تريوس 2010 برجاء المشورة

**ahmouda2009** · 19-10-2011 01:54 AM

الاعضاء الكرام معروض عليه سيارة دايهاتسو تريوس موديل 2010 glx ب 115000 جنيه عاملة 22000 كيلو بحالة جيدة بدون abs ما رايكم في السعر وفعلا الموديل glxبينزل من غير abs ولا ايه وهي دي اعلي فئة ولا لأ وهي تمنها كام زيرو طيب هي احسن ولا كيا سول زيرو اعلي فئة مع العلم ان السول كماليتها اكتر ودة مهم بالنسبة لاختياري والتريوس ياباني ولا تنصحوني بحاجة تالته في حدود 120-130 الف بس بلاش الكارينز. انا افضل السيارات العالية مش السيدان وفي كمان النيسان ليفينا شكلها حلو وعالية برضه وتمنها معقول. برجاء الرد والمساعده لاحسن دماغي ضربت ومش عارف اختار. ولكم الشكر مقدما.

**ahmouda2009** · 19-10-2011 08:48 AM

مفيش اي حد عنده رد يا جماعة ولا ايه

**ahmouda2009** · 20-10-2011 11:24 PM

ﻣﻌﻘﻮﻟﺔ ﻳﺎ ﺟﻤﺎﻋﺔ ﻭﻻ ﺭﺩ ﻭﺍﺣﺪﻫﻮ ﺍﻟﻤﻨﺘﺪﻱ ﺟﺮﺍﻟﻪ ﺍﻳﻪ؟

**omskmaher** · 21-10-2011 04:12 AM

لو مش فارقه معاك الاتوماتك خليك فى الرينو داستير عربيه ممتازه

**ahmouda2009** · 25-10-2011 01:25 PM

شكرا علي الرد فعلا الداستر حلوة وعاجباني بس للاسف مانيوال وانا افضل الاوتوماتيك طيب ايه رايك في التيريوس

**mhmdkhamis** · 25-10-2011 01:40 PM

بص السول افضل بكل المقاييس و خليك فى الجديد و السول اثبتت نجاح كبير و كفايه انك هتكون راكب عربيه مميزه جدا وال abs اصبح مهم جدا حاليا (وجهه نظر شخصيه)

**Imhotep** · 25-10-2011 02:56 PM

التريوس حاجة و السول حاجة تانية.... صحيح الاتنين سيارات مدينة فى الاساس لكن الاستخدام و ان السيارة تكون معمرة بيخلى فى فرق.... انت قلت يهمك الاوبشنز و هنا السول تكسب.... لو كمان بتقعد العربية معاك مدة اقصاها 5 سنين و اقلب يبقى برضه السول تكسب... لكن.... لو انت محتاج عفشة حديد تستحمل شوارعنا الجميلة و تنسى معاها هم المطبات و الكلام ده هتلاقى الوحش اللى جوه التريوس يظهر.... لو هتقعد العربية معاك 10 سنين مثلا التريوس تكسب..... من الاخر احنا قدام مدرستين فى بناء العربيات: طول العمر، الاعتمادية و عفشة ال 4*4 اليابانى امام اوبشنز و دلع الكورى مع ملاحظة ان المدرسة الكورى فى بناء السيارات مازالت يغلب عليها الطابع الاستهلاكى يعنى موضوع ان السيارة تكون معمرة ده مش مركزين عليه اوى.... و الله الموفق فى الاختيار

**ahmouda2009** · 26-10-2011 08:13 AM

شكرا علي ردودكم القيمة، فعلا انا محتار بين الاتنين ولكن ميال اكتر للتريوس الياباني علشان طول عمر الموتور والعفشة والاستحمال رغم ان عيني طالعة علة الاوبشنز اللي في السول ، وانا مش من النوع اللي بيحب يغير السيارة يعني عايز عربية تعمر فترة طويلة وربنا يكرمني ويختارلي اللي فيه الخير

**ahmouda2009** · 26-10-2011 08:15 AM

المشاركة الأصلية كتبت بواسطة mahora

التريوس حاجة و السول حاجة تانية.... صحيح الاتنين سيارات مدينة فى الاساس لكن الاستخدام و ان السيارة تكون معمرة بيخلى فى فرق.... انت قلت يهمك الاوبشنز و هنا السول تكسب.... لو كمان بتقعد العربية معاك مدة اقصاها 5 سنين و اقلب يبقى برضه السول تكسب... لكن.... لو انت محتاج عفشة حديد تستحمل شوارعنا الجميلة و تنسى معاها هم المطبات و الكلام ده هتلاقى الوحش اللى جوه التريوس يظهر.... لو هتقعد العربية معاك 10 سنين مثلا التريوس تكسب..... من الاخر احنا قدام مدرستين فى بناء العربيات: طول العمر، الاعتمادية و عفشة ال 4*4 اليابانى امام اوبشنز و دلع الكورى مع ملاحظة ان المدرسة الكورى فى بناء السيارات مازالت يغلب عليها الطابع الاستهلاكى يعنى موضوع ان السيارة تكون معمرة ده مش مركزين عليه اوى.... و الله الموفق فى الاختيار

ممكن تقولي التريوس عاملة معاك اية واية مواصفاتها ومميزاتها وعيوبها عن تجربتك معاها ولك الشكر مقدما

**Imhotep** · 26-10-2011 02:31 PM

المشاركة الأصلية كتبت بواسطة ahmouda2009

ممكن تقولي التريوس عاملة معاك اية واية مواصفاتها ومميزاتها وعيوبها عن تجربتك معاها ولك الشكر مقدما

اللينك ده فيه تقييم كنت عامله فى موضوع ممكن يفيدك
http://www.nilemotors.net/Nile/132040-a.html (مطلوب تقييم محترفللتيريوس من الساده الملاك)

الموضوع: تريوس 2010 برجاء المشورة

LinkBack

أدوات الموضوع

عرض

تريوس 2010 برجاء المشورة - انشر الموضوع فى :

-

-

-

-

-

المواضيع المتشابهه

تريوس 2010 اعلي فئة

تريوس 2010 اعلي فئة

أرجو المشورة ... كورولا 2011 _أم_ هوندا سيفيك 2010 ؟؟

تريوس 1999-2000 برجاء الإفادة

تريوس 2010

الكلمات الدلالية لهذا الموضوع

المفضلات

المفضلات

ضوابط المشاركة