عايز اشتري عربيه من بره مصر (بس تكون قديمه سنه او سنتين)
بعد عده محاولات فاشله في الحصول علي عربيه مستعمله من السوق المصري اللي غاليه جدا بالنسبه لموديلها واللي متسواش اصلا تمنها واللي مخبوطه قوايم والراجل يحلف انها فبريكه ....الخ
طبعا فكرت في شويه حلول غير تقليديه فكرت في عربيه نصين طلعت متعبه وعايزه فلوس اكتر من اللي معايا
معايا اخو المدام معاق قلت تمام انا كده كده مش عايز العربيه ليا انا عايزها للمدام وده اخوها ياخد العربيه في مقابل انه يقضي مشاويرها يوديها للدكتور اهو برضه ينفع وفي نفس الوقت هرتاح من ميكانيكي وهرتاح من العنايه بيها وكمان مش هبقي خايف علي المدام انها تخبط حد
مع الاسف منفعش لانه اترفض في الكومسيون علشان النظر
دلوقتي قدامي حل تاني بس مش عارف ايه جدواه
عايز اجيب لوجان موديل 2008 او 2009 العربيه معتقدش استعمال من فرنسا هتعملها اكتر من 2000 يورو والعربيه معفيه جمرك يبقي هتدفع ضريبه مبيعات وشويه حبشتكنات بتاع 15 الي 20 الف
تبقي كده في الجون بس انا برضه مش عارف هل ينفع اني اجيب عربيه مستعمل من الخارج ولا لا
