عرض للطباعة
انا معايا لانوس2012- و عاملة دلوقتى 280 كيلو
عندى عداد rpm بيبقى قريب جدا من 1 و العربية دايرة من غير ما أدوس بنزين
و فيه واحد صاحبى قاللى أن العداد بيكون بين النص و الواحد و العربية دايرة
و قاللى أن كدة ممكن يكون الموتور عالى و عايز يوطى شوية ، مع العلم [ن الصفيحة 92(20 لتر) عندى بتعمل 140 كيلو داخل البلد من غير تكييف.
فبرجاء الإفادة للأهمية و جزاكم الله خيرا
مع احترامى الشديد لصاحبك... اللى قالة دة فتى
MMamdouh
برجاء توضيح أية هو الصح و الغلط فى السؤال بتاعى
أولا ألف مبروك
كلام صاحبك صح..لازم يبقي مؤشر الأر بي إم تحت الواحد بشويه بس الكلام ده بعد ما تدور العربيه و تسخن..في أول التشغيل بيبقي فوق الواحد بحاجه بسيطه بعدها ب 3 دقايق تقريبا بينزل تحت الواحد ..
لو عندك حاجه غير كده يبقي روح التوكيل حيظبطوها و الموضوع بسيط إن شاء الله.. و يمكن ده اللي مزود إستهلاك البنزين عندك..
و عموما إستهلاك البنزين بيتظبط شويه بعد ال5000 كم الأولي و ياريت تقرأ موضوع فيشه الأوكتان أو قولهم عليها في التوكيل حيشيلوهالك.. حتفرق معاك في السحب..
عاوز أقولك علي حاجه صوت موتور الشفروليه لانوس عالي شويه بصفه عامه..
طولت عليك..بس بحاول أفيد علي أد ما أقدر.
عمرو ابراهيم
عربيتك مفهاش اى حاجه يا باشا طبيعى جدا فى الانوس بدايه التشغيل بيكون العداد فوق الواحد بحاجه بسيطه وبعد كام دقيقه بيكون تحت الواحد بحاجه بسيطه بس عمره ما بينزل اكتر من كدا ذى ما صحبك بيقول
وبلاش لعب فى العربيه دا لسه زيرو
اولا: مؤشر عداد الRPM بيبقى تحت الواحد... لكن مبيبقاش فى النص بين الواحد و الصفر لان عدد لفات الموتور الصح فى السلانسية فى الدايو هو 850 بالتالى مستحيل المؤشر يبقى فى نص المسافة بين الواحد و الصفر و تبقى العربية طبيعية... المكان الطبيعى للمؤشر عندنا هو نحت رقم 1 بحاجة بسيطة خالصاقتباس:
المشاركة الأصلية كتبت بواسطة ramy_ahamid
ثانيا: مفيش حاجة اسمها تعللى او توطى الموتور فى عربية انجكشن... سرعة الايدل بيتحكم فيها الكونترول من خلال بلف سرعة الايدل ولا يوجد اى مجال لتعديل السرعة دى بشكل يدوى
MMamdouh
ممكن اعرف ايه الجديد فى لانوس 2012 عن 2010 ؟؟؟؟؟