يعني عرض الصيانة المجاني مش ساري على اللي شاري العربية من موزعين تانيين غير اوتواجيبت
عرفت من احمد تي في الأتي:
انه كان هناك من يومين ... الاتنين اللي فات في اوتو ايجيبت ابو رواش
علشان التحضير للافتتاح الرسمي ليهم وكان بيتفق طبعا لينا علي عروض وخصومات لاعضاء المنتدي
ووشاف المكان وعلي وصفه حاجة ممتازة والاجهزة عالية جدا ولكن .....!!!
لسه الافتتاح مش بكل قوتهم... وحاليا هما شغالين علي الصيانات الدورية بس .... لكن لو مشاكل عويصه لسه المكن مشتغلش يكامل قوته
وهما فعلا عاملين عرض في الوقت الحالي تغيير زيت بدون مصنعية وفلتر مجاني ولكن.... !!!!
الزيت لازم يتغيير من عندهم ... فترة العرض ده بس
والزيت اللي بيغيره حاليا ... وعلي طول بعد كده .... زيت توتاال
وبعد انتهاء فترة العرض اللي عايز يغير الزيت اللي هو عايزه يبقي براحته.
[gdwl]برجاء اي عضو من نايل موتورز حجز للصيانة الدورية في اوتو ايجيبت ويغير زيت وفلتر .... يقول انه من نايل موتورز[/gdwl]
والكلام ده نقلا من أحمد تي في
تحياتي
حسين جمال
المنسق المساعد لقسم نيســان
انا كمان عرفت من ابو حميد يوم ما كلمته على موضوع التكييف عندى
شكلهم بيفكرنى بابو غالى العبور فى موضوع زيوت توتال ده
طيب لو انا عايز احط زيت تاني من بره العرض و الفلتر علي حسابي .. هيبقي في مشكلة ؟؟ علشان لو غير كده يبقي هضطر اني احجز في السبع
برضه ابوغالى العبور كانوا بيقولوا كده وحطيت توتال 5000 فى صيانة الالف وال5000 كم لحد اما روحت يونايتد جروب فى صيانة ال10 الاف وحطيت موبيل ومن ساعتها وانا باحط موبيل وباشتريه من برة قبل ما اروح السبع
وبصراحة توتال اقل من موبيل شوية بسيطة فى موضوع الصوت العالى
على فكرة رينو اسكالا بتنصح بزيوت توتال عشان غالبا بيبقى deal بينهم ع التوريد بسعر الجملة وبيطلعله فيه مكسب برضه
موضوع الزيت حسب مزاج كل عميل هات اللى عاوزه وروح بيه يحطهولك فى العربية
على فكرة المكان رائع واحسن حاجة موجودة هناك انك تقدر تتابع اللى بيحصل للعربية من خلال بارتشن زجاج ترى ما يتم خلال الصيانة
انا كنت موجود هناك يوم 19/10/2011 صحيح لسة فى شوية تشطيبات بس المكان كويس جدا
ياجماعة كل انواع الزيوت نفس التكوين و في مصر من نفس المصدر