استفسار بخصوص عرض عربية في معرض للمستعمل

**Unendlich** · 19-10-2011 12:21 PM

الاخوة الافاضل
لو واحد صاحب معرض طلب يعرض العربية عنده عشان يبيعهالي و يبقى ياخد 1000 جنيه عمولة, إيه رايكم ؟
أولا أنا معرفش صاحب المعرض بس من كلامه باين انه شخص مهذب
ثانيا, هل في أي اجراءات قانونية للموضوع ده ؟ ولا بسيبله العربية بالمفتاح بالرخصة و أمشي ؟!
ثالثا, نفرض معرفش يبيع العربية بعد فترة معينة, هل باخد العربية منه و أمشي ولا هيقولي أنا عايز فلوس ؟
احنا لسة متكلمناش في التفاصيل بس احب لما آجي أتكلم أبقى عارف إيه اللي لي و إيه اللي علي عشان ولا اظلم الرجل ولا اظلم نفسي
و متشكر مقدما على النصائح

**SASA3** · 19-10-2011 04:23 PM

لا العمولة كبيرة شوية انا اعرف واحد صاحبى كان عرض عربيتة فى معرض و العربية اتباعت و الراجل اخد 250
و واحد تانى اخد 400 يعنى مش 1000 !!!!!

بس لو هتسيبهاله بلاش تديله الرخصه او حتى ابقا اديلة صورة منها علشان لو حد حب يتفرج على الرخصه يتاكد و لو فيه حاجه هيناديك علشان تخلص الورق بتاعها

**Unendlich** · 19-10-2011 07:26 PM

المشاركة الأصلية كتبت بواسطة sasa3

لا العمولة كبيرة شوية انا اعرف واحد صاحبى كان عرض عربيتة فى معرض و العربية اتباعت و الراجل اخد 250
و واحد تانى اخد 400 يعنى مش 1000 !!!!!

بس لو هتسيبهاله بلاش تديله الرخصه او حتى ابقا اديلة صورة منها علشان لو حد حب يتفرج على الرخصه يتاكد و لو فيه حاجه هيناديك علشان تخلص الورق بتاعها

متشكر جدا يا فندم
علم بالنسبة للعمولة
طيب يعني اسيبله العربية من غير رخصة, بس هل كده في أي حاجة تضمن حقي ؟ ولا بيبقى الموضوع ودي ودي ؟
في انتظار الآراء المختلفة