الموضوع: أستفسار بخصوص تركيب إنذار وولف للانوس

المشاركة الأصلية كتبت بواسطة yaahmed1881

هو أنهى توكيل ركبت فيه الإنذار لأن أنا سألت كذا مرة فى التوكيل و قالولى أن ده هيخرج العربية من الضمان ( كهرباء ) قوللى عليه و أنا حروح أركب فيه

المشاركة الأصلية كتبت بواسطة tarek_2005

قصده توكيل جهاز الانزار الوولف الموجود في شارع جسر السويس بس الضفيرة ستخرج من الضمان

توكيل الانذار الموجود فى شارع جسر السويس على ما اسمع عنه من كذا حد ممتاز جدا والناس اللى فيه فاهمين جدا فى الجهاز بتاعهم , بس للاسف التركيب عندهم او بره التوكيل عموما يطلع كهربة العربية من الضمان.
أنا ركبت فى توكيل منصور بالأقصر

يا جماعة لو سمحتم أنا لما عملت صيانة ال 10 الأف فى التوكيل خليت الفنى اللى ركب الانذار يوصل جميع الابواب على اشارات الانتظار وبكده اى باب فى العربية بيفتح بيشغل الانتظار مش باب السواق بس ... وهو تحجج بأن الموضوع ده معملوش من الأول علشان يخفف الاحمال على الجهاز وركبه لما انا صممت عليه.
الحاجة التانية المهمة هو انى معرفتش اشرحله ازاى يقدر يعمل فصل للمارش لما الجهاز يشتغل ... بمعنى ان الانذار لما يحس بمحاولة اقتحام والسارينة تشتغل العربية متدورش لا بالمفتاح ولا بغيره ... انا فاهم الفكره العامه بس معرفتش اشرحها لا للفنى ولا حتى المهندس بتاع التوكيل فهل ممكن لو حد عاملها عنده يشرحلى التوصيل بيبقى بين ايه فى العربيه وجهاز الانذار (( السيركيت ديجرام لجهاز الانذار فى بداية الموضوع )) ؟؟

هو موضوع حلو اوى حوار فصل المارش ده

بس اللى مقلقنى انى اعمله يوم و ييجى مثلا الريموت يتكسر او البطاريه تخلص و انا فى مشوار مثلا مش جمب البيت و بكده مش هعرف ادور العربيه

فايه الحل ؟؟؟؟

المشاركة الأصلية كتبت بواسطة mostafa mahmod

هو موضوع حلو اوى حوار فصل المارش ده

بس اللى مقلقنى انى اعمله يوم و ييجى مثلا الريموت يتكسر او البطاريه تخلص و انا فى مشوار مثلا مش جمب البيت و بكده مش هعرف ادور العربيه

فايه الحل ؟؟؟؟

ما هو المارش هيفصل بس لو الأنذار أشتغل ولو حصل والأنذار شغال والريموت بتاعك أتكسر أو بطاريته فضيت .. فأول ماهتدخل عربيتك بالمفتاح الأنذار هيشتغل والعربية مش هتدور بس فى الحالة دى بتفتح الكونتاكت وتقفله 8 مرات ورا بعض خلال 12 ثانيه وساعتها الأنذار هيوقف والعربية هتشتغل عادى.

المشاركة الأصلية كتبت بواسطة asom_6

ما هو المارش هيفصل بس لو الأنذار أشتغل ولو حصل والأنذار شغال والريموت بتاعك أتكسر أو بطاريته فضيت .. فأول ماهتدخل عربيتك بالمفتاح الأنذار هيشتغل والعربية مش هتدور بس فى الحالة دى بتفتح الكونتاكت وتقفله 8 مرات ورا بعض خلال 12 ثانيه وساعتها الأنذار هيوقف والعربية هتشتغل عادى.

اول مره فعلا اعرف المعلومه دى
الف شكر ليك يا باشا

المشاركة الأصلية كتبت بواسطة asom_6

الحاجة التانية المهمة هو انى معرفتش اشرحله ازاى يقدر يعمل فصل للمارش لما الجهاز يشتغل ... بمعنى ان الانذار لما يحس بمحاولة اقتحام والسارينة تشتغل العربية متدورش لا بالمفتاح ولا بغيره ... انا فاهم الفكره العامه بس معرفتش اشرحها لا للفنى ولا حتى المهندس بتاع التوكيل فهل ممكن لو حد عاملها عنده يشرحلى التوصيل بيبقى بين ايه فى العربيه وجهاز الانذار (( السيركيت ديجرام لجهاز الانذار فى بداية الموضوع )) ؟؟

أستاذ / طارق .... ممكن مساعدة فى النقطة دى....