الموضوع: وانا اعرف ازاى انت شرطه ولا حرامى ؟؟

ماتنسوش ياجماعه انه سهل جدا تزوير الكارنيه وخصوصا مش كل الناس تعرف شكله اصلا ولا مؤمن ازاى وفى ظروف زى دى ناس كتيره بتبقى قلقانه مش هتركز فى صحه الكارنيه
اعتقد وجود ناس فى اللجنه دى وطريقه عملهم ممكن هى اللى تؤكد هما بوليس ولا حراميه

المشاركة الأصلية كتبت بواسطة hondaman

مرة قالها حبيب العادلى نفسة وغير كدة ان دة شئ قانونى يقول لك رخصتك تقولي له الكارنية ودة حقك لابس ميرى او لابس جلابية

تمام يمكن علشان اول مره اتحط فى الموقف ده فمعرفتش المفروض اعمل ايه بعد كده اكيد مش هطلعها الا لما اشوف الكارنيه الاول

المشاركة الأصلية كتبت بواسطة Ayman-Ahmed

معلش كام سوأل كدة :

شفتى معاه سلاح؟

لا

كان فيه حد تانى معاه بيوقف عربيات تانية ولا هو ده بس؟ كان فيه لجنة مصغرة حتى مثلا؟

لا هو بس
شفتى عربية شرطة على جنب او موتسيكل شرطة حتى؟

لا اللى شفته كان ونش على بعد كام متر كده
مش فاهم لما اديتله الرخصة وبص فيها سالك ليه هى عربيتك؟

مانا استغربت للسؤال برضه بس قلت يمكن كان شاكك انها بتاعه بابايا او اخويا مثلا
من حقك تسالى الشخص ده (اى كان رتبته) تشوفى الكارنيه بتاعه.
اكيد المره الجايه لازم اسئله على الكارنيه علشان الشك ده

المشاركة الأصلية كتبت بواسطة Axel

تطلبي تشوفي الكارنيه و ده القانون زي مهو ليه الحق يشوف رخصك و بطاقتك من حقك انتِ كمان تشوفِ الكارنيه اللي يثبت شخصيته
و ديه ليها مميزات طبعا
1- بتتاكدِ من شخصيته و انه غير منتحل الصفة
2- لو حصل اي حاجة او بدر منه اي حاجة و عايزة تقدمي شكوي تبقي عارفة اسمه و رتبته
3- هيتوقع حاجة من الاتنين يا اما محامية ياما عارفة القانون و عارفة حقوقك و واجباتك
اما بخصوص الزي عادي سواء ميري او ملكي

اما لو لا قدر الله الرخص اتسحبت لازم تاخدي ايصال منه يفيد انه تم سحب رخصك

و بالتوفيق ان شاء الله

تماام ادعيلى بقى المره الجايه منساش اطلب الكارنيه اصلى عارفانى

المشاركة الأصلية كتبت بواسطة HeMa_LanCeR

ازاي تديله الرخصة
دا انا مش بديها لأمين الشرطة اللي لابس ميري

هههههه اصلى حسيت انه شويه وهيضربنى لانى كلمته برخامه جداااا

المشاركة الأصلية كتبت بواسطة eldell

المفروض حضرتك اقل حاجه هتقوليهاله ورينى الكارنيه بتاعك وشوفيه وبعدها اديله الرخص

هو انا قلت فى بالى المفروض انى اعمل حاجه اتاكد بيها انه شرطه بس ايه هى بقى مش قادره افتكر فقلت اطلعها وخلاص

المشاركة الأصلية كتبت بواسطة shaddadfalcon1

لو شاكه فيه كده كان المفروض تطلبي منه الكارنيه عشان تتاكدي وانه فعلا مرور مش اي واحد بيستظرف او بيعاكس وده حقك حتي لو لابس ميري

اللى خلانى اتطمن شويه ان المنطقه دى اصلا فيها شرطه عسكريه بس فى نفس الوقت حوادث كتير بتحصل قدام الاقسام والسجون فكل شئ بقى متوقع

اكيد المره الجايه ان شاء الله لازم اشوف الكارنيه الاول

المشاركة الأصلية كتبت بواسطة SASA3

الاكرنية ده انتى تطلبيه و حتى لو هو فى كمين متنقل

اما لو كان كمين ثابت متطلبيش الكارنيه انما فى اى مكان تانى لازم تقوليله هات الكارنيه مرضاش و كده اقفلى السنتر و الزجاج و اجرى

ربنا يستر بس فلنفترض انه حرامى وخد الرخصه وانا بعدها جريت فيها مشكله ؟؟

المشاركة الأصلية كتبت بواسطة Ayman-Ahmed

لو حضرتك عندك اى نسبة شك فيه.يبقى ممكن تشوفى اقرب قسم او نقطة للمكان اللى حصل فيه الموقف ده وتحكيلهم على الموضوع ويفضل تروحى مع زوجك-اخوك-والدك وتسالى عن الظابط اللى فى النقطة او القسم ولو الامين غلس وعاوزة الظابط ليه تقولى ابدا عاوزة استفسر عن امين فى الخدمة ولا لا.ولو كتر فى الكلام على صوتك شوية هيدخلك للظابط.

تماام مجتش فى بالى الحكايه دى

المشاركة الأصلية كتبت بواسطة XMANX51

ههههههههه ههههههههه
انا من يوم لما طلعت الرخصه محدش سألني عليه غير امين شرطه واقف في لجنه وقولت انا اتمسكت رادار واداني الرخص وانا راجع بردو قولت اكيد مشيو اشد شوية وببص لقيته قدامي وبرضو نفس الامين قالي الرخص قولتله اتفضل قالي فنوس الاشاره مشروخ ليه قولتله وهو بيركب اتعمل قالي اركن قولتله طويب بكل برود روحت للظابط بيكلم الامين بيقوله في ايه قاله فنوس مكسور قولتله فنوس الاشاره في شرخ قالي فنوس ده ولي مش فنوس سكت وكان شكلي بايخ والامين بيبصلي بكل فرح قولت انا غلطان يا ولاد التيت جه الظابط بنفسه بص علي العربيه بيقولي العربيه هتروح فحص المهم رجعت معاه امين تاني بيقوله نمشيها حزام يا باشا ويدفع 50 جنيه قولت طيب ممكن لحظه خلي مع الرخص معاكم ثواني وجي وكلمت ابن عمي قالي 10 دقائق واكون عندك قولتله طيب
كلمت خالي قالي خليك في عربيتك مش تكلم حد وانا هتصرف كلم المرور الي تبعه اللجنه وبعدها بـ5 دقائق لقيت الامين جي وفي ايده الرخصه اتفضل يا باشا بصيت ليه من فوق لتحت ورميت الرخصه علي الكرسي الي جمبي ومشيت قابلت نفس الامين في المدينه الي عايش وكان معايا ابن عمي مستشار قولتله متيجي ننزل للامين ده اصله اداني مخلفه قبل كده قالي تعالي نزلنا مسك الامين ادله كلمتين ومن بعدها العربيه اتعرفت مفيش مخلفات عليه نهائي بس اقسم بالله العربيه ما فيها شئ مخالف وبمشي باحترامي وبحترم الناس جدا وعمي وما عطلت طريق

فحص علشان شرخ ؟؟ لا وعجبتنى نمشيها حزام وناخد 50 المهم ناخد اى مصلحه وخلاص ايه الحلاوه دى

المشاركة الأصلية كتبت بواسطة Dr_Mido

عملتها مع كمين مباحث فى اسكندريه بعد الثورة بشهر واقفين الساعه 3 الفجر عند الحى وبيقلى رخصك وانت ماشى بالليل ليه قلته قبل رخصى مين انتو بقى اصلا قلى مباحث مش شايف البوكس قلتله كارنيهك قلى بطاقتك قلتله انا على وشك اكسر الكمين او اضرب اللى هيقرب من العربيه بالنار لو مشتفتش مايثبت انك مباحث طلع الكارنيه بكل ادب وشفته ووريته الرخصه والبطاقه والحياة عادى ولو شفتى وزير الداخليه مدنى بيقلك رخصك قليله بطاقتك لو زود كلمه كمان على صوتك انت بس والشعب هيتولى عمليه معرفه اذا كان ظابط ولا حرامى متشغليش بالك انتى ههههههههههههه

ههههههههههههههه بس يارب وقتها يكون حواليا شعب المره دى كان حواليا ناس كتير فقلت لو حرامى هيتظبط اكيد

المشاركة الأصلية كتبت بواسطة Seifmando

حتى لو ورانى الكارنيه
انا معرفش شكله المفروض يبقى ازاي
بيتهيألى انا فى الحالة دي ممكن اطلب الكارنيه والبطاقة

طب الكارنيه ممكن بس هو هيوافق انه يطلعلك البطاقه ؟؟ اصلى عارفاهم نرفوزين اوى

المشاركة الأصلية كتبت بواسطة شاهين - بنز

الكمين ده كان في شارع إحسان عبدالقدوس قبل ماتطلعي على صلاح سالم صح؟

لا ده فى المنصوره تحديدا سندوب

المشاركة الأصلية كتبت بواسطة MaNoLa

لأ على فكرة الرخصه ولا أتسحبت منى ولا دفعتها فى مكانى هوا إلى حصل بالظبط أننا كنت ماشيه وموتوسيكل مرور كدة لقيته بيقولى أقفى على جمب روحت واقفة عادى و فتحت الأزاز كله بقولة نعم قالى دى عربيتك قولتلة أة قالى طيب أنزلى كلمينى قولتلة ليه مانا بكلمك من هنا قالى أنا عايزك تنزلى تكلمينى عشان أفهم أية إلى عاملاة فيها دة قولتلة عاملة أية يعنى أنا مش فاهمه حاجة قالى ماشيه بسرعة و كدة مخالفة سرعة و الفاميه يبقى كدة عندك مخالفتين قولتلة طيب ماشى مفيش ورق أو أى حاجة هاخدها عشان المخالفات دى عشان مش عارفة المفروض بيحصل أية لما باخد مخالفات يعنى عايزة أفهم قالى لأ تنزلى تكلمينى زى مابكلمك كدة و بيزعئلى روحت قولتلة حضرتك مينفعش تكلمنى بصوت عالى يا تفهمنى أية المطلوب منى دلوقتى بهدوء يا أما أنا همشى قالى أنزلى و أنا مش هكلمك بصوت عالى فحسيت أنه فيه حاجة غلط يعنى روحت قافلة الأزاز و مشيت بسرعة تانى بس لما كلمت أبن عمى فى الموضوع دة قالى أنه ممكن يكون حرامى أساسا ماهو مش كل واحد لابس بدله ولا راكب موتوسيكل مرور يبقى صح

كويس انك اتصرفتى صح ونبهتينى لحاجه زى دى انا لو مكانك كنت هنزل

المشاركة الأصلية كتبت بواسطة elbeheri

حاول تقرا كتاب " عشان ماتنضربش على قفاك " لعمر عفيفى بيعرفك حقوقك وكيفية التعامل مع الباشوات "اقصد رجال الشرطة"

بص هو انا فعلا عايزه اعرف حقوقى وافهم فى القانون شويه علشان لو واجهتنى حاجه لكن انا مبقبلش ولا بطيق الراجل اللى اسمه عمر عفيفى ده بينرفزنى

المشاركة الأصلية كتبت بواسطة SASA3

مع احترامى ليك بس عمر عفيفى ده كروووومبة و فشار و .....


فيه كتاب بيتوزع ببلاش فى المراكز و الاقسام اسمه كتاب الحقوق و كتاب تانى اسمه الواجبات
مش عفيفى

تمام هسال عليهم واجيبهم

المشاركة الأصلية كتبت بواسطة a333

الاكرنية ده انتى تطلبيه و حتى لو هو فى كمين متنقل

اكيد المره الجايه ان شاء الله لازم اطلبه بس يارب افتكر ههههههههههههه

المشاركة الأصلية كتبت بواسطة spidermohmd1

أقل حاجة كنتي شوفتي الكارنيه .

أيام اللجان الشعبية في عقيد كان راكب عربية ملاكي و لابس ميري و خلناه يطلع الكارنيه و البطاقة و الرخصة .

التلاته ماشاء الله بس عايزه اقولك ان وقت اللجان الشعبيه كانت الناس فرحانه اوى وكان اللى بيطلعلك اثبات الشخصيه بيطلعه وهو فرحان بيك

المره الجايه ان شاء الله هطلب الكارنيه

المشاركة الأصلية كتبت بواسطة mido51eg

زي الأخوة ماقالوا انك تطلبي تشوفي الكارنيه. وتتحققي من البيانات ومن صورته اللي على الكارنيه ولو طلع الكارنيه وحطه في جيبه تاني بسرعة تصري انك تشوفي الكارنيه تاني وماتتخدعيش في الحركة دي لأن ممكن الكارنيه يكون مسروق او مزور.

وده وارد جدا الايام دى يبقى فعلا لازم البطاقه

المشاركة الأصلية كتبت بواسطة Ashraf_Ashraf

ماتنسوش ياجماعه انه سهل جدا تزوير الكارنيه وخصوصا مش كل الناس تعرف شكله اصلا ولا مؤمن ازاى وفى ظروف زى دى ناس كتيره بتبقى قلقانه مش هتركز فى صحه الكارنيه
اعتقد وجود ناس فى اللجنه دى وطريقه عملهم ممكن هى اللى تؤكد هما بوليس ولا حراميه

صح فعلا ربنا يسترها الايام الجايه ويعدى الفتره دى على خير

المشاركة الأصلية كتبت بواسطة Frozen_Pain

ضابط صاحبى بيقولى بنبقى واقفين فى الكمين

نوقف عربيات علشان نشوف الرخص اول ما اقول لحد الرخص يقولى الكارنيه

يبقى نعمل كتالى بكل ادب واحترام هيقول ممكن اشوف الرخص تقوليله ممكن اشوف الكارنيه الاول

اكيد المره الجايه هعمل كده

المشاركة الأصلية كتبت بواسطة Frozen_Pain

ايام اللجان دى كانت ايام زى الفل

تحس ان الشعب المصرى كله ضباط شرطة

حتى بعد الامور ما استقرت نسبيا تلاقى ناس واقفين فى الاشارة ومش عايزين يسيبوا اماكنهم عجبتهم الشغلانة

بجد دى اكتر فتره كانت مبسوطه بشباب مصر جدا جدا جدا وببقى ماشيه فى الشارع بليل وشايفه جرانى على اول الشارع كل واحد بشومه لحد الفجر كنت ببقى حاسه بامان رهيب
ولحد دلوقتى فعلا لو الطريق قفل مثلا بلاقى شباب اتطوعوا وفضلوا واقفين لحد ما يحلو الازمه
بس منهم لله البلطجيه اللى طلعهملنا الزفت عدلى ضيعوا الفرحه والامان وخلونا عايشين فى رعب