ساعدونى مشكلة فيات أونو 2000 ردوا عليا بلييييييز

السلام عليكم ورحمة الله وبركاته

عندى مشكلة فى العربية ..لمبة الانجكشن بتنور وتطفى وانا ماشية وساعات العربية بتقطع وممكن تطفى وبتعمل صوت فرقعة كهربا :(
مع العلم انى وديتها للكشف بالكمبيوتر وقالى ان دى مشكلة فى البوابة اللي بيركب عليها الانجكشن دورت و جبتله كذا بوابة كاملة استيراد لأن مفيش منها جديد جربهم قالى مش نافعيين فقالى الحل انى أحولها بدل الانجكشن كربراتير وأبقى كده اتخلصت من مشكلة لمبة الانجكشن وقطع غيارها هتبقى متوفرة وقاللى العربية هتبقي أحسن بكتير
بعد كده روحت لميكانيكى عادى ظبطلى فرقعة الكهرباوغيرلى سلوك وبوجيهات من عند الكيلانى وقالى أصلا البوابة والانجكشن مش بيبوظو هنضفهولك روحت خدت العربية كانت تمام وناعمة جدا ومبتقطعتش لحد ما روحت لقيت لمبة الانجكشن قعدت تنور و تطفى تانى وساعات العربية تبطل و أنا ماشية

معلش أنا رغيت كتير بس قولولى ربنا يخليكو عشان مش لاقية حل للمشكلة دى وأتخنقت من الميكانيكية وحتى روحت قبل كده مركز صيانة فيات فى شارع العريش بوظولى حاجات فى العربية وحسيت أنهم مش بروفيشينال :(
وجزاكم الله كل خير

يا رب حد يرد عليا

الساعة 3 الفجر مين هيرد
بتحطى بنزين كام و من حتة كويسة؟
فلتر الهوا حالته اية؟

اوعى تعمليها كاربراتير خالص لان الكربراتير مشاكله كتير و سعره غالى جدا جدا جدا 1800 جنية جديد و الاستيراد الى موجود فالسوق كله بايظ, حاولى تصلحى الانجيكشن عند حد مضمون انا معايا 1998 كاربراتير و بعدين السحب بتاع الانجيكشن احسن من الكربراتير بكتيييييير , تانى حاجة المركز الى فالعريش اصلا مش بيحبوا يشتغلوا فالعربيات القديمة و مفيهومش حد بيفهم و معندهمش اصلا قطع غيار و حالتهم صعبه كلهم