أنت حاسس بإنك راكب عربية بقالها 11 سنة ماشية يعنى حاسس إنها قديمة أو راحت عليها يعنى ؟
هو ده السبب اللى مخلينى أدور على 2004 فقط .. لآنى حاسس انها أقرب موديل ..
بس إيضايقت قوى لما عرفت إن مفيش منها إندفديول .....

وأخيراً ممكن تكلمنى شوية عن التسارع .... من صفر إلى 100 فى قد أيه ...ال Acceleration أخباره أيه ؟؟

معلش طولت عليك قوى ...بس بإعتبارك استاذ ال e39

اقتباس:

---

المشاركة الأصلية كتبت بواسطة medo20000

:B4_388:الله ينور يا inspiron http://www.nilemotors.net/Nile/AH/Ni...s/viewpost.gif

100/100 بإمتياز مع مرتبة الشرف كمان ...تحب تشتغل معيد فى المنتدى ؟؟؟:ilikeit:
بس أنت كده حيرتنى فى حاجة واحدة وهى ...هل الأوبشن بتاع الإندفديول ده مش موجود فى أى عربية 520 أو 523 مو 2004؟؟:_Alshmokh08[1]:
وهل هناك فرق كبير من حيث إستهلاك البنزين بين ال 2200 وال 2500 ؟؟
وهل أنت حاسس بإنك راكب عربية بقالها 11 سنة ماشية يعنى حاسس إنها قديمة أو راحت عليها يعنى ؟
هو ده السبب اللى مخلينى أدور على 2004 فقط .. لآنى حاسس انها أقرب موديل ..
بس إيضايقت قوى لما عرفت إن مفيش منها إندفديول .....

وأخيراً ممكن تكلمنى شوية عن التسارع .... من صفر إلى 100 فى قد أيه ...ال Acceleration أخباره أيه ؟؟

معلش طولت عليك قوى ...بس بإعتبارك استاذ ال e39

---

يا باشا تحت أمرك في أي إستفسار إن شاء الله,

أولا لازم تعرف إن مفيش 523 موديل 2004..الـ 523 نزلت من 98 لحد 2001 فقط.
بعد كده 520 و 525 و 530 ( نادرة جدا جدا جدا جدا جدا )

الكماليات المذكورة مش موجودة غير في الإنديفيدوال فقط وزي ما وضحت هما 21 عربية الموجودين ...عربيتي منهم ولقيتها بالعافية.
بالنسبة لإستهلاك البنزين لا مفيش فرق يذكر.
بالنسبة بقي للموديل فشوف حضرتك..أنا راكب الـ 523 individual موديل 2001 وراكب فانتازيا 2010. شوف فرق كام سنة..ومع ذلك الله أكبر علي البي إم...أجدع من أي عربية زيرو ركبتها.في كل حاجة.
وكمان رأيي الشخصي إن design الموديل ده سابق عصره..يعني عربية بالمنظر ده من 96 وإلي الآن ليها وضعها وسط التصميمات الحديثة ومتفوقة علي كتير منهم.وممكن تشوفها وإنت علي طريق سريع وتعدي من جنبك زي الريح كده لازم تشد إنتباهك.

فمتفكرش في حكاية موديل أقرب وأبعد لأن الكلام ده مش علي عربية زي دي شرط تكون حالتها كويسة.

بالنسبة للتسارع أنا جربت أحسبه مرة علي ستوب ووتش الموجود في كمبيوتر العربية..من 0-100 في 8,7 ثانية. ومن 100-170 في 15 ثانية.

وده فيديو من النت بيوضح تسارع الـ 523i

BMW 523iA E39 (0-100).avi - YouTube


وده صوت الموتور في الـ idle

BMW 523i e39 Soundcheck (Motor) - YouTube

والله يا inspiron انت سخنتنى وشجعتنى جداً أكثر مانا هاموت على الموديل ده ....إدعيلى ربنا يوفقنى ويسهلى الأمور وأشترى واحدة ...وساعتها بقى يا حلو مش هاسيبك ...ليل ونهار تليفونات علشان أنت اكيد راجل خبرة ...ولازم نستفيد منك ...شكراً جزيلاً ..