فرق السعر راح فين .....؟

**nonnos5** · 19-10-2011 11:18 AM

هوه الموضوع غريب شوية بس انا لما كنت بقرا فى مواضيع قديمة هنا لقيت ان سعر الفتيس ال cvt للانسر البومة 1600 cc سعره فى التوكيل 28000 جنيه ده من غير الضريبة والمصنعية فخطر على بالى حاجة غريبة جدا اذا كان الفتيس ده سعره غالى اوى كده وطبعا عمر ما سعر الفتيس المانيوال فى التوكيل حتى ما هيعدى 8 الاف جنيه يبقى ازاى مثلا فى 2007 كان سعر الانسر 1600 مانيوال ب 103 الف وسعرها اوتوماتيك 107 الف طبعا دى اسعار 2007 يبقى الفرق ما بين سعر السيارتين 4 الاف جنيه بس مع العلم ان لو cvt اختراع اوى كده كان فرق فى سعر العربية من الزيرو على الاقل 15 الف جنيه ان لم يكن اكتر فده ليه اكتر من معنى ..
يااما هما بيكسبوا مثلا فى العربية 25الاف وبيكتفوا ب 5 الاف مكسب بس فى الاوتوماتيك وطبعا صعب او بيكسبوا مكسبهم الطبيعى جدا فى الاوتوماتيك اللى الله اعلم كام وبيرفعوا سعر المانيوال ويكسبوا فيها اكتر وده الاحتمال الاكبر
او سعر العربتين مانيوال واتوماتيك الفرق بينهم فعلا مش كبير 4 الاف فعلا بس ده معناه ان قطعة الغيار دى فى التوكيل سعرها باى حال لايتعدى 10 الاف جنيه
انا اسف على الرغى الكتير بس حبيت افهم هما بيحسبوها ازاى

**M.Al-Hefnawy** · 19-10-2011 11:28 AM

حضرتك سعر اللانسر البومة في الإمارات تقريبا 60 ألف جنيه أو أقل (35 ألف درهم) أنا ما اعرفش الجمارك كام بس طبعا الشركات بيكون ليها حساب خاص. شوف بقى المكسب يطلع كام

**nonnos5** · 19-10-2011 11:56 AM

المشاركة الأصلية كتبت بواسطة egy77

حضرتك سعر اللانسر البومة في الإمارات تقريبا 60 ألف جنيه أو أقل (35 ألف درهم) أنا ما اعرفش الجمارك كام بس طبعا الشركات بيكون ليها حساب خاص. شوف بقى المكسب يطلع كام

ياباشا انا عارف الاسعار بره عامله ازاى بس دى حاجة بيتحكم فيها الدولة من جمارك وضرائب انما مش مبرر فى اسعار قطع الغيار المبالغ فيها ان لو واحد لاقدر الله الفتيس بتاعه باظ يدفع حوالى 32 الف جنيه السعر بالضرايب والمصنعية فى قطعة غيار ده تمن العربية بره مصر تقريبا
وشكرا جدا على مشاركتك

**M.Al-Hefnawy** · 19-10-2011 08:53 PM

هو ده قمة الاستهبال في بلدنا

**IronHead** · 19-10-2011 10:16 PM

المشاركة الأصلية كتبت بواسطة nonnos5

ياباشا انا عارف الاسعار بره عامله ازاى بس دى حاجة بيتحكم فيها الدولة من جمارك وضرائب انما مش مبرر فى اسعار قطع الغيار المبالغ فيها ان لو واحد لاقدر الله الفتيس بتاعه باظ يدفع حوالى 32 الف جنيه السعر بالضرايب والمصنعية فى قطعة غيار ده تمن العربية بره مصر تقريبا
وشكرا جدا على مشاركتك

على فكرة سعر الفتيس من التوكيل طبيعى, فتيس الفولكس ب 70 الف, وفتيس البيجو اللى بيبوز كتير ب 45الف, تخيل بقى البيكانتو الاوتو ب 35الف,
متنساش بردو ان فتيس البومة cvt فأكيد متكلف عن الفتيس الاوتو العادى

**mohdfouda** · 20-10-2011 09:26 AM

المشاركة الأصلية كتبت بواسطة egy77

حضرتك سعر اللانسر البومة في الإمارات تقريبا 60 ألف جنيه أو أقل (35 ألف درهم) أنا ما اعرفش الجمارك كام بس طبعا الشركات بيكون ليها حساب خاص. شوف بقى المكسب يطلع كام

حضرتك انا جايبها من الامارات ب44000 وسعرها اصلا 49000 درهم وخ\تها بالسعر ده لانى مرخصتهاش هناك جبتها مصر علطول ممكن اعرف بس حضرتك جايب السعر ده منين ؟